1ሳሜላ ማጻፋ 17:34 - Geeshsha Maxaafa

³⁴ Gido attiin Dawiti Sa7ooles, «Tani ne aylley ta aawa dorsata heemmiza wode gaammoy woykko zardoy yiidi wude mehaa giddofe issi dors ekki bishin,

ጋሞ ማጻፋ

³⁴ ጊዶ ኣቲን ዳዊቲ ሳኦሌስ፥ «ታኒ ኔ ኣይሌይ ታ ኣዋ ዶርሳታ ሄሚዛ ዎዴ ጋሞይ ዎይኮ ዛርዶይ ዪዲ ዉዴ ሜሃ ጊዶፌ ኢሲ ዶርስ ኤኪ ቢሺን፥

1ሳሜላ ማጻፋ 17:34 ပူးပေါင်းရင်းမြစ်များ

ሜቴ ማጻፋ 31:39

Do7ay wodhidayssaka ubbaa ta bolla qoodadis attiin nees ehabeekke; gallas gidiin omars kaysoy ekkidayssa tana qanxxisadasa.

2ሳሜላ ማጻፋ 17:8

Ne aawaynne iza olanchchati mino olanchchatanne marati izippe bonqqettichchida zardo mala istti babisizayssa nekka eraasa; hessafe bollarakka ne aaway olan keehi loohida asa; omars ba olanchchatara aqenna;

2ሳሜላ ማጻፋ 23:20

Hara erettida qaray Qabxi7eele dere as Yoodahe naa Bannayay gita erettida ooso ooththides. Izikka nam7u erettida Mo7aabe asata wodhides; qasseka shachchi bukkida gallas olla giddo gelidi gaammo wodhides.

1ታሪኬ ማጻፋ 11:22

Qabxi7eeleppe yida Yoodahe naa Bannayay erettida olanchchanne wolqqama miish ooththida asa; izi nam7u erettida Mo7aabe biitta asata wodhides; qasse shachchi darida issi gallas gongolo giddo gelidi gaammo wodhides.

ዬ ማጻፋ 143:5

Tani beni wodeta hassa7ays; neni ooththida ooso ubbaa yuushsha qoppays; ne kushe oosotakka akeekays.

ሂዚቄላ ቲንቢቴ 34:12

Heenththanchchay ba wudetara dishe laalettida wudeta koyza mala tanikka ta wudeta koyana; shaara gallassinne dhuma gallas istti laalettidaso ubbaafe ta istta shiishshana.

ኣሞጼ ቲንቢቴ 3:12

GODAY, «Heenththanchchay gaammo doonappe dors woththi ekkiza wode dorsas nam7u gedata woykko duuxa hayththata woththi ekkiza mala Samaariya biittan ishalon uttida Isra7eele asaappe guuththati xalla attana» gees.

ዛካራሳ ቲንቢቴ 11:16

Hekko tani biitta bolla ooraththa heenththanchcha denththana; he heenththanchchay kase dhaydayssa zaari qoppenna; laalettidayssaka koyenna; meqqidayssaka koolenna; paxidayssaka dhiikkenna; gido attiin modhidayssa asho maana; qinccifilleka ashshontta dippi histtana.

ዛካራሳ ቲንቢቴ 9:7

Tani istta doonappe suuth, istta gacoppe montta mala digettida kath diggana; hankko attidayti ta dere gidana; Yuhuda biittan halaqatana; Aqaroone asaykka Yaabuse asa mala gidana.

ሉቃሳ ሚሺራቾ 2:8

Beeteliheeme achchan dors heemmiza asati dorsa naagishe omarsara karen aqizayti deettes.

ዮሃኒሳ ሚሺራቾ 10:11

«Tani lo7o heenththanchcha; lo7o heenththanchchay ba shemppo ba dorsata gishshas aaththi immees.

ኦሮሜ ኣሳስ 5:4

Dandayay paacen minoteth immees; paacen minoteththi hidota immees.

Ibirawe 11:33

Heytantti ammanon kawota xoonida; suure pirda pirdida; baas imettida hidota qaalaa ekkida; gaammota doona gordida;

ዮሃኒሳ ኣጁታ 13:2

Ta be7ida do7azi maahe misatees; iza tohoy do7a zardo toho misatees; iza doonay qasse gaammo doona misatees; dawezi ba wolqqaa, ba algazanne ba godateththaaka he do7azas immides.

ዳናታ ማጻፋ 14:6

GODAA Ayanay Samsoone bolla wodhdhidi izas wolqqa immides; qeeri deysha laaqqa mala ba kushen aykkoka oykkontta gaammoza peedhereththi yeggides. Hessaka ba aawassinne ba aayeys yootibeenna.

1ሳሜላ ማጻፋ 17:15

Dawiti gidikko ba aawa dors heemmanaas Sa7oole matappe Beeteliheeme simerettishe dees.

1ሳሜላ ማጻፋ 17:33

Sa7ooli zaaridi, «Neni buro issi ayfe naa; addezi gidikko naateteththafe doommidi olara meezetida gishshas kezada ha Filisxeeme addezara eqettana dandayakka» gides.

1ሳሜላ ማጻፋ 17:35

tani kaalla baada iza shocada doonappe yegisays; izi ta bolla simmishin iza siixinaththaa cuulla oykkada shoca wodhays.