1ሳሜላ ማጻፋ 7:3 - Geeshsha Maxaafa

³ Sameeli Isra7eele deraa, «Intte kumeththa wozinappe GODAAKKO simmizaa gidikko hara eeqa xoossatanne Astaroote intte giddofe diggite; inttena GODAAS aaththi immite; izas xalla goynnite; izi inttena Filisxeemeta kusheppe kessi ekkana» gides.

ጋሞ ማጻፋ

³ ሳሜሊ ኢስራኤሌ ዴራ፥ «ኢንቴ ኩሜ ዎዚናፔ ጎዳኮ ሲሚዛ ጊዲኮ ሃራ ኤቃ ጾሳታኔ ኣስታሮቴ ኢንቴ ጊዶፌ ዲጊቴ፤ ኢንቴና ጎዳስ ኣ ኢሚቴ፤ ኢዛስ ጻላ ጎይኒቴ፤ ኢዚ ኢንቴና ፊሊስጼሜታ ኩሼፔ ኬሲ ኤካና» ጊዴስ።

1ሳሜላ ማጻፋ 7:3 ပူးပေါင်းရင်းမြစ်များ

ሜቴ ማጻፋ 35:2

Yaaqoobeykka baso asaanne banara diza asaa ubbaa, «Intte giddon diza allaga eeqa misleta diggite; intte bolla geeshshite; intte may7oka laammite.

1ካዎታ ማጻፋ 11:33

Ta hayssa ooththanaas gaasoykka Solomooney tana aggidi Sidoonata xoos Astarootes, Mo7aabeta xoos Kamooshessinne Amooneta xoos Molookes goynnida gishshassa; qasseka ta ogen hemettontta, ta sinththan suure ooso ooththontta aggidi iza aawa Dawiti naagida mala ta wogatanne maarata naagontta ixxida gishshassa.

1ካዎታ ማጻፋ 8:48

banttana di7idi efida morkketa biittan dishe istti bantta kumeththa wozinappenne bantta kumeththa shemppofe neekko simmiko, neni istta aawatas immida istta biittaako, neni doorida katamaykkonne tani ne sunththaas keexxida Xoossa Keeththaako simmidi nena woossiko,

2ካዎታ ማጻፋ 17:39

Intte morkketa ubbaa kusheppe inttena ashshizay iza gidida gishshas GODAA intte Xoossas goynnite» gi azazi woththides.

2ካዎታ ማጻፋ 23:15

Isra7eele asaa nagara oosisida Nabaaxe naa Iyorba7aamey ooththida yarshosohoza, Beetelen zumbulla bolla goynnizasohoza, yarsho yarshizasohoza iza bolla diza zumbullaa hessaththoka laallides; shuchchatakka menththereththi yeggides; dhiille malakka liiqisides; Asheeri misle tuussaaka xuuggides.

1ታሪኬ ማጻፋ 22:19

Hessa gishshas GODAA intte Xoossaa koyanaas intte wozinanne intte shemppo immite; GODAA Xoossaa bonchchos keexettida keeththaan Xoossa Taabotaanne Xoossas dummatida miishshata ehidi woththana mala intte dendidi GODAA Keeththe keexxite» gi azazides.

1ታሪኬ ማጻፋ 28:9

«Ta naa Solomoone, ne aawaa Xoossaa era! Neni kumeththa wozinaninne lo7o qofan izas ooththa; GODAY wozina ubbaa pilggi xeellees; giddo qofa ubbaa izi erees; neni iza koykko izi nees beettana; gido attiin ne iza aggizaa gidikko izikka nena mernaas aggaagana.

2ታሪኬ ማጻፋ 19:3

Gidikkoka Asheero geetettiza eeqa xoossay misleta biittafe ne diggida gishshassinne Xoossaa koyanaas ne wozina giigsida gishshas neni lo7o ooththadasa» gides.

2ታሪኬ ማጻፋ 20:33

Gido attiin goynniza dhoqqasohota ubbaa dhayssibeenna; asaykka buro ba kumeththa wozinappe ba aawata Xoossaako simmibeenna.

2ታሪኬ ማጻፋ 30:19

«Abeet asa ubbaas kiya GODAWU, hayti kase wogay giza mala bana geeshshonttayta gidikkoka istti GODAA bantta aawata Xoossaa koyanaas ba wozina giigsida asatas ne atto ga» giidi woossides.

ሌሚሶ ማጻፋ 16:1

Asi ba wozinan halchchees; gido attiin zaaroy GODAAPPE beettees.

ኢሳያሳ ቲንቢቴ 55:7

Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ኤርማሳ ቲንቢቴ 24:7

Tani GODAA gididayssa eriza wozina isttas immana; istti bantta kumeththa wozinappe taakko simmana gishshas istti ta dere gidana; tanikka istta Xoos gidana.

ኤርማሳ ቲንቢቴ 36:3

Tani Yuhuda asaa bolla ehana gaada halchchida bosha ubbaa asay siyidi issoy issoy ba biza iita ogeppe simmanaakko oonee erizay? Tanikka istta qohonne istta nagara atto gaana» gides.

ኤርማሳ ቲንቢቴ 4:1

GODAY, «Isra7eele asawu! simmiko haa taakko simmite. Intte harassiza miishshata ta sinththafe diggiko, yayyontta minni eqqiko,

ሂዚቄላ ቲንቢቴ 14:6

«Hessa gishshas Isra7eele asaas, ‹Ubbaa Haariza GODAY: Maarettite! Intte eeqa xoossatappe simmite! Harassiza intte ooso ubbaa aggite!

ሂዚቄላ ቲንቢቴ 18:31

Intte ta bolla ooththida qoho ubbaa wora olite; inttes ooraththa wozinaynne ooraththa ayanay de7o; intteno Isra7eele asatoo ays hayqqeetii?

ሆሴኤ ቲንቢቴ 14:1

Isra7eele derezoo! Intte intte nagara gaason kundida gishshas GODAA intte Xoossako simmite.

Maatosa 4:10

Yesusi, «Haysso Xala7e! Ta sinththafe ne haakka! ‹Neni Godaa ne Xoossaas goynna; izas xalala azazetta› geetetti Geeshsha maxaafan xaafettides» gides.

Maatosa 6:24

«Issi asi nam7u godaas ooththana dandayenna. Issaa ixxidi nam7anththoza dosana; woykko issaa bonchchidi nam7anththoza leqqana; Xoossassinne miishshas nam7atas gaththi ooththanaas dandayettenna.

ሉቃሳ ሚሺራቾ 4:8

Yesusikka zaaridi, «Ne Godaa Xoossas kundada izas xalla goynna geetettidi xaafettides» gides.

ዮሃኒሳ ሚሺራቾ 4:24

Xoossi ba hu7es Ayana; iza goynnizayti ayananinne tuman goynnanaas bessees» gides.

ዛሬ ማጻፋ 10:20

GODAA intte Xoossaas yayyite; izas xalla goynnite; izan ammanettidi iza sunththan caaqqite.

ዛሬ ማጻፋ 13:4

GODAA intte Xoossaa kaallite; izas xalla yayyite; iza azazota naagite; iza qaala siyite; izas xalla goynnite; inttes izara diza issifeteththi mino gido.

ዛሬ ማጻፋ 4:29

Gido attiin intte heen dishe GODAA intte Xoossaa kumeththa wozinappenne kumeththa shemppofe koykko intte iza demmana.

ዛሬ ማጻፋ 6:13

Intte GODA Xoossaas yayyite; izas xalla goynnitenne iza sunththan xalla caaqqite.

ኢያሶ ማጻፋ 13:31

Gala7aadeppe baggaanne Baasaanen Aage kawoteththaas waanna katamata Astarootenne Edira7e gakkees. Heyti Minaase naa Maakire zaretas imettidayta gidishin heytikka Maakire naytappe baggaytas istta zarkken zarkken imettidayta.

ኢያሶ ማጻፋ 24:14

«Hessa gishshas ha7ikka GODAAS yayyite; kumeththa wozinappe ammaneteththan izas haarettite; kase intte aawati Efiraaxise shaafappe he pinththaninne Gibxe biittan goynnida eeqa xoossata inttefe haassite; GODAAS xalla goynnite.

ኢያሶ ማጻፋ 24:23

Iyaasoy, «Histtiko, intte giddon diza allaga xoossata diggite; intte wozinaa GODAA Isra7eele Xoossaako zaarite» gides.

ዳናታ ማጻፋ 10:16

Allaga xoossata ba giddofe diggidi GODAAS goynnida; istta waayeza be7idi GODAY co7u gi agganaas dandaybeenna.

ዳናታ ማጻፋ 10:6

Isra7eele asay GODAA sinththan qasseka iita miish ooththides; istti Ba7aalenne Astaroote geetettiza eeqa xoossatassinne Aaraame xoossatas, Sidoona xoossatas, Mo7aabe xoossatas, Amoone dere eeqa xoossatassinne Filisxeeme xoossatas goynnida. Istti bantta GODAAS goynnizayssa aggida.

ዳናታ ማጻፋ 2:11

Hessafe guye Isra7eele asay GODAA sinththan iita miish ooththides; Ba7aale geetettiza eeqatas goynnides.

ዳናታ ማጻፋ 2:13

GODAAKKA aggidi Ba7aalessinne Astarootes goynnida.

1ሳሜላ ማጻፋ 31:10

Iza ola miishshata Astaroote geetettiza eeqa xoossa keeththaan woththida; qasse iza ahaza Beeti-Saane katama gimbe bolla kaqqida.