1ሳሜላ ማጻፋ 27:2 - Geeshsha Maxaafa

² Hessa gishshas Dawitinne izara diza 600 asay dendidi Geete kawo Ma7oke naa Ankusekko bida.

ጋሞ ማጻፋ

² ሄሳ ጊሻስ ዳዊቲኔ ኢዛራ ዲዛ 600 ኣሳይ ዴንዲዲ ጌቴ ካዎ ማኦኬ ና ኣንኩሴኮ ቢዳ።

1ሳሜላ ማጻፋ 27:2 ပူးပေါင်းရင်းမြစ်များ

1ታሪኬ ማጻፋ 12:1

Dawiti Qiise naa Sa7ooleppe baqatidi Xigilaagen uttida wode izakko yida asati hayssafe kaallizayta; isttika kase iza ola wode iza maaddida ola qarata giddon deettes.

1ሳሜላ ማጻፋ 21:10

He gallas Dawiti Sa7ooleppe baqatidi Geete dere kawo Ankusekko bides;

1ሳሜላ ማጻፋ 21:11

Ankuse oosanchchati, «Hayssi he biittay kawo Dawite gidennee? « ‹Sa7ooli shii wodhides; Dawiti gidikko tammu shii wodhides› gi maggulishe asay sabbidayssi hayssi iza gidennee?» gida.

1ሳሜላ ማጻፋ 25:13

Dawitikka asatas, «Ane ubbatikka intte giththa mashsha gixxite» gides. Hessa gishshas ubbayka ba mashsha mashsha gixxida; Dawitikka ba mashsha gixxides. 400 gidana asi Dawitera ke7ishin 200 gidana asi istta miishshaa naaganaas guye attides.

1ሳሜላ ማጻፋ 30:8

Dawiti GODAA, «Hayta di7i efiza olanchchata kaalloo? Ta istta gakka oykkanee?» gi oychchides. GODAY izas, «Ee kaalla! Ne istta gakka oykkana; istti di7i efidayssa ne zaarana» gides.

1ሳሜላ ማጻፋ 30:9

Histtiin Dawitinne izara diza 600 asay Bosoore shaafa yida; guuththati Bosoore shaafan takkida.