2ቆሮንቶሴ ኣሳስ 3:7 - Geeshsha Maxaafa

⁷ Hessa gishshas Isra7eele nayti iza ayfeson diza bonchcho gaasoteththan Muse ayfeso tishshi histti xeeloy istta xoonana gakkanaas hessi guyeppe dhayanayssinne shuchcha bolla woocetti xaafettidi hayqo gididayssi bonchchon qonccizayssa gidikko,

ጋሞ ማጻፋ

⁷ ሄሳ ጊሻስ ኢስራኤሌ ናይቲ ኢዛ ኣይፌሶን ዲዛ ቦንቾ ጋሶቴን ሙሴ ኣይፌሶ ቲሺ ሂስቲ ጼሎይ ኢስታ ጾናና ጋካናስ ሄሲ ጉዬፔ ያናይሲኔ ሹቻ ቦላ ዎጬቲ ጻፌቲዲ ሃይቆ ጊዲዳይሲ ቦንቾን ቆንጪዛይሳ ጊዲኮ፥

Gamo Geesha Maxxafa New Testamen

⁷ Hessa gishshi Isiraa7eele nayti iza ayfeson diza boncho gaasotethan Muse ayfeso tishshi histi xeloy istta xonana gakanas hessi guyepe dhayanaysine shuchcha bolla pidalen wooceti xaafetidi hayqo oothos gididaysi bonchon qonccizayssa gidiko,

2ቆሮንቶሴ ኣሳስ 3:7 ပူးပေါင်းရင်းမြစ်များ

ሜቴ ማጻፋ 3:21

GODAA Xoossay Addaamessinne iza machcheys ite giigsidi istta mayzides.

ናሂሚያ ማጻፋ 9:13

«Saloppe duge Siina zuma bolla wodhdhada ne dereza haasayssadasa; lo7o wogatanne suure timirteta ne isttas immadasa.

ዬ ማጻፋ 119:174

Abeet GODAWU! Ne atoteththa ta laamotays; ne wogay tana ufayssees.

ዬ ማጻፋ 119:97

Tani ne woga ay keena siiqazinaa! Gallas kumeth tani iza yuushsha qoppays.

ኬሳ ማጻፋ 24:12

GODAY Muses, «Neni taakko zumaa bolla pude haa ya; haa taakko kezada haan gam7a; histtiko neni wogaa tamaarsana mala tani wogaanne azazo iza bolla xaafida lochcha shuchchata nees immana» gides.

ኬሳ ማጻፋ 31:18

GODAY Musera Siina zumaa bolla haasayzayssa wursida mala izi ba biradhdhen xaafida tammu azazota oykkida nam7u masettida shuchchata Muses immides.

ኬሳ ማጻፋ 32:19

Musey derezi dizaso matishe mara misleza sinththan asay durishininne guppishin be7idi keehi hanqettidi masettida shuchchata zuma garsan bollafe yeggidi menththereththides.

ኬሳ ማጻፋ 34:1

GODAY Muses, «Koyroyta misatiza nam7u shuchchata massa giigsa; histtiko tani he masettida shuchchata bolla kase neni menththida shuchchata bollan diza qaalata xaafana.

ሃዋሬታ ኦሶ 6:15

Duulata uttida asay wuri Isttifaanose tishshi histti xeellishin iza ayfesoy isttas kiitanchcha ayfeso misati beettides.

ኦሮሜ ኣሳስ 10:4

Ammaniza asaa ubbaa xillisanaas Kirstoosi woga ubbaa polides.

ኦሮሜ ኣሳስ 4:15

wogay hanqo kaaleththees; wogay bayndason woga menththoy deenna.

ኦሮሜ ኣሳስ 5:20

Wogay yiin mooroy darides; gido attiin nagaray daroyssafe bollara Xoossa kiyateththi keehi darides.

ኦሮሜ ኣሳስ 7:10

As ashshana qofettida azazoykka hayqo ekki yidayssa eradis.

ኦሮሜ ኣሳስ 7:22

Tani ta gaaththara Xoossa wogaan ufayettays.

ኦሮሜ ኣሳስ 7:5

Nagaranchcha medheteththa shenen nu diza wode hayqos gaththiza ayfe nu ayfana mala wogay denththeththida nagara amoy nu bolla ooththides.

1ቆሮንቶሴ ኣሳስ 13:10

Gido attiin wurseththi gakkiza wode kumeth gidontta imotay he wode shaarettana.

2ቆሮንቶሴ ኣሳስ 3:3

Intte qalamen xaafettidayta gidontta de7o Xoossaa Ayanan xaafettidayta; qasseka shuchcha bolla woocetti xaafettidayta gidontta asa wozinan xaafettidaytanne intte nunan go7ettida Kirstoosas qoncce dabdaabeta.

2ቆሮንቶሴ ኣሳስ 3:6

Hessika pidalen xaafettida wogan gidontta Ayanan xaafida ooraththa caaqo qaala oosanchchata nu gidana mala ooththides; gaasoykka pidalen xaafettida wogay wodhees; Ayanay gidikko de7o immees.

2ቆሮንቶሴ ኣሳስ 3:8

histtiin Ayana oosos waanidi hessafe aadhdhiza bonchchoy deennee?

ጋላቲያ ኣሳስ 3:10

«Woga naagon ammanettizayti wurikka qanggeththa garsan deettes; woga maxaafatan xaafettidayssa ubbaa ooththonttaadey izi qanggettidaade» geetetti xaafettides.

ጋላቲያ ኣሳስ 3:21

Histtiin wogay sinththafe Xoossi woththana qaalaa diggizaazee? Mulekka diggenna; wogay imettiday asi izan de7o demmanaas gididaakko tumukka xilloteththi woga baggara beettanakkoshin.

ዛሬ ማጻፋ 4:13

Intte ooththanaas bessiza ba caaqo qaalaa inttes qonccisides; hessika masettida nam7u shuchchata bolla xaafettida tammu azazota.

ዛሬ ማጻፋ 4:8

Tani hach intte sinththan woththiza ha azazoza mala suurenne likke gidida wogaynne maaray diza hara ay gita kawoteththi dizee?

ዛሬ ማጻፋ 5:22

«Intte issi bolla shiiqidason GODAY zumaa bolla dishe inttes ubbaas immida azazoti hayta; taman, girdi gida dhumaninne shaara giddon dishe gita cenggurssan izi inttes yootida azazoti hayta xalla; izi heytakka nam7u shuchchata bolla wooci xaafidi taas immides.

ዛሬ ማጻፋ 9:15

Hessa gishshas caaqo qaalazi xaafettida nam7u lochcha shuchchata nam7u kushen oykkida mala zumaa bollafe simmada duge wodhdhadis; he wode tama lacoy zumaa bolla lacees.

Ibirawe 12:18

Kushen bochchiko boshettiza tamay iza bolla eexxiza Siina zumaakko, he dhumaakko, he tulalazaakkonne he gote carkozaakko intte gakkibeekketa.

Ibirawe 3:3

Keeththe keexxidaades keeththaafe bollara bonchchoy diza mala Yesusaska Museppe aadhdhiza bonchchoy bessizaade gidanaas bessees.

Ibirawe 9:4

Hessa giddon worqqafe oosettida exaane cuwasiza qeeri shel7e malaynne worqqan meeshettida caaqo qaala taabotay dees; he taabotaykka iza giddon mannay diza worqqa leematey, cililida Aaroone guufeynne caaqo qaalati iza bolla xaafettida masettida shuchchati deettes.