1ሳሜላ ማጻፋ 26:10 - Geeshsha Maxaafa

¹⁰ De7o GODAY be7iin, GODAY iza wodhana; woykko iza wodey wuriin izi hayqqana; woykko izi olan hayqqana.

ጋሞ ማጻፋ

¹⁰ ዴኦ ጎዳይ ቤኢን፥ ጎዳይ ኢዛ ዎና፤ ዎይኮ ኢዛ ዎዴይ ዉሪን ኢዚ ሃይቃና፤ ዎይኮ ኢዚ ኦላን ሃይቃና።

1ሳሜላ ማጻፋ 26:10 ပူးပေါင်းရင်းမြစ်များ

ሜቴ ማጻፋ 47:29

Yaaqoobes hayqo wodey matiin ba naa Yooseefe xeygisidi, «Tani ne sinththan sabettidaa gidikko ne kushe ta gulbate bolla woththada neni taas kiyattanaassinne ammanettanaas ane caaqqa. Tana Gibxen moogoppa.

ኢዮቤ ማጻፋ 14:14

Asi hayqqidaappe guye ashora paxa daanaas dandayzee? Taas wodey laamettana gakkanaas, ta hayssa baaxe layththaa gencca aaththana.

ኢዮቤ ማጻፋ 14:5

Asa layththas wodhida zaway dees; asi daana aginatikka ne matan qoodan deettes; nenikka woththida layththa zawappe aadhdhizaadey deenna.

ኢዮቤ ማጻፋ 7:1

«Asas biitta duussay baaxe duus deennee? Isttas gallassayka une ooththiza oosanchchata gallassa mala gidennee?

ዬ ማጻፋ 37:10

Iita ooththizayti guuththa wodeppe guye de7ettenna; neni istta koyidaakkoka istti beettettenna.

ዬ ማጻፋ 37:13

Gido attiin Goday iitata bollan miiccees; ays giikko istti dhayana gallassay gakkidayssa izi erees.

ዬ ማጻፋ 94:23

Istta iitateththaa gishshas izi istta qaxxayana; istta nagara gishshas izi istta dhayssana; GODAA nu Xoossay istta dippi histtana.

ኤራንቻታ ማጻፋ 3:2

Hessa gishshas yelettanaas wodey dees; hayqqanaaskka wodey dees. tokkanaas wodey dees; shoddanaaskka wodey dees.

ሉቃሳ ሚሺራቾ 18:7

Xoossi qamma, gallassinne omars izakko waassiza doorettidaytas pirdenneyee? Tana ay metidee! giidi ba maado gam7isandee?

ኦሮሜ ኣሳስ 12:19

Ta siiqotoo! Intte halo Xoossi kesso attiin intterkka halo kessofte. «Halo kessanay tana gees Goday» geetetti Geeshsha Maxaafan xaafettides.

ዛሬ ማጻፋ 31:14

Hessafe guye Xoossay Muses, «Nees hayqo wodey gakkides; izi kaallana wogata izas ta immana mala Iyaaso xeygada izara gede Gaytoteththa Dunkaanezakko shiiqite» gides. Museynne Iyaasoy issife gede Gaytoteththa dunkaanezakko shiiqida.

ዛሬ ማጻፋ 32:35

Istta morkketa bolla halo kessanay tana; ubbaasikka ta istta ooso ooso mala immana; isttas dhayo gallassi gakkida gishshas istti dhuphettana; eesonkka dhayana.»

Ibirawe 10:30

«Tani izas halo kessana; izaade ooso mala izaades ta zaarana» gidayssa nu eroos. Qasseka, «Goday ba dereza bolla pirdana» gees Goday.

Ibirawe 9:27

Hessaththoka asi issito hayqqees; hessafe kaallidi pirda sinththan eqqanaas giigi uttides.

ዮሃኒሳ ኣጁታ 18:8

Hessa gishshas izi bolla boshay wurikka issi gallas gakkana; hayqoy, muuzoteththinne gafay izo gakkana; iza taman xuugettana; izi bolla pirdiza Goday Xoossi izi mino» gishin tani siyadis.

1ሳሜላ ማጻፋ 24:12

«GODAY ne giddoninne ta giddon pirdo. Neni iita ooththida gishshas GODAY ne bolla halo kesso attiin ta ne bolla kushe woththike.

1ሳሜላ ማጻፋ 24:15

Ha7ikka nu giddon GODAY daanna gidi pirdo. Ta yo7oza xeellidi ta gishshas izi mootetto. Tanakka ne kusheppe kessi ekkidi ta tumateththaa izi qoncciso» gides.

1ሳሜላ ማጻፋ 25:26

«Ta godoo! De7o GODAY beyiin! Ne asho. Suuth gussanaappenne nerkka ne halo kessanaappe nena naagiday GODAA. Ha7ikka ne morkketinne ta godaa qohana koyzayti ubbay Naabaale mala gidetto.

1ሳሜላ ማጻፋ 25:38

Tammu gallassatappe guye GODAY boshan Naabaale shociin izi hayqqides.

1ሳሜላ ማጻፋ 25:39

Dawitikka Naabaaley hayqqidayssa siyida wode, «Naabaaley tana cayida gishshas taas halo kessidaynne tana ba aylleza iita ooththontta mala naagida GODAY galatetto; Naabaaley ooththida iita miish iza hu7en zaarides» gides. Hessafe guye Dawiti Abigaala iza machcho gidana mala oysha as kiittides.

1ሳሜላ ማጻፋ 31:4

Sa7ooli ba gondalle oykkizayssas, «Hayti qaxxarettonttayti tana caddontta malanne kawushshontta mala neni ne mashshan tana cadda» gides. Izas gondalle tookkizayssi keehi babbida gishshas caddontta ixxides. Histtiin Sa7ooli barkka ba giththa mashshaa bolla kundi hayqqides.

1ሳሜላ ማጻፋ 31:6

Sa7oolinne iza naa heedzdzati, iza gondalle oykkizayssinne izara diza asati ubbay he gallas hayqqida.