2ቆሮንቶሴ ኣሳስ 7:1 - Geeshsha Maxaafa

¹ Hessa gishshas ta siiqotoo! Hayssi hidotay nuus imettida gishshas ashonne ayana tunisiza ay miishshafekka ane nuna geeshshoos; Xoossas yashshan nu geeshshateththaa ane kumeth histtoos.

ጋሞ ማጻፋ

¹ ሄሳ ጊሻስ ታ ሲቆቶ! ሃይሲ ሂዶታይ ኑስ ኢሜቲዳ ጊሻስ ኣሾኔ ኣያና ቱኒሲዛ ኣይ ሚሻፌካ ኣኔ ኑና ጌሾስ፤ ጾሳስ ያሻን ኑ ጌሻቴ ኣኔ ኩሜ ሂስቶስ።

Gamo Geesha Maxxafa New Testamen

¹ Hessa gishshi ta siiqoto! hayssi hidotay nuusu immetida gishshi ashone ayana tunissiza ay miishafeka ane nuna geeshosu. Xoossas yashan nu geeshatetha ane kumeth histoosu.

2ቆሮንቶሴ ኣሳስ 7:1 ပူးပေါင်းရင်းမြစ်များ

2ታሪኬ ማጻፋ 19:9

Hessafe guye Iyoosaafixey isttas, «GODAAS yashshateththan, ammaneteththaninne kumeththa wozinan ooththite.

ዬ ማጻፋ 119:9

Naateththi ba oge geeshshateththan wostti naaganaas dandayzee? Ne qaalay giza mala de7ikko dandayees.

ዬ ማጻፋ 19:9

GODAAS yashshi geeshshateththa; izi mernaas eqqidi de7ana. GODAA pirday mulera tumanne xillo.

ዬ ማጻፋ 51:10

Abeet Xoossawu! Ne taas geeshsha wozina medhdha; mino ayana ta giddon woththa.

ሌሚሶ ማጻፋ 16:6

Siiqoninne ammaneteththan nagaray atto geetettees; GODAAS yashshateththan asi iitappe haakkees.

ሌሚሶ ማጻፋ 20:9

«Ta wozinaa geeshshadis; ta geeshsha; tanan nagaray baawa» gaanay oonee?

ሌሚሶ ማጻፋ 30:12

Tuna gidi uttidi banttana geeshsha mala qoodiza asati deettes.

ሌሚሶ ማጻፋ 8:13

Godaas yashshateththi iita ixo; tani otoronne hallaca, menxe iitateththinne geella haasaya ixxays.

ኤራንቻታ ማጻፋ 11:10

Hessa gishshas ne wozinappe ceece haassa; iita miishshika neeppe digga; gaasoykka naateteththinne yelagateththi elle aadhdhana.

ኢሳያሳ ቲንቢቴ 1:16

Meecettite; inttena geeshshite; intte iita oosoza ta sinththafe diggite; iita oosokka aggite.

ኢሳያሳ ቲንቢቴ 55:7

Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ኤርማሳ ቲንቢቴ 13:27

Intte zumbullata bollanne demban ooththida harassiza ooso tani be7adis; intte laymateththanne intte ziita hanota ta be7adis; Yerusalaame nees aayye ana! Neni ayde gakkanaas ne tunateththaafe geeyontta daanee?» gees.

ኤርማሳ ቲንቢቴ 4:14

Nenoo Yerusalaamee! Ne attana koykko ne wozina iitateththaa meecetta; Iita qofay ne wozinan ayde gakkanaas gam7anee?

ሌዌታ ማጻፋ 13:58

Ay may7onne galbafe oosettida ay miish meeccishin buuqazi izappe dhaykko qasseka meecco; hessafe guye wogay giza mala may7ozi geesh gidana.»

Maatosa 12:33

«Miththi wuri ayfen erettizayssa mala intte lo7o ayfe demmanaas inttes lo7o miththi do; inttes iita miththi dizaa gidikko intte iita ayfe ekkana.

Maatosa 5:48

Hessa gishshas intte salo Aaway wosoy bayndaytas gidida mala intteka wosoy bayndaade gidite.

Maatosa 5:8

Wozina xilloti anjjettidayta; ays giikko istti Xoossa beyana.

ሃዋሬታ ኦሶ 9:31

He wode Yuhudaninne Galilan, Samaariyankka diza ammanizayti saron diidi kaseppe minnida; qasseka Xoossa yashshateththan simerettishe Xillo Ayanan minettidanne kaseppe qoodan dari dari bida.

ኦሮሜ ኣሳስ 5:20

Wogay yiin mooroy darides; gido attiin nagaray daroyssafe bollara Xoossa kiyateththi keehi darides.

1ቆሮንቶሴ ኣሳስ 6:20

Intte miishshan shamettideta; hessa gishshas intte intte asateththan Xoos bonchchite.

2ቆሮንቶሴ ኣሳስ 1:20

Xoossafe imettida hidotati wurikka, «Ee» gididay izanna; nunikka iza baggara Xoossaa bonchchos, «Amiin» gizay hessa gishshassa.

ኤፌሶኔ ኣሳስ 2:3

Hayssafe kase nuni nu asho amoteth polishe ashoy koyza oge kaallishe isttara doos; nunikka hankko asa mala nu medheteththafe Xoossa hanqo garsan de7oos.

1ታሶሎንቄ ኣሳስ 3:13

Nu Godaa Yesus Kirstoosi geeshshata ubbatara yiza wode nu Aawaa Godaa Xoossaa sinththan intte wosoy bayndaytanne geeshshata gididi beettana mala intte wozina izi minththo.

1ታሶሎንቄ ኣሳስ 4:7

Xoossi nuna geeshshateththas xeygides attiin tunateththas xeygibeenna.

1ታሶሎንቄ ኣሳስ 5:23

Saroteththa Goday izi ubba miishshan inttena dummaso; intte ayanay, intte shemppoynne intte ashoy Godaa Yesus Kirstoosi yiza wode wosoy baynda naagetto.

Ibirawe 12:23

Istta sunththi salon xaafettida bayrata maabarankko; ubbaas daanna gidida Xoossaako istta bolla wosoy baynda xillo asata shemppoy dizaso matideta.

Ibirawe 12:28

Hessa gishshas nuni mulekka qaaxxontta kawoteth laattana gishshas ane Xoos galatoos; qasseka iza ufayssiza ogera bonchchoossinne yashshateththan ane izas goynnoos.

Ibirawe 4:1

Gede shemposo gelanaas imettida hidotay ha7ikka naagetti diza gishshas intte giddofe oonikka hessas bessonttaade gidontta mala ane naagettoos.

Ibirawe 6:9

Ta ishatoo! Nuni hessaththo haasaykkoka inttes intte atoteththara oykettida lo7o miishshi dizayssa nu sidhokko.

ያቆቤ ኪታ 4:8

Xoossako shiiqite; izikka intteko shiiqana; intteno nagaranchchatoo! Intte intte kushe geeshshite; intteno nam7u qofan qaaxxizaytoo! Intte intte wozina geeshshite.

1ጴጽሮሳ ኪታ 1:15

Inttena xeygida Xoossay dumma gidida mala intteka intte duussan ubbaan dummatite.

1ጴጽሮሳ ኪታ 1:17

Oonakka dumma shaakki maaddontta issaas issaas izaade ooso mala pirdiza Xoossaa, «Izi nu Aawaa» giidi intte xeygikko hayssa alamezan intte imaththenne bete as gididi diza wode ubbaan izas babbite.

1ጴጽሮሳ ኪታ 1:22

Intte ammanizayta suure wozinappe siiqana mala tumaas azazeteththan intte intte asateth geeshshideta; hessa gishshas intte intte giddon issoy issaara lo7eththi siiqettite.

1ጴጽሮሳ ኪታ 2:11

Ta siiqotoo! Intte hayssa alameza bolla imaththenne bete as gidida gishshas shemppora olettiza asho amoteththatappe haakkana mala ta inttena hadara gays.

1ጴጽሮሳ ኪታ 5:10

Intte guuththa wodes waayettidayssafe guye inttena Kirstoosa baggara mernaa bonchchos xeygida kiyateth ubbaas Goday izi barkka inttena gakkida waayezappe ashshana, maaddananne minththeththana qasseka dazgisana.

1ዮሃኒሳ ኪታ 1:7

Gido attiin izi poo7on diza mala nunikka poo7on simerettiko nu garsan nuus issifeteththi dees; iza naa Yesus Kirstoosa suuththi nuna nagara ubbaafe geeshshees.

1ዮሃኒሳ ኪታ 1:9

Nuni nu nagaraa paaxikko izi nu nagaraa atto gaanaassinne nu qohoppe nuna wursi geeshshanaas izi ammanettidaadenne xillo.

1ዮሃኒሳ ኪታ 3:3

Hayssa izan hidota ooththizay wuri izi geesh gidida mala bana geeshshees.