1ሳሜላ ማጻፋ 5:3 - Geeshsha Maxaafa

³ Ashdoode dere asay wonteththa gallas maaladora dendidi xeellishin Daagoney Xoossa Caaqo Qaala Taabotaa sinththan gufanni dizayssa be7ida; istti iza denththidi kase izi dizason woththida.

ጋሞ ማጻፋ

³ ኣሽዶዴ ዴሬ ኣሳይ ዎንቴ ጋላስ ማላዶራ ዴንዲዲ ጼሊሺን ዳጎኔይ ጾሳ ጫቆ ቃላ ታቦታ ሲንን ጉፋኒ ዲዛይሳ ቤኢዳ፤ ኢስቲ ኢዛ ዴንዲ ካሴ ኢዚ ዲዛሶን ዎዳ።

1ሳሜላ ማጻፋ 5:3 ပူးပေါင်းရင်းမြစ်များ

1ካዎታ ማጻፋ 18:26

Istti baas imettida kormaa ekkidi giigsida. Maaladoppe seeta gallas gakkanaas Ba7aale sunththaa xeygidi, «Ha7i Ba7aalee! Nu woosa siya» giidi woossida; gido attiin siyettiza cenggurssi deenna; zaaro immizaykka deenna. Histtiin bantti giigsida yarshizaso durishe yuuyida.

ዬ ማጻፋ 115:7

Isttas kushey dees shin bochchettenna; tohoykka dees shin hemettettenna; istta poorandey cenggurs kessenna.

ዬ ማጻፋ 97:7

Misletas goynnizaytinne eeqa xoossatan ceeqettizayti ubbay yeellatetto! eeqa xoossati Ubbay GODAAS gulbatetto!

ኬሳ ማጻፋ 12:12

«Tani he gallas qammara Gibxe biittara hemettashe bayra yelettida, asekka mehekka ubbaa wodhana. Gibxe eeqata ubbaa bollaka tani pirdana; tani GODAA gidikkinaa?

ኢሳያሳ ቲንቢቴ 19:1

Gibxe gishshas yootettida qaalay, «Be7ite, GODAY eesotiza shaara toggidi Gibxe yees. Gibxe eeqa xoossati iza sinththan kokkoreettes; Gibxe wozinay istta giddon seerees» gees.

ኢሳያሳ ቲንቢቴ 40:20

Hessa mala yarsho shiishshanaas dandayontta manqo asi musontta mith doorees; kundontta misle essanaas erettida hiilla koyees.

ኢሳያሳ ቲንቢቴ 41:7

Hiillanchchay worqqa ooththizayssa minththeththees; naariqan qoxxi le7issizaadey birata marcon seerisizayssa minththeththees; birata seerisi oyseththoy, «Lo7o» gees; eeqa xoossaa misley kundontta mala misimaaren torggees.

ኢሳያሳ ቲንቢቴ 46:7

Denththidi bantta hashen tookkeettes; zaaridi he denththida sohon woththeettes; izikka heen eqqaa gees; heeppe awakka qaaxxenna; oonikka izakko waassiko zaaro immenna; metoppeka iza ashshenna.

ኤርማሳ ቲንቢቴ 10:8

Hada gidida miththafe masettida eeqa xoossatappe timirte tamaarza ubbay eeyanne damma.

ሶፎናሳ ቲንቢቴ 2:11

GODAY he biitta eeqa xoossata ubbaa dhayssiza wode izi istta yashissizayssa gidana; Abba achchan diza dereti ubbay issoy issoy ba dizason dishe izas goynnana.

ማርቆሳ ሚሺራቾ 3:11

Tuna ayanatikka Yesusa be7ida mala iza sinththan kundidi, «Neni Xoossa Naa» giidi waassida.

1ሳሜላ ማጻፋ 6:1

GODAA Caaqo Qaala Taabotay Filisxeemen laappun agina uttides.

1ሳሜላ ማጻፋ 6:5

Intte biittaa dhayssanaas kiitettida eceretanne kixa misleta ooththidi Isra7eele Xoossaa bonchchos immite; intte hessaththo ooththiko oonee erizay izi ba kushe intte bollafe, intte xoossata bollafenne intte biittaa bollafe denththanaaz gidana.