1ሳሜላ ማጻፋ 2:8 - Geeshsha Maxaafa

⁸ Izi manqo gudullafe denththees; aykkoyka baynda manqoza dhoqqu dhoqqu histtees; ba shuumetarakka issife utisees; bonchcho araataakka laatisees. Gaasoykka biitta yochchati GODAASSA; izi alame istta bolla woththides.

ጋሞ ማጻፋ

⁸ ኢዚ ማንቆ ጉዱላፌ ዴንስ፤ ኣይኮይካ ባይንዳ ማንቆዛ ቁ ቁ ሂስቴስ፤ ባ ሹሜታራካ ኢሲፌ ኡቲሴስ፤ ቦንቾ ኣራታካ ላቲሴስ። ጋሶይካ ቢታ ዮቻቲ ጎዳሳ፤ ኢዚ ኣላሜ ኢስታ ቦላ ዎዴስ።

1ሳሜላ ማጻፋ 2:8 ပူးပေါင်းရင်းမြစ်များ

ሜቴ ማጻፋ 41:14

Histtiin Gibxe kawoy Yooseefe kiittidi xeygisides. Istti iza qasho keeththafe eeson ekki yiin ba hu7e meedettidi may7o laammidi kawozaakko gelides.

ሜቴ ማጻፋ 41:40

Tani nena ta keeththan shuumays; ta asay wuri nees azazettana; tani neeppe aadhdhanay ta kawoteththa algan xalla gidana» gides.

2ሳሜላ ማጻፋ 7:8

«Ha7ikka ta aylle Dawites Ubbaafe Wolqqama GODAY: Ta dere Isra7eele ne ayssana mala ta nena denththadis; dors heemmizasohoppe ta nena ekkadis.

1ካዎታ ማጻፋ 16:2

«Tani nena gudullafe denththada ta deraa Isra7eele bolla kawosadis; gido attiin neni Iyorba7aamey bida ogera baada ta dere Isra7eele nagara oosisadasa; histtada ta istta nagaran hanqettana mala tana denththeththadasa.

2ካዎታ ማጻፋ 9:6

Iyuykka dendi eqqidi gede soo gelides; hessafe guye nabezi iza hu7en zayteza gussidi izas, «GODAA Isra7eele Xoossay, ‹GODAA dere Isra7eele bolla ne kawotana mala ta nena tiyadis.

ኢዮቤ ማጻፋ 1:21

«Tani ta aayey uloppe kallo yelettadis; hayqqiza wodekka kallo baana; GODAY immides; GODAY ekkides; GODAA sunththi galatettidaaz gido» gides.

ኢዮቤ ማጻፋ 2:8

Hessafe dendidayssan Iyoobi bidinththa bolla uttidi ba madunththa kon7an qaach doommides.

ዬ ማጻፋ 102:25

Neni beni sa7a medhdhadasa; salotikka ne kushe ooso.

ዬ ማጻፋ 104:5

Neni sa7a yochcha bolla essadasa; izi meri mernaaskka qaaxxenna.

ዬ ማጻፋ 107:41

Gido attiin izi metotanchchata istta waayeppe kessides; dorsa wude mala cora naytakka isttas immides.

ዬ ማጻፋ 24:2

Sa7aa gita abbata bolla miccides; haaththa bollaka minththidi essides.

ዬ ማጻፋ 75:3

Sa7aynne iza bolla diza medheta ubbay qaaxxiza wode sa7a tuussata minththa essiday tana.

ዬ ማጻፋ 75:4

Otoranchchata, ‹Otorettofte› gays; iitatakka, ‹Intte makkallofte.

ዬ ማጻፋ 75:7

Gido attiin suure pirdizay Xoossa; izi issaa bolla pirdees; issaa xillisees.

ኤራንቻታ ማጻፋ 4:14

Ays giikko izi he hiyeesa gidida sohoppe dendidi woykko qasho keeththafe kezidi ba biittan kawotanaas dandayees.

ኢሳያሳ ቲንቢቴ 22:23

Tani iza ammanettizasohon dhishke mala essana; izi ba aawa keeththas bonchcho araata gidana.

ዳኔላ ቲንቢቴ 2:48

Hessafe guye Kawozi Daaneela gita bonchchoson woththides; keehi daro imotata izas immides; Baabiloone kawoteththa ubbaa ayssizaade histtides; Baabiloone eranchchata ubbaa bolla halaqa histti shuumides.

ዳኔላ ቲንቢቴ 4:17

« ‹Ha pirda qashoy geeshsha kiitanchchata baggara qoncci yootettides; hessika Ubbaafe Dhoqqa Xoossas sa7a kawota bolla izas godateththi dizayssanne kawoteththatakka ba dosidaades immizayssa, asappe kadhettidayta istta bolla izi shuumizayssa, medheta ubbay erana malassa› gides.

ዳኔላ ቲንቢቴ 6:3

Daaneeli hankko dere ayssizaytappenne daannatappe aadho erateththan kumidaade gidi beettida gishshas kawozi iza ba kawoteththaa bolla shuumanaas qoppides.

Ibirawe 1:3

Izikka Xoossa bonchcho bessizaadenne Xoossa Xoossateththaas lo7o leemiso gididi ba wolqqama qaalan wursika shiishshi oykkides; izi asaa nagarappe geeshshidaappe guye salon bonchcho Xoossaa ushachchan uttides.

ያቆቤ ኪታ 2:5

Ta siiqo ishatoo! Ane siyite; istti ammanon dureta gidana mala Xoossi bana dosizaytas hidota isttas immida kawoteththaa istti laattana mala hayssa ha alamezan diza manqota dooribeennee?

ዮሃኒሳ ኣጁታ 1:6

Nuni Yesus Kirstoosa aawaa Xoossaas ooththana mala nuna izi kawotanne qeeseta kessida Yesus Kirstoosas bonchchoynne wolqqay mernaappe mernaa gakkanaas izas gido! Amiin.

ዮሃኒሳ ኣጁታ 22:5

Hessafe guye qamay deenna; Godaa Xoossi isttas poo7iza gishshas tama poo7oy woykko arshe poo7oy isttas koshshenna; istti mernaappe mernaas kawotana.

ዮሃኒሳ ኣጁታ 3:21

Tani xoonada ta Aawara iza algan uttidayssaththo xoonidaadey tanara issife ta algan uttana mala ooththana.

ዮሃኒሳ ኣጁታ 5:10

Ne istta nu Godaa Xoossaas kawotanne qeeseta histtadasa; isttika biitta bolla kawotana.»

1ሳሜላ ማጻፋ 15:17

Sameeli izas, «Neni ne qofan guuth gidikkoka ne Isra7eele asaa kaaleththizaade gidabeekkii? GODAY nena tiydi Isra7eele bolla kawoththides.