1ሳሜላ ማጻፋ 15:11 - Geeshsha Maxaafa

¹¹ «Tani Sa7oole kawoththida gishshas modhettadis; gaasoykka izi tana kaalo aggidi guye simmida gishshassinne ta azazo polontta aggida gishshassa» gides. Sameeli keehi ceecidi omars kumeth GODAAKKO waassides.

ጋሞ ማጻፋ

¹¹ «ታኒ ሳኦሌ ካዎዳ ጊሻስ ሞታዲስ፤ ጋሶይካ ኢዚ ታና ካሎ ኣጊዲ ጉዬ ሲሚዳ ጊሻሲኔ ታ ኣዛዞ ፖሎንታ ኣጊዳ ጊሻሳ» ጊዴስ። ሳሜሊ ኬሂ ጬጪዲ ኦማርስ ኩሜ ጎዳኮ ዋሲዴስ።

1ሳሜላ ማጻፋ 15:11 ပူးပေါင်းရင်းမြစ်များ

ሜቴ ማጻፋ 6:6

GODAY as ha biitta bollan medhdhida gishshas modhettides; ba wozinan keehi seelettides.

ሜቴ ማጻፋ 6:7

Hessa gishshas GODAY, «Tani medhdhida asaa ha biitta bollafe ubbaa dhayssana; asa, mehe, do7a, biittara gooshettiza medheteththatanne kafota dhayssana; ays giikko tani istta medhdhida gishshas mishettadis» gides.

2ሳሜላ ማጻፋ 24:16

GODAA kiitanchchay Yerusalaame dippi histtidi dhayssanaas ba kushe yeddiin asaa bolla gakkida qohoy GODAA qadheththides; histtiin dereza wursiza kiitanchchaza, «Gidana! Agga!» gides. He wode GODAA kiitanchchay Yaabuse dere as Orna bale achchan eqqi dees.

1ካዎታ ማጻፋ 11:9

Izas nam7uto qonccida GODAA Isra7eele Xoossafe Solomoone wozinay haraso simmida gishshas GODAY iza bolla hanqettides.

1ታሪኬ ማጻፋ 10:13

Sa7ooli GODAAS ammanettibeenna; iza qaalaakka naagontta ixxidi moytille xeygizayta zore oychchida gishshas hayqqides.

1ታሪኬ ማጻፋ 21:15

Hessafe guye GODAY Yerusalaame dhayssanaas kiitanchcha kiittides; gido attiin kiitanchchazi Yerusalaame dhayssanaas shiiqi uttidaashin GODAY be7idi mishettides; dhayssana yida kiitanchchaa, «Agga! Istta bolla gakkida bashshay gidana» gides. He wode Godaa Xoossaa kiitanchchay Yaabuse dere as Orna bale matan eqqides.

ኢዮቤ ማጻፋ 34:27

Izi istta qaxxayizayssi istti iza kaallizayssa aggida gishshassa; iza azazotakka istti kadhida gishshassa.

ዬ ማጻፋ 109:4

Tani istta siiqishin istti tana mootida; gido attiin ta woossays.

ዬ ማጻፋ 110:4

GODAY, «Malkexeedeqe qeeseteththa mala nenikka mernaas qeese gidana» giidi caaqqides; izi ba qofa laammenna.

ዬ ማጻፋ 119:136

Ne wogay bonchchettontta gishshas ta afunththi haaththa mala goggees.

ዬ ማጻፋ 125:5

Gido attiin kase ba geella oge simmizayta neni iita ooththizaytara issife gaththa qaxxaya; Isra7eeles saroy gido!

ዬ ማጻፋ 36:3

Iza doonappe ke7iza haasayay genenne wordo; aadho erateththinne lo7o ooso mulekka aggides.

ዬ ማጻፋ 78:41

Istti zaari zaaridi Xoossa paaccida; Isra7eele Geeshshaa madunththida.

ዬ ማጻፋ 78:57

Istti beni bantta aawata mala makkallanchchatanne kaddizayta gidida; ammanththontta bokka tooman eqqida toora mala gidida.

ኬሳ ማጻፋ 32:11

Gido attiin Musey GODAA ba Xoossaa, «Abeet Godoo! Neni ne gita wolqqaninne ne mino qesen Gibxeppe kessada ehida ne asaa bolla hessaththo aazas hanqettay?

ኬሳ ማጻፋ 32:14

Hessa gishshas GODAY ba asaa bolla iita miish ehanaas qoppidayssa aggides.

ኤርማሳ ቲንቢቴ 11:10

Istti kase ta qaala siyontta ixxidi nagara ooththida bantta aawata malakka nagara ooththida; istti hara xoossatas goynnidanne istta kaallida; Isra7eele asaynne Yuhuda asay tani kase istta aawatara caaqettida caaqo qaala laallida.

ኤርማሳ ቲንቢቴ 13:17

Intte siyontta ixxiko, intte otoreteththaa gishshas ta shemppoya geeman yeekkana; GODAA wudey di7etti bichchida gishshas tani camo yeeho yeekkays; ta ayfeppe afunththi haaththa mala goggees.

ኤርማሳ ቲንቢቴ 34:16

Gido attiin ha7ikka intte intte qofa laammidi ta sunththaa tunisideta. Intte la7a yeddida attumanne macca aylleta zaaridi aylleteththan haarideta» gees.

ኤርማሳ ቲንቢቴ 9:1

Shukettida ta deraa gishshas omarsinne gallas ta yeekkana mala ta hu7ey haaththa olla, ta ayfetikka pultto mala afunth gogissidaakko ta ay mala dosandinaa!

ኤርማሳ ቲንቢቴ 9:18

Istti eeson yetto; nu ayfera afunththi gogganaashe gakkanaassinne nu siphinththara afunththi pulttana gakkanaas nu gishshas zilaletto.

ሂዚቄላ ቲንቢቴ 18:24

«Gido attiin xillo asi ba xilloteththafe simmidi nagara ooththiko, nagaranchchay ooththiza tuna miish ooththiko tumappe izaadey shemppora paxa daanee? Akkay; izi ooththida xilloteththaafe issoyka izas qoodettenna; izi ammanettontta ixxida gaasoninne izi ooththida nagara ubbaa gaason izi hayqqana.

ኣሞጼ ቲንቢቴ 7:3

GODAYKKA isttas mishettidi, «Hayssi ne be7izayssi polettenna» giidi taas yootides.

ዮናሳ ቲንቢቴ 3:10

Istti ba iita ogeppe simmidayssa Xoossay be7idi isttas qadhettidi istta bolla ehana gida pirdaa aggides.

ዮናሳ ቲንቢቴ 4:2

Hessafe guye GODAA, «Abeet GODAWU! Tani buro ta deren dashe gidayssi hayssa gidennee? Ta ne sinththafe betada Tarseese baanaas eesotidayssi hessassa; qadhetaynne maarotay nenan kumida Xoossaa ne gididayssa, hanqos eesotonttayssanne aggontta siiqon kumidayssa, qasse ehana gida iita miishshika aggiza Xoossa ne gididayssa tani kasekka erays.

ሶፎናሳ ቲንቢቴ 1:6

GODAA kaallanaappe guye simmizayta, GODAA koyonttayta, izi istta maaddana mala oychchonttayta ta dhayssana» gees.

Maatosa 24:13

Wurseth gakkanaas minnidaadey attana.

Maatosa 5:44

Ta qasse inttena intte morkketa dosite; inttena gooddizaytas woossite gays.

ሉቃሳ ሚሺራቾ 6:12

He gallassatappe issi gallas Yesusi woossanaas zuma bolla kezidi omars kumeth Xoossaa woossishe aqides.

Ibirawe 10:38

xillo asi gidikko ammanon de7o demmana; guye undudizaadey diikko ta shemppoya izaade bolla ufayettuku.

ኢያሶ ማጻፋ 22:16

«GODAA asay kumeth inttena, ‹Isra7eele Xoossa bolla ays hayssa mala iita ooththidetii? Waanidi intte hara yarsho yarshizaso inttes giigsidetii? GODAA bolla waani makkallidetii? Iza kaallizaayssaka waanidi aggidetii?

1ሳሜላ ማጻፋ 12:23

Hessafekka bollara ta inttes woossontta aggada ta GODAA qohanayssi taappe haakko. Tani lo7onne suure oge inttena tamaarsana.

1ሳሜላ ማጻፋ 13:13

Sameelikka izas, «Nees bessonttaaz ooththadasa; GODAA ne Xoossay nees immida azazo naagabeekka; ne naagidaakko Isra7eele bolla ne kawoteththay mernaas minni daanashin.

1ሳሜላ ማጻፋ 15:10

Hayssafe guye GODAA qaalay Sameelakko yiidi,

1ሳሜላ ማጻፋ 15:3

Ha7ikka ba; Amaaleeqeta ola! Isttas diza miish mulera dhayssa; issi miishshika ashshofa; attumanne macca, naanne yidha, mehetanne dorsata, gaamellanne hare wodha› gees» gides.

1ሳሜላ ማጻፋ 15:35

Sameeli Sa7ooles yeekkikokka izi hayqqanaashe gakkanaas nam7anththo iza be7anaas bibeenna; GODAY Sa7oole Isra7eele bolla kawoththida gishshas modhettides.

1ሳሜላ ማጻፋ 15:9

Gido attiin Sa7oolinne iza ola asati Agaage, lo7o dorsatanne meheta, ohala marinne laaqqa, lo7o lo7o gidida ubbaa wodhontta aggaagida; heytantta ubbaa wodhanaas koyibeettenna; gido attiin leqettidaytanne shufurota dhayssida.

1ሳሜላ ማጻፋ 16:1

GODAY Sameelas, «Isra7eele bolla kawoti dontta mala ta kadhida Sa7ooles ne awude gakkanaas yeekkanee? Beeteliheeme dere as Isseyekko ta nena kiittana gishshas bashe kacen zayte kunththa ekka ba; ta iza nayta giddofe issoy kawo gidana mala dooradis» gides.

1ሳሜላ ማጻፋ 8:6

Gido attiin, «Nuna kaaleththiza kawo nuus kawoththa» gidayssi Sameela mishisida gishshas Sameeli GODAA woossides.