1ሳሜላ ማጻፋ 12:23 - Geeshsha Maxaafa

²³ Hessafekka bollara ta inttes woossontta aggada ta GODAA qohanayssi taappe haakko. Tani lo7onne suure oge inttena tamaarsana.

ጋሞ ማጻፋ

²³ ሄሳፌካ ቦላራ ታ ኢንቴስ ዎሶንታ ኣጋዳ ታ ጎዳ ቆሃናይሲ ታፔ ሃኮ። ታኒ ሎኦኔ ሱሬ ኦጌ ኢንቴና ታማርሳና።

1ሳሜላ ማጻፋ 12:23 ပူးပေါင်းရင်းမြစ်များ

1ካዎታ ማጻፋ 8:36

Histtada ne ashkara Isra7eele deraa nagara atto ga; istti hemettanaas bessiza lo7o oge istta tamaarsa; hessafe guye neni ne deraa laatissida biittan ira bukisa.

2ታሪኬ ማጻፋ 6:27

neni salon de7ashe siya. Ne aylleta nagaraanne ne deraa Isra7eele nagaraa atto ga. Istti hemettanaas bessiza lo7o ogeza istta tamaarsa; histtada neni ne asaas xinxxo histta immida biittaan ira bukisa.

ዬ ማጻፋ 122:6

Yerusalaame saroteththas, «Nena dosizayti ubbay ishalon detto;

ዬ ማጻፋ 34:11

Naytoo! Haa yiite; ta gizaaz siyite; tani inttena GODAAS yashshateth tamaarsana.

ዬ ማጻፋ 34:12

Adussa layth daanaas dosizaynne lo7o miish beyanaas koyzay oonee?

ኬሳ ማጻፋ 32:30

Wonteththa gallas Musey asaa, «Intte gita nagara ooththideta shin ha7i tani GODAAKKO pude zumaa bolla kezana; ta intte nagara atto giissanaakko oonee erizay» gides.

ሌሚሶ ማጻፋ 4:11

Tani nena aadho erateththa oge kaaleththana; suure ogekka bessana.

ኤራንቻታ ማጻፋ 12:10

Eranchchazi suure qaala demmanaas pilggides; izi xaafidayssi suurenne tuma.

ኢሳያሳ ቲንቢቴ 30:21

Intte hadirs woykko ushach giikko intte guyera, «Ogezi hayssa; izara biite» gizayssa intte hayththi siyana.

ኤርማሳ ቲንቢቴ 15:1

Hessafe guye GODAY taas, «Museynne Sameeli ta sinththan eqqidaakkoka ta wozinay ha deraas mishettenna; istta ta sinththafe digga; istti betto.

ኤርማሳ ቲንቢቴ 27:18

Istti tumu nabeta gidikko, tumukka GODAA qaalay dizaa gidikko GODAA Keeththan, Yuhuda kawo keeththaninne Yerusalaamen attida miishshati Baabiloone di7etti bontta mala ane GODAA Ubbaafe Wolqqama Xoossaako shoobbi woossetto.

ኤርማሳ ቲንቢቴ 42:4

Nabe Ermaasi zaaridi, «Lo7o; intte gida malakka GODAA intte Xoossaa tani woossana; qasse inttefe aykkoka qottontta izi yootidayssa ubbaa zaarada ta inttes yootana» gides.

ኤርማሳ ቲንቢቴ 6:16

GODAY, «Daggala oge bolla eqqi xeellite; beni ogeyo oychchite; Lo7o ogey awaarii? Izira biite; intte intte shemppos shemppo demmana; intte gidikko, ‹Nu izira bookko!› gideta.

ሃዋሬታ ኦሶ 12:5

Hessa gishshas Phexroosa qasho keeththe gelththidi naageettes; gido attiin Woosa Keeththa asay izas keehi mino woosa woossides.

ሃዋሬታ ኦሶ 20:20

Coo dembankka, intteson intteson tani inttena tamaarsashe go7izayssa wursa inttes yootadis attiin inttena go7iza miishshaafe aykkoka ashshabeekke.

ኦሮሜ ኣሳስ 1:9

Ta intte gishshas ubba wode ay mala qoppizaakkonne Xoossa naa mishiraachcho sabbakon ta kumeththa wozinappe izas ooththiza Xoossay taas markka.

1ቆሮንቶሴ ኣሳስ 9:16

Mishiraachcho qaalaa sabbakidayssi tana ceeqissenna; ta sabbakizay dosan gidontta wolqqara tana gakkida gishshassa; ta Mishiraachcho qaalaa sabbakontta aggiko taas aayye ana!

ቆላሲያሴ ኣሳስ 1:28

Nunikka issi issi as Kirstoosas kumeththa as histti shiishshanaas dandayana mala as ubbaa hiillara zorishenne tamaarsishe Kirstoosa gishshas sabbakoos.

ቆላሲያሴ ኣሳስ 1:9

Nu qasse hessa siyoosoppe haa simmiin intte Xoossa shene erateththaninne akeekan inttena kunththana mala intte gishshas woosa qanxxibeekko.

1ታሶሎንቄ ኣሳስ 3:10

Qasseka nu inttena beyanaassinne intte ammanoppe paccidayssa kunththanaas omarsinne gallas keehi woossoos.

2ጺምቶሳስ 1:3

Pacey baynda gallassinne qamma ne gishshas woosan qofsashe kase Aawati ooththida mala geeshsha wozinara ta goynniza Xoossaa ta galatays.

1ሳሜላ ማጻፋ 12:19

Derezi ubbay Sameela, «Nu ooththida hara nagaray guuxxontta dishin nuus kawoy kawotana mala oychchidayssan hara iita miish gujji ooththida gishshas nu hayqqontta mala nuus ne aylletas GODAA ne Xoossaa woossa» gida.

1ሳሜላ ማጻፋ 8:6

Gido attiin, «Nuna kaaleththiza kawo nuus kawoththa» gidayssi Sameela mishisida gishshas Sameeli GODAA woossides.