1ሳሜላ ማጻፋ 24:16 - Geeshsha Maxaafa

¹⁶ Dawiti hessa haasaydi wursida mala Sa7ooli, «Ta naa Dawitee! Addafe hayssi ne qaalaa?» giidi yeekkishe oychchides.

ጋሞ ማጻፋ

¹⁶ ዳዊቲ ሄሳ ሃሳይዲ ዉርሲዳ ማላ ሳኦሊ፥ «ታ ና ዳዊቴ! ኣዳፌ ሃይሲ ኔ ቃላ?» ጊዲ ዬኪሼ ኦይቺዴስ።

1ሳሜላ ማጻፋ 24:16 ပူးပေါင်းရင်းမြစ်များ

ሜቴ ማጻፋ 16:5

He wode Sooray Abraame, «Ta qohettiza qohoy nena gakko; tani ta aylleyo nees immiin iza ha7i baas shaaray attidayssa erada tana leqqawus. Neessinne taas Xoossi pirdo» gadus.

ሜቴ ማጻፋ 2:2

Xoossi ba ooththida ooso usuppunththa gallas polidi ba ooththida ooso ubbaafe laappunththa gallas shempides.

ሜቴ ማጻፋ 33:4

Eesawey gidikko izara gaagganaas woxxidi iza qoodhe bolla xaaxettidi yeerides; nam7atikka yeekkida.

1ታሪኬ ማጻፋ 12:18

Hessafe guye 30 asata halaqa Amasaye bolla Xoossa Ayanay wodhdhiin izi, «Dawitee! Nuni neyta! Isseye naa Dawitee! Nuni nenara issife doos! Neessinne nena maaddizaytas saroy gido! Ne Xoossay nena maaddana» gides. Hessa gishshas Dawiti mokki ekkidi ba olanchchata bolla halaqa histtides.

ኢዮቤ ማጻፋ 6:25

Tuma qaalay camo gidikkoka ekettees; intte walassay gidikko aykkoska go7enna.

ዬ ማጻፋ 119:154

Ne ta gishshas mootettada tana wozza; ne gida qaala mala tana shemppora paxa woththa.

ሌሚሶ ማጻፋ 15:1

Liiqo zaaroy hanqo irxxisees; pordolo qaalay gidikko hanqo denththeththees.

ሌሚሶ ማጻፋ 25:11

Koshshiza wodezan haasayettida likke qaalay bira bolla tigettida worqqa alleqo mala.

ሉቃሳ ሚሺራቾ 21:15

Intte morkketappe oonikka inttenara eqettanaassinne baleththanaas dandayontta qaalanne cinccateth ta inttes immana.

ሃዋሬታ ኦሶ 6:10

Gido attiin erateththan izi haasayza haasayanne izan diza Ayanaa eqettanaas dandaybeettenna.

ዳናታ ማጻፋ 11:27

Tani ta baggara inttena aykkoka qohabeekke; gido attiin tana ola olada qohanaas dendiday nena; pirdiza GODAY hach Isra7eele asaassinne Amoone asaas giddon pirdo» gides.

1ሳሜላ ማጻፋ 26:17

Sa7ooli Dawite cenggurs gididayssa shaakki eridi, «Ta naa Dawite! Hayssi ne cenggurssee?» gides. Dawitikka, «Ta godoo, ee ta cenggurssa» gi zaarides.

1ሳሜላ ማጻፋ 26:24

Be7a ne shemppoy ta ayfe sinththan bonchchettida mala ta shemppiyakka GODAA sinththan bonchchettidaaro gidu; izi tana meto ubbaafe ashsho» gi zaarides.