1ጴጽሮሳ ኪታ 4:14 - Geeshsha Maxaafa

¹⁴ Intte Kirstoosa sunththaa gishshas cayettiko bonchcho Ayanay hessika Xoossa Ayanay intte bolla shempiza gishshas ufayettite.

ጋሞ ማጻፋ

¹⁴ ኢንቴ ኪርስቶሳ ሱን ጊሻስ ጫዬቲኮ ቦንቾ ኣያናይ ሄሲካ ጾሳ ኣያናይ ኢንቴ ቦላ ሼምፒዛ ጊሻስ ኡፋዬቲቴ።

Gamo Geesha Maxxafa New Testamen

¹⁴ Inte Kiristoosa suntha gishshi cayettiko boncho ayanay hessika Xoossa ayanay inte bolla shempiza gishshi ufa7ettite.

1ጴጽሮሳ ኪታ 4:14 ပူးပေါင်းရင်းမြစ်များ

1ካዎታ ማጻፋ 10:8

Ubba wode ne sinththan eqqidi ne aadho erateththaa siyiza shuumetassinne ne oosanchchatas qaaday ay mala lo7oo!

2ካዎታ ማጻፋ 2:15

Iyarkkofe biidi hessa be7ida bagga nabeti, «Eelaasa ayanay Elssa7e bolla shempides» gida; izara gayttanaas biidi iza sinththan ziqqi giidi bantta kushe denththida.

ዬ ማጻፋ 146:5

Yaaqoobe Xoossay maaddiza asi ba hidotakka ba GODAA bolla woththida asi anjjettidaade.

ዬ ማጻፋ 49:9

Ay waaga qanxxiinkka izi mernaas de7ana mala, woykko izi hayqqontta mala ooththanawu dandayenna.

ዬ ማጻፋ 89:51

Abeet GODAWU! Ne morkketi ne doorada tiyda kawoza cayizayssa, izi bidaso ubbaan iza qilccizayssa qoppa.

ኢሳያሳ ቲንቢቴ 11:2

GODAA Ayanay, aadho erateththinne akeeka Ayanay, zore Ayanaynne wolqqa Ayanay, erateththa Ayanaynne GODAAS yashissiza Ayanay iza bolla shemppana.

ኢሳያሳ ቲንቢቴ 25:8

Hayqo izi mernaas mittana; Ubbaa Haariza GODAY asa ubbaa ayfeppe afunththu quccana; ba deraa kawushshateth biitta ubbaafe diggana. Hayssa GODAY haasaydes.

ኢሳያሳ ቲንቢቴ 51:7

GODAY, «Intteno xilloteth erizaytoo, ta wogaa intte wozinan woththida asatoo ta gizaa siyite. Asay inttena kadhishin babbofte; istti inttena cayishin dagammofte.

Maatosa 5:11

«Ta gaason asay inttena cayikko, gooddikkonne iita yo7o wordora intte bolla haasaykko intte anjjettidayta.

Maatosa 5:16

Hessaththoka asay intte lo7o ooso be7idi salon diza intte Aawaa bonchchana mala intte poo7oy asa sinththan poo7o.

ሉቃሳ ሚሺራቾ 6:22

asay ta gishshas inttena ixxishin ba giddofe shaakkishin, borishininne inttena iita sunththara xeygishin intte anjjettidayta;

ዮሃኒሳ ሚሺራቾ 15:21

Istti tana kiittidaade erontta gishshas ta gaason intte bolla hessa wursi ooththana.

ዮሃኒሳ ሚሺራቾ 8:48

Ayhudatikka zaaridi, «Nu nena ne, ‹Samaariya asa; ne bolla daydanththi dees› gidayssi tumu deennee?» gida.

ዮሃኒሳ ሚሺራቾ 9:28

Hessafe guye izas, «Nu Muse kaallizaadentta; ne iza kaallizaade gida.

ዮሃኒሳ ሚሺራቾ 9:34

Isttika iza, «Neni nees mule asateththay nagaran munuqettiin yelettidayssi nuna tamaarsana waana xaladii?» giidi iza gooddida.

ሃዋሬታ ኦሶ 13:45

Ayhudatikka daro dere be7idi qanaateteththan kumida; Phawuloosa haasaya eqettishe iza cayida.

ሃዋሬታ ኦሶ 18:6

Gido attiin istti izara eqettidi iza cayida gishshas Phawuloosi ba may7o qoqofidi, «Ta inttefe xillo; intte pirdettanay intte mooron gidida gishshas ta intte suuththa gomen oyshettike; hessa gishshas ta Ayzaabetakko bays» gides.

ሃዋሬታ ኦሶ 28:22

Hayssa ne kaalliza ammanoza gishshas awanka asay iita haasayzayssa nu eroos; hessa gishshas ne qofay aazakko nu siyana koyoos» gi zaarida.

ሃዋሬታ ኦሶ 5:41

Hawaaretikka iza sunththa gishshas kawuyanaas bessiza gishshas daro ufayettishe dere cimata achchafe kezi bida.

2ቆሮንቶሴ ኣሳስ 12:10

Tani wolqqa demmizay daaburza wode gidida gishshas ta Kirstoosa gishshas daaburshin, cayettishin, metotishin, goodettishin, muuzottishin tana ufayssees.

2ቆሮንቶሴ ኣሳስ 4:10

Yesusa de7oy nu asateththaan qonccana mala nuni iza hayqo ubba wode tookki yuuyoos.

2ቆሮንቶሴ ኣሳስ 4:16

Hessa gishshas nu hidota qanxxoko; nuus kare bagga asateththay dhayi dhayi biikkoka nuus gaaththa bagga asateththay gallas gallas ooraxi ooraxi bees.

ጋላቲያ ኣሳስ 1:24

He asay ta gaason Xoos galatides.

Ibirawe 11:26

Gibxe deren diza haaroppe bollara Kirstoosa gishshas waaye ekoy daro aadhdhiza haaro gididayssa yuushshi qoppides; gaasoykka izi sinththafe ekkanayssa buro haahon be7ida gishshassa.

ያቆቤ ኪታ 1:12

Paacen minni eqqidaadey izi anjjettidaade; gaasoykka izi paacera eqettishin Xoossi bana dosizaytas immida hidota de7o akilile izi ekkana.

ያቆቤ ኪታ 5:11

Dandayan genccida asata nu istta, «Istti anjjettidayta» gi qoodizayssa intte ereeta. Iyoobi waani dandaydaakko intte iza gishshas siyideta. Goday iza wurseththan ay ooththidaakko intte beyideta; Goday asas keehi mishettizaadenne maarizaade.

1ጴጽሮሳ ኪታ 2:12

Oonee erizay, «Inttena istti iita ooththeettes» giidi asay zigirkkoka Xoossi nuna beyanaas yiza gallas Ayzaabeti intte oosoy lo7o gididayssa be7idi Xoos galatana mala intte isttara diza wode intte amaley lo7o gido.

1ጴጽሮሳ ኪታ 3:14

Intte lo7o ooththida gishshas waaye be7ikkoka intte anjjo ekkana; asay intte bolla iita ooththanaas mandettizayssas babboftenne daro qoppofte.

1ጴጽሮሳ ኪታ 3:16

Intte isttas immana zaaroy qasse ashketeththaninne bonchchon gido; intte Kirstoosayta gidida gishshas inttes diza lo7o amaleza gishshas iita haasayza asay ba iita haasayan yeellatana mala inttes lo7o qofay de7o.

1ጴጽሮሳ ኪታ 4:16

Izi ammanizaade gidida gishshas iza bolla gakkiza metoy diikko qasse Kirstoosa sunththan izi Xoossaa galato attiin yeellatoppo.

2ጴጽሮሳ ኪታ 2:2

Hessa gaason daro asay yeellachchiza istta ogeza kaallees; he istta oosoza gaason tumaa ogey cayettees.