1ሳሜላ ማጻፋ 16:12 - Geeshsha Maxaafa

¹² Histtiin Isseyey kiittidi ehisides; izi aarissa, ayfera lo7iza puulanchchanne mala lo7o naa. GODAY Sameelas, «Tani dooriday hayssa, dendada tiya» gides.

ጋሞ ማጻፋ

¹² ሂስቲን ኢሴዬይ ኪቲዲ ኤሂሲዴስ፤ ኢዚ ኣሪሳ፥ ኣይፌራ ሎኢዛ ፑላንቻኔ ማላ ሎኦ ና። ጎዳይ ሳሜላስ፥ «ታኒ ዶሪዳይ ሃይሳ፥ ዴንዳዳ ቲያ» ጊዴስ።

1ሳሜላ ማጻፋ 16:12 ပူးပေါင်းရင်းမြစ်များ

ሜቴ ማጻፋ 39:6

Hessa gishshas baas diza ubbaa Yooseefes sheedhdhides; izi ba miza kaththaafe attiin hara Yooseefe kushen yeggides. Yooseefey yegalththinne mala lo7o asa.

2ሳሜላ ማጻፋ 23:1

Dawiti wurseththan haasayda qaalay hayssafe kaallizayssa; «Yaaqoobe Xoossaan tiyettidayssi, Ubbaafe Dhoqqa Xoossay dhoqqu dhoqqu histtida asi, Isra7eelen dosettida yeththanchchay, Isseye naa Dawite tinbite qaalay hayssa;

2ሳሜላ ማጻፋ 7:8

«Ha7ikka ta aylle Dawites Ubbaafe Wolqqama GODAY: Ta dere Isra7eele ne ayssana mala ta nena denththadis; dors heemmizasohoppe ta nena ekkadis.

1ካዎታ ማጻፋ 1:34

Heen qeese Saadooqeynne nabe Naataaney iza tiydi Isra7eele asaa bolla kawoththetto; hessafe guye zaye punnidi intte qaala dhoqqu histtidi, ‹Kawo Solomooney mernaas kawoto!› giite.

ዬ ማጻፋ 2:2

Sa7a kawotinne daannati dendida; istti GODAA bollanne GODAY tiydayssa bolla dendanaas issife duulatida.

ዬ ማጻፋ 2:6

Goday, «Tani ta geeshsha zuma Xiyoone bolla ta kawoza kawoththadis» gees.

ዬ ማጻፋ 78:70

Ba aylle Dawite dooridi dorsa wude heemmizasohoppe ekkides.

ኬሳ ማጻፋ 2:2

iza qanththatada adde naa yeladus. Naazikka mala lo7o naa gididayssa beyada heedzdzu agina qottadus.

Siiqo Saba 5:10

«Ta siiqoy daro lo7onne mino; 10,000 attumasa garsan iza malay deenna.

ኤርማሳ ዚላስ 4:7

Istta kaaleththizayti shachchafe aadhdhida geeshsha; maaththafe aadhdhi booththa; istta bollay zo7o inqqufe aadhdhida aarissa; qasse isttas medhaykka simpere geetettiza shuchcha mala.

ዛካራሳ ቲንቢቴ 4:14

Izi qasseka, «Hayti nam7ati medheteththa ubbaa Goda sinththan ooththana tiyettida asata» gides.

ሃዋሬታ ኦሶ 4:27

«Tumappe Herdoosinne Phanxoosa Philaxoosi Isra7eeletaranne hara dere asaara hanno katamayn ne doora tiyda geeshsha naaza Yesusa bolla yo7o qachchanaas shiiqettida.

ሃዋሬታ ኦሶ 7:20

He wode Musey yelettides; izikka Xoossa achchan dosettida mala lo7o naa gidides; ba aawaa keeththan heedzdzu agina al7ison diccides.

Ibirawe 11:23

Musey yelettiin izas malay lo7o gididayssa be7idi iza yelidayti iza heedzdzu agina gakkanaas kawoza azazo babbontta qottiday ammanonna.

1ሳሜላ ማጻፋ 16:18

Iza oosanchchatappe issoy, «Lo7eththi bagana shoch dandayza Beeteliheeme dere as Isseye naaza be7adis; izi qaranne olanchcha, akeekanchchanne ufayssiza qaala haasayzaade; GODAYKKA izara dees» gides.

1ሳሜላ ማጻፋ 17:42

Izi Dawite tishshi histti xeellishin kaysha, mala lo7onne qeeri issi ayfe naa gidida gishshas iza kadhides.

1ሳሜላ ማጻፋ 17:55

Dawiti Filisxeeme addezara eqettanaas biza wode Sa7ooli be7idi ba olanchchata azaziza Abineere, «Abineere, hayssi naazi oona naa?» gi oychchides. Abineeri, «Kawoo, ne asho; ta erikke» gi zaarides.

1ሳሜላ ማጻፋ 9:17

Sameeli Sa7oole be7ida mala GODAY, «Hekko ta nees yootida addezi hayssa; izi ta deraa ayssana» gides.