1ሳሜላ ማጻፋ 14:24 - Geeshsha Maxaafa

²⁴ Sa7ooli, «Hach ta morkketa bolla halo kessanaappe sinththan omars gakkanaas kath mida asi qanggettidaade gido» giidi izi dereza caaqeththida gishshas he gallas Isra7eele asay ceecen pe7ides; hessa gishshas deraappe issaadeyka kath doonan gelththibeenna.

ጋሞ ማጻፋ

²⁴ ሳኦሊ፥ «ሃች ታ ሞርኬታ ቦላ ሃሎ ኬሳናፔ ሲንን ኦማርስ ጋካናስ ካ ሚዳ ኣሲ ቃንጌቲዳዴ ጊዶ» ጊዲ ኢዚ ዴሬዛ ጫቄዳ ጊሻስ ሄ ጋላስ ኢስራኤሌ ኣሳይ ጬጬን ፔኢዴስ፤ ሄሳ ጊሻስ ዴራፔ ኢሳዴይካ ካ ዶናን ጌልቤና።

1ሳሜላ ማጻፋ 14:24 ပူးပေါင်းရင်းမြစ်များ

ዬ ማጻፋ 18:47

Izi ta halo kessiza Xoossa; kawoteththata taas haarisiza Xoossa.

ሌሚሶ ማጻፋ 11:9

Iita asi ba doonan ba laggeza dhayssees; gido attiin xilloti erateththan kessi ekki atteettes.

ሌዌታ ማጻፋ 27:29

« ‹Asa giddofe shaakettidi deyana mala pirdettidaadey wozzettofo; izaadey hayqqanaas bessees.

ሌዌታ ማጻፋ 5:4

«Ay asikka iitas gidiin kiyas gidiin yuushshi qoppontta coo mela adina adinettiko izaadey ooththida mooroza zaari akeekida wodeppe doommidi izaades nagara gidana.

ታይቦ ማጻፋ 21:2

He wode Isra7eele asay, «Nuni hayssa dereza xoonana mala ne nuna maaddiko istta gidiin woykko istta katamata nam7anththo dendontta mala ooththidi nu istta mulera dippi histtana» giidi GODAAS adinida.

ታይቦ ማጻፋ 5:21

‹GODAY nees yela ulo melisonne ne ulo puuriso! Ne dereza garsan nena caaqossinne qanggeththas kesso.

ኦሮሜ ኣሳስ 10:2

Istti Xoossa yo7os mishettizayta gididayssa ta istta gishshas markkattana dandayays; istta misheteththi gidikko erateththan gidenna.

1ቆሮንቶሴ ኣሳስ 16:22

Godaa dosonttaadey diikko izi qanggettidaade gido! Godoo haa ya!

ኢያሶ ማጻፋ 6:26

He wode Iyaasoy, «Hanno katamayo zaari essiza asi, ‹GODAA sinththan qanggettidaade gido. Yoch yeggiza wode izas bayra nay dhayo. Gimbeta essishin wurseththa nay dhayo› » giidi qanggides.

ዳናታ ማጻፋ 1:28

Isra7eele asay minnida wode Kanaaneta baas wolqqan oosisida; gido attiin istta mulera biittafe kessi gooddibeettenna.

ዳናታ ማጻፋ 5:2

«Kaaleththizayti Isra7eele kaaleththishin, dereykka ba shenen haarettishin GODAA galatite!

1ሳሜላ ማጻፋ 14:25

Ola asay ubbay wora giddo gelishin eessi biitta bolla beettides.

1ሳሜላ ማጻፋ 14:39

Isra7eele ashshida de7o GODAY be7iin ta naa Yoonataaney qoho ooththidaa gidikkoka hayqqana bessees» gides. Gido attiin deraa giddofe izas zaaro immiday issaadeyka deenna.

1ሳሜላ ማጻፋ 18:25

Sa7ooli, «Dawite, ‹Kawoza nayi gishshas neeppe ciloosha koyzay ba morkketa bolla halo kessanaas Filisxeeme asaappe xeetu asaa attumateth qanxxa ehada immanayssafe attiin hara koyenna› giidi yootite» gides. Sa7ooli hessa qoppiday Dawiti biidi Filisxeemeta kushen kundana mala koyza gishshassa.