2ቆሮንቶሴ ኣሳስ 6:14 - Geeshsha Maxaafa

¹⁴ Ammanontta asara giigay baynda issifeteththan oykettofte; xilloteththinne nagaray waani issifettanaas dandayzee? Poo7oynne dhumay issife waani daana dandayzee?

ጋሞ ማጻፋ

¹⁴ ኣማኖንታ ኣሳራ ጊጋይ ባይንዳ ኢሲፌቴን ኦይኬቶፍቴ፤ ጺሎቴኔ ናጋራይ ዋኒ ኢሲፌታናስ ዳንዳይዜ? ፖኦይኔ ማይ ኢሲፌ ዋኒ ዳና ዳንዳይዜ?

Gamo Geesha Maxxafa New Testamen

¹⁴ Ammanontta asara giigay bayinda issifetethan oyketopite. Xiillotethine nagaray waani issifistanas danda7izee? Po7oyne dhumay issife waani daana danda7izee?

2ቆሮንቶሴ ኣሳስ 6:14 ပူးပေါင်းရင်းမြစ်များ

ሜቴ ማጻፋ 24:3

Tani istta giddon diza Kanaane macca naytappe ne ta naas machcho oychchontta mala salo sa7a medhdhida Xoossaan ta nees caaqqays;

1ካዎታ ማጻፋ 18:21

Eelaasi shiiqida asaakko biidi, «Intte ayde gakkanaas nam7u qofan daanee? GODAY Xoossa gidikko iza kaallite! Woykko Ba7aaley Xoossa gidikko iza kaallite» gides. Derezi gidikko issi qaalakka qaattibeenna.

2ታሪኬ ማጻፋ 19:2

Histtiin nabe Hanaaniya naa Iyuy izara gayttanaas biidi Kawo Iyoosaafixe, «Neni iitata maaddanaas woykko GODAA ixxizayta siiqanaas bessizee? Hessa gishshas GODAA hanqoy ne bolla yides.

ኢዝራ ማጻፋ 10:19

Istti ba machcheta anjji yeddana mala qaala gelidaappe guye bantta qoho yarshos dharsho ekki ehida.

ዬ ማጻፋ 106:35

He palaappe istti he kawoteththatara geletti ekettidi walakettidanne istta de7o woga kaallida.

ዬ ማጻፋ 119:63

Tani nees yayyizayta ubbaassinne ne woga naagizaytas lagge.

ዬ ማጻፋ 16:3

Sa7an de7iza geeshshati ay mala bonchchettidaytee! Tani isttan ufayettays.

ኬሳ ማጻፋ 34:16

Qasse intte istta macca naytappe dooridi intte attuma naytas ekkana; he wode he macca nayti tanan ammanettontta ixxidi ba eeqa xoossaa kaallidi intte attuma nayti istta kallana mala ooththana.

ሌሚሶ ማጻፋ 22:24

Hanqettiza asara laggetoppa; hanqettanaas eesotiza asarakka zuppetoppa.

ሌሚሶ ማጻፋ 29:27

Xilloti as baleththizayta shaatetteettes; Iitati suure asata ixxeettes.

ሌዌታ ማጻፋ 19:19

« ‹Ta azazota naagite; dumma dumma qommo meheta issi bolla gaththi mehetisofte; nam7u qommo kaththa zereth walakkidi issi bolla zeropite; nam7u qommo miishshafe dadettida may7o may7ofte.

ሚልካሳ ቲንቢቴ 2:11

Yuhuday ammanettibeenna; Isra7eeleninne Yerusalaamen harassiza miishshi hanides; Yuhuday allaganne allaga xoossas goynniza macca nayta machcho ekkidi Godaa Xoossi dosiza iza keeththa tunisides.

ሚልካሳ ቲንቢቴ 2:15

Godaa Xoossi inttessinne machchetas issi asateththinne issi ayanay daana mala ooththibeennee? Xoossi inttena aazas issino ooththidee? Izas waanna qofay Xoossas geeshsha zereth intte yelana mala gidennee? Hessa gishshas inttefe issay issay ba machcheys caaqqida qaala pacinchchontta ammaneteththan naago.

ዮሃኒሳ ሚሺራቾ 7:7

Derey inttena ixxana dandayenna; tana gidikko ixxees; gaasoykka tani alame oosoy iita gididayssa izas markkattiza gishshassa.

ሃዋሬታ ኦሶ 4:23

Phexroosinne Yohannisi qashoppe birshettidi ba asataakko simmidi qeeseta Halaqatinne Dere cimati istta gidayssa ubbaaka yootida.

1ቆሮንቶሴ ኣሳስ 10:21

Xala7e ushshinne Godaa ushshu intte issife gaththi uyana dandayekketa; Godaa maaddafenne Xala7e maaddafe gaththi maana dandayekketa.

1ቆሮንቶሴ ኣሳስ 15:33

Intte balettofte! Iita laggeteththi lo7o amalera dizayta moorees.

1ቆሮንቶሴ ኣሳስ 5:9

Inttes laymatiza asatara issifeteththi dontta mala ta inttes kase dabdaabe xaafadiskoshin.

1ቆሮንቶሴ ኣሳስ 6:6

Gido attiin ammanizaadey hara ammanizaade mootanaas alame pirda keeththe baanaas bessizee?

1ቆሮንቶሴ ኣሳስ 7:39

Issi maccassi azinay paxa diza wode kumeththan ba azinara qashettadus; azinazi hayqqiko ba koyida as gelana dandayawus; iza gelanaadey ammanizaade gido attiin gelu.

ፒሊጲሲዮሴ ኣሳስ 2:15

Hessika intte iitanne geella asa giddon geeshshatanne wosoy baynda Xoossa nayta gididi alame bolla arshe mala dere ubbaas poo7anaassa.

ያቆቤ ኪታ 4:4

Intteno laymatizaytoo! Alamera siiqeteththi Xoossara morkketeth gididayssa erekketii? Hessa gishshas hayssa alamezara siiqeteth koyzay wurikka Xoossas morkke.