1ሳሜላ ማጻፋ 5:4 - Geeshsha Maxaafa

⁴ Qasse wonteththa gallas maaladora dendidi xeellishin Daagoney Xoossa Caaqo Qaala Taabotaa sinththan biitta bolla gufanni dees; iza hu7eynne iza kusheti penge bolla meqeretti wodhdhiin hankko attida asateththay xalla dees.

ጋሞ ማጻፋ

⁴ ቃሴ ዎንቴ ጋላስ ማላዶራ ዴንዲዲ ጼሊሺን ዳጎኔይ ጾሳ ጫቆ ቃላ ታቦታ ሲንን ቢታ ቦላ ጉፋኒ ዴስ፤ ኢዛ ሁኤይኔ ኢዛ ኩሼቲ ፔንጌ ቦላ ሜቄሬቲ ዎን ሃንኮ ኣቲዳ ኣሳቴይ ጻላ ዴስ።

1ሳሜላ ማጻፋ 5:4 ပူးပေါင်းရင်းမြစ်များ

ኢሳያሳ ቲንቢቴ 27:9

Yaaqoobey yarsho yarshizaso shuchchata booqintta shuchcha mala gaacci liiqisishin Asheero geetettiza eeqa xoossay mislenne exaane cuwasiza sohota istti dizasohotappe shoddi olishin he gallas mooroy atto geetettana; hessi izi ba nagara diggoyssas kumeththa ayfe gidana.

ኢሳያሳ ቲንቢቴ 40:20

Hessa mala yarsho shiishshanaas dandayontta manqo asi musontta mith doorees; kundontta misle essanaas erettida hiilla koyees.

ኤርማሳ ቲንቢቴ 10:11

GODAY, «Intteka, ‹Heyti salonne sa7a medhdhontta xoossati sa7appenne salo garsafe dhayana› geeta» gees.

ኤርማሳ ቲንቢቴ 10:14

Asi ubbay era dhaydi dammides; worqqa seerisiza asi ubbay ba ooththida eeqa xoossatan yeellatides. Gaasoykka eeqa xoossati wordo; isttas shemppoy deenna.

ኤርማሳ ቲንቢቴ 10:15

Istti coo qidhes medhettida miishsha. Pirday istta bolla gakkiza wode istti dhayana.

ኤርማሳ ቲንቢቴ 50:2

«Kawoteththata ubbaa giddon awajjite! Bandira dhoqqu histti oykkidi awajjite! Aykkoka ashshontta dishe, ‹Hekko Baabilooney oykettana; Beeley kawuyana; Mardukey shiron kumana; izi eeqa xoossati kawuyana; izi eeqa misleti meqerettana› giite.

ዳኔላ ቲንቢቴ 11:8

Istta eeqa xoossata misleta, birappenne worqqafe oosettida miishshata di7i ekkidi duge Gibxe efana; guuththa layththatas dugeha bagga kawoy pudeha bagga kawora oleteth essana.

ሚኪያሳ ቲንቢቴ 1:7

Izi eeqati wurikka meqerettana; izi eeqa keeththan diza laymatizaytas imettidaazi wuri taman xuugettana; izi misletakka ubbaa ta dhayssana; iza baas imettidayssa layman shiishshida mala ha7ikka izis dizaazi layman ekkizaaz gidana.

1ሳሜላ ማጻፋ 6:5

Intte biittaa dhayssanaas kiitettida eceretanne kixa misleta ooththidi Isra7eele Xoossaa bonchchos immite; intte hessaththo ooththiko oonee erizay izi ba kushe intte bollafe, intte xoossata bollafenne intte biittaa bollafe denththanaaz gidana.