1ሳሜላ ማጻፋ 15:23 - Geeshsha Maxaafa

²³ Makkallay maroththo mala nagara; agga ixxay eeqa xoossas goyno mala iita; neni GODAA qaalaa kadhida gishshas izikka neni kawo gidontta mala nena kadhides» gides.

ጋሞ ማጻፋ

²³ ማካላይ ማሮ ማላ ናጋራ፤ ኣጋ ኢጻይ ኤቃ ጾሳስ ጎይኖ ማላ ኢታ፤ ኔኒ ጎዳ ቃላ ካዳ ጊሻስ ኢዚካ ኔኒ ካዎ ጊዶንታ ማላ ኔና ካዴስ» ጊዴስ።

1ሳሜላ ማጻፋ 15:23 ပူးပေါင်းရင်းမြစ်များ

ሜቴ ማጻፋ 31:19

Laabay ba dorsata iskeza qanxxanaas bichchidaashe Eraheela ba aawa eeqa misleta kaysadus.

ሜቴ ማጻፋ 31:34

Eraheela ba aawa eeqa misleta ekkada gaamella koora garsan qottada, iza bolla uttadus. Laabay dunkaanan dizayssa ubbaa pilggidi koyides; gido attiin aykkoka demmibeenna.

2ሳሜላ ማጻፋ 12:9

Histtiin iza sinththan iita miish ooththada GODAA qaala ays kawushshadii? Hiite dere as Ooriyo mashshan siifadasa; iza machcheyo nees ekkadasa; izakka Amooneta mashshan wodhisadasa.

2ሳሜላ ማጻፋ 7:15

Ta maaroteththaa neeppe kase diza Sa7ooleppe haassidayssaththo ta izappe haassike.

1ታሪኬ ማጻፋ 10:13

Sa7ooli GODAAS ammanettibeenna; iza qaalaakka naagontta ixxidi moytille xeygizayta zore oychchida gishshas hayqqides.

1ታሪኬ ማጻፋ 28:9

«Ta naa Solomoone, ne aawaa Xoossaa era! Neni kumeththa wozinaninne lo7o qofan izas ooththa; GODAY wozina ubbaa pilggi xeellees; giddo qofa ubbaa izi erees; neni iza koykko izi nees beettana; gido attiin ne iza aggizaa gidikko izikka nena mernaas aggaagana.

ኢዮቤ ማጻፋ 34:37

Nu giddon wogappe kare ke7ides; Xoossa bolla kadhe darssides; ba nagara bollaka makkallateth gujjides» geettes.

ዬ ማጻፋ 107:11

Gaasoykka istti Xoossa qaala bolla makkallidanne Ubbaafe Dhoqqa Xoossa zore kadhida.

ኬሳ ማጻፋ 22:18

«Bita bitiza maccas paxa woththofa.

ኢሳያሳ ቲንቢቴ 19:3

Gibxeta wozinay labettana; tani istta halchcho hada ooththana. Istta eeqa xoossatanne moytilleta, tuna ayana xeygizaytanne marota zore oychchana.

ኢሳያሳ ቲንቢቴ 8:19

Asay inttena, «Bessonttaaz tattafettishenne Saasukettishe haasayettiza bitizaytanne moytille xeygizayta oychchite» giikko derey ba GODAA oychchanaas bessennee? De7o Xoossaa aggidi hayqqidayta oysho ays koshshizee?

ኤርማሳ ቲንቢቴ 16:12

intte kase intte aawatappeka aadhdhida iita ooththida gishshassa; be7ite; intte issoy issoy intte wozina iitateththaa kaallideta; taaska azazettontta ixxideta.

ኤርማሳ ቲንቢቴ 28:16

Hessa gishshas GODAY, ‹Tani nena ha sa7a bollafe diggana; neni GODAA bolla makkalla haasayda gishshas ne ha layth hayqqana› gees» gides.

ኤርማሳ ቲንቢቴ 29:32

GODAY, ‹Tani Nehelaame dere as Shama7enne iza soo asaa qaxxayana. Ta bolla izi makkalla miish haasayda gishshas ha deraa giddon izas zarey attenna; qasse tani ta deraas ooththana lo7o miishshaka gakki beyenna› gides» gishe yides.

ሆሴኤ ቲንቢቴ 13:11

Ta hanqettashe inttes kawo immadis; gido attiin tani boshankka iza shaaradis.

ሆሴኤ ቲንቢቴ 3:4

Hessaththoka Isra7eele asay kawoy baynda woykko kaaleththizaadey baynda, yarshoy baynda woykko eeqa xoossata hawultey baynda, qeeseteththa may7oy baynda woykko eeqa xoossata misley baynda daro wode de7ana.

ሌዌታ ማጻፋ 20:27

« ‹Ay asikka intte giddofe moytille xeygizaa woykko marotizaade gidikko izi shuchchan cadetti hayqo; hessaththo ooththizaadey ay asikka hayqon qaxxayettizay ba ooththida mooronna› ga yoota.»

ሌዌታ ማጻፋ 20:6

« ‹Oonikka isttafe zore oychchanaas moytille xeygizaytakkonne marotakko biikko hessaade bolla ta iita hanqo yeddana; hessafe guye hessaade tani iza dere giddofe shaakka dhayssana.

ታይቦ ማጻፋ 14:9

Intte gidikko GODAA bolla makkallofte! Heen diza derezaska babofte! Nuni istta qiison xoonana; GODAY nunara dees; istta bollafe eeshoy dendichchida gishshas intte isttas mulekka babbofte!» gida.

ሃዋሬታ ኦሶ 13:22

Sa7oole shaaridaappe guye Dawite kawoththides; iza gishshas, ‹Ta wozina mala hanizayssanne ta koyidayssa ubbaa ooththiza Isseye naa Dawite ta demmadis› giidi Dawite gishshas Xoossi markkattides.

2ቆሮንቶሴ ኣሳስ 6:16

Xoossa Woosa Keeththas eeqatara aaza gaagoy dizee? Xoossika, «Tani ta duussaso ta dereza giddon ooththana; tanikka isttara daana; isttaskka Godaa gidana; isttika ta dereta gidana» giidi kase yootida mala nuni issoy issoy de7o Xoossa Keeththata.

ጋላቲያ ኣሳስ 5:20

Eeqas goyno, bita, ixeteth, oosh, qanaateteth, hanqo, bana xalla doso, shaaketeth, zuppeteth,

ዛሬ ማጻፋ 9:24

Ta inttena eroosofe hanno gakkanaas intte GODAA bolla makkallida mala deeta.

ዛሬ ማጻፋ 9:7

GODAA intte Xoossaa bazzon intte wostti hanqeththidaakko balopite; intte Gibxeppe kezida gallassafe doommidi hanno gakkanaas intte GODAA intte Xoossaa bolla makkallideta.

ኢያሶ ማጻፋ 22:15

Istti Oroobeele qommoti, Gaade qommotinne Minaase qommotappe baggati diza Gala7aade biitta biidi isttas,

ዮሃኒሳ ኣጁታ 21:8

Gido attiin hankko baboti, isttas ammanettonttayti, tunati, asa shemppo wodhizayti, laymatizayti, bitizayti, eeqas goynnizayti, wordotizayti, heyta ubbata qaaday diinen eexxiza tama abbaa giddon gidana; hessika nam7anththo hayqo» gides.

ዮሃኒሳ ኣጁታ 22:15

Kana mala coo hoththu hoththizayti, bita bitizayti, laymatizayti, shemppo wodhizayti, eeqas goynnizayti, wordo siiqizaytinne wordo ooththizayti wurikka he katamayppe karen attana.

1ሳሜላ ማጻፋ 13:14

Ha7i gidikko ne kawoteththay minni eqqenna; be7a GODAY ba wozina mala haniza as demmides; neni GODAA azazo naagontta ixxida gishshas izi dereza kaaleththizaade gidana mala doorides» gides.

1ሳሜላ ማጻፋ 16:1

GODAY Sameelas, «Isra7eele bolla kawoti dontta mala ta kadhida Sa7ooles ne awude gakkanaas yeekkanee? Beeteliheeme dere as Isseyekko ta nena kiittana gishshas bashe kacen zayte kunththa ekka ba; ta iza nayta giddofe issoy kawo gidana mala dooradis» gides.

1ሳሜላ ማጻፋ 2:30

«Hessa gishshas GODAA Isra7eele Xoossay, ‹Ne keeththinne ne aawa keeththa asay ta sinththan mernaas haggazana mala hidota qaala immadis; ha7i gidikko GODAY hannife guye ta hayssa ooththike;› tana bonchchizayta takka bonchchana; tana kadhizayti mulerakka kadhettana.

1ሳሜላ ማጻፋ 28:3

He wode Sameeli hayqqi gam7ides; Isra7eele asay ubbay iza katamaan Eraaman yeekkidi moogides; Sa7ooli marotanne moytille haasayssizayta kase dereppe gooddides.