1ታሶሎንቄ ኣሳስ 5:21 - Geeshsha Maxaafa

²¹ Wursika paacci xeellite; lo7o gididaaz oykkite.

ጋሞ ማጻፋ

²¹ ዉርሲካ ፓጪ ጼሊቴ፤ ሎኦ ጊዲዳዝ ኦይኪቴ።

Gamo Geesha Maxxafa New Testamen

²¹ Wurththika paacci xeellite, loo7o gidida oykkite.

1ታሶሎንቄ ኣሳስ 5:21 ပူးပေါင်းရင်းမြစ်များ

ሌሚሶ ማጻፋ 23:23

Tumaa shammafe attiin mulekka bayzoppa; aadho erateth, seeranne akeeka nees miishshe ooththa.

ሌሚሶ ማጻፋ 3:1

Ta naazoo! Tani nena tamaarsizayssa dogoppa; ta azazotakka ne wozinan woththa.

ሌሚሶ ማጻፋ 4:13

Ta timirte lo7eththa oykka; izo yeddofa; iza nees de7o gidida gishshas izo naaga.

Siiqo Saba 3:4

Isttafe guuth aadhdha baada ta siiqoza demmadis; izi taappe kessi ekkontta mala minththada oykkadis; ta aayey keeth ekka efadis; ta yelettida kifile gelththadis.

ኢሳያሳ ቲንቢቴ 8:20

Wogaakkonne markkateththa qaalaakko biite! Istti hayssa mala qaala inttes yootontta aggiko wontta poo7oy isttas poo7enna.

ሉቃሳ ሚሺራቾ 12:57

«Histtiko intte ays tuma pirdeketii?

ዮሃኒሳ ሚሺራቾ 15:4

Tanan diite; tanikka inttenan daana; haggay woyne ano bolla dontta aggiko barkka ayfe ayfana dandayonttayssa mala intteka tanan dontta aggiko ayfe ayfanaas dandayekketa.

ዮሃኒሳ ሚሺራቾ 8:31

Yesusi bana ammanida Ayhudata, «Intte tumu ta qaalan diikko intte tumappe tana kaallizayta gidana.

ሃዋሬታ ኦሶ 11:23

Izikka hee bi gakkidi Xoossi ba aadho kiyateth deraas immidayssa be7idi ufayettidessinne asay wurikka kumeththa wozinappe Godaa ammanon minnana mala zorides.

ሃዋሬታ ኦሶ 14:22

Ammanizayta wozina minththeththishe istti ammanon minni daana mala zorishe, «Nu Xoossa kawoteth gelanaas daro meto giddora aadhdhanaas koshshees» gida.

ሃዋሬታ ኦሶ 17:11

Beeriya asay Tasolonqe asaappe aadhdhidi akeekara diza asa. Gaasoykka hayssi yo7ozi tumeesha? gi giidi Geeshsha Maxaafata qaalaa wontiin wontiin pilggi xeellidi ufayssan ekkides.

ኦሮሜ ኣሳስ 12:2

Lo7o, ufayssizaazinne kumeth gidida Xoossa sheney aazakko intte paacci erana mala intte qofan ooraxidi laamettite attiin hayssa alame asaa misatopite.

ኦሮሜ ኣሳስ 12:9

Intte siiqoteththi qoodheppe qommon gidoppo; iita gididayssa wursika ixxite. Lo7o gididayssara issife oykettite.

1ቆሮንቶሴ ኣሳስ 15:58

Hessa gishshas ta siiqo ishatoo! Minni eqqite; ay miishshankka yark yarkofte; Godaa oosos intte daaburza daabursay hada gidonttayssa eridi ubba wode pacey baynda Godaas ooththanaas minettite.

1ቆሮንቶሴ ኣሳስ 2:11

Asa garsan izaades diza ayanappe attiin izaade wozina erizay oonee? Hessaththoka Xoossa Ayanappe attiin Xoossa qofaa erizay oonikka deenna.

ጋላቲያ ኣሳስ 6:10

Hessa gishshas nuus dandayettiko asa ubbaas harappeka ammaniza asaas ane lo7o ooththoos.

ኤፌሶኔ ኣሳስ 5:10

Hessaththoka Godaa ufayssiza miish koyite.

ፒሊጲሲዮሴ ኣሳስ 1:10

Hessika intte ubbaafe aadhdhizayssa shaakki erana malanne Yesus Kirstoosa yuussa gallas gakkanaas intte geeshshatanne wosoy bayndayta gidana mala koyays.

ፒሊጲሲዮሴ ኣሳስ 3:16

Gidikkoka nu ha7i gakki eridaazan ane simerettoos.

ፒሊጲሲዮሴ ኣሳስ 4:8

Wurseththa bolla ta ishatoo! Tumu gidida yo7o ubbaa, bonchcho gidida yo7o ubbaa, adda gidida yo7o ubbaa, geeshshi gidida yo7o ubbaa, dosettida miish ubbaa, lo7o gidida yo7o ubbaa, lo7eteth gidiinkka galatakka haytantta misatizaaz ubbaa qopite.

1ታሶሎንቄ ኣሳስ 5:15

Oonaska iita gishshas iita zaarontta mala naagettite; gido attiin intte intte giddon gidiin hara asara gidiin ubba wode lo7o gidizayssa ooththanaas baaxetite.

1ታሶሎንቄ ኣሳስ 5:22

Iita gidida ay miishshafekka haakkite.

2ታሶሎንቄ ኣሳስ 2:15

Hessa gishshas ta ishatoo! Intte minni eqqite; nuni nu doonan gidiin woykko kiitan woykko nu inttes aaththi yeddida timirteza lo7eththi oykkite.

2ጺምቶሳስ 1:15

Iisiya awuraajja giddon dizayti wurikka tana aggidayssa ne eraasa; Filgoosinne Hermogeneesi tana aggida asaara deettes.

2ጺምቶሳስ 3:6

Heytantti issi issi keeththe kalxi gelidi daro deexo nagaraninne dumma dumma iita amoteththa gars gelidi yaanne haa qaaxxiza ammanon laafa maccassata qaxi oykkeettes.

2ጺምቶሳስ 4:14

Xarqimala qoxxiza Iskindiroosi ta bolla daro qoho gaththides shin Goday izas iza ooso mala immana.

Ibirawe 10:23

Nuus hidota qaalaa immidaadey ammanettizaade gidida gishshas nuni ammanidi iza gishshas markkattiza hidotappe yaanne haa gontta ane lo7eththi oykkoos.

1ዮሃኒሳ ኪታ 4:1

Ta ishatoo! Ayana wursi ammanopite; gido attiin ayanati Xoossafekkonne paacci xeellite; gaasoykka daro wordo nabeti biitta bolla laalettida.

ዮሃኒሳ ኣጁታ 2:2

Tani ne oosoza, dafeteththaanne dandayaakka erays; qasse neni iitata yegga aadhdhanaas dandayonttayssa Hawaareta gidontta dishe bana Hawaareta gizaytakka shaakkada istti wordanchchata gidoyssa ne gakka demmidayssa ta erays.

ዮሃኒሳ ኣጁታ 2:25

Gidikkoka ta hee baana gakkanaas inttes dizaaz wursi minththi oykkite.

ዮሃኒሳ ኣጁታ 3:11

Hekko ta eeson yaana; ne akilile oonikka ekkontta mala nees dizaaz lo7eththa oykka.

ዮሃኒሳ ኣጁታ 3:3

Hessa gishshas neni ay mala timirte ekkidaakko ne siyoyssa yuushsha qoppanne naaga. Maaroteththanka gela; neni beeggontta aggiko ta kayso mala ne qoppontta puttu gaana; ta ay saaten neekko yaanaakko ne erakka.