1ዮሃኒሳ ኪታ 5:10 - Geeshsha Maxaafa

¹⁰ Xoossa Naan ammaniza ubbaa wozinan iza gishshas markkateththi dees; Xoos ammanonttay wurikka Xoossi ba Naaza gishshas immida markkateththaa ammanontta gishshas iza wordosees.

ጋሞ ማጻፋ

¹⁰ ጾሳ ናን ኣማኒዛ ኡባ ዎዚናን ኢዛ ጊሻስ ማርካቴ ዴስ፤ ጾስ ኣማኖንታይ ዉሪካ ጾሲ ባ ናዛ ጊሻስ ኢሚዳ ማርካቴ ኣማኖንታ ጊሻስ ኢዛ ዎርዶሴስ።

Gamo Geesha Maxxafa New Testamen

¹⁰ Xoossa naan amanizade wurisso wozinan iza gish markay dees. Xoosu amanontay wurikka Xoossi benaza gish immida markatetha amanonta gish iza wordoses.

1ዮሃኒሳ ኪታ 5:10 ပူးပေါင်းရင်းမြစ်များ

ኢዮቤ ማጻፋ 24:25

«Hayssa mala gidenna geetettiko tani wordanchchatanne ta haasayda qaalay likke gidonttayssa oonee ammanththanay?»

ዬ ማጻፋ 25:14

GODAY bana yayyizaytappe ba xuura qottenna; izi isttas ba gelida caaqo qaalakka erisees.

ሌሚሶ ማጻፋ 3:32

Gaasoykka GODAY iita ooththizayta ixxees; gido attiin suuretas izi ba wozina qofa qonccisees.

ኢሳያሳ ቲንቢቴ 53:1

Derezi, «Nuni yootidayssa oonee ammaniday? GODAA qesey oonas qonccidee?

ኤርማሳ ቲንቢቴ 15:18

Ta bolla hargey ays minnidee? Ta madunththay ays dari dari bidee? Ays paxontta ixxidee? Neni taas baleththiza shaafa malanne cimmiza pultto mala ays gidadii?

ታይቦ ማጻፋ 23:19

Xoossi asa mala wordotenna; iza qofay asa qofa mala laamettenna; izi ba immida hidota ubbaa polees; izi ba yootida ubbaa ooththees.

ዮሃኒሳ ሚሺራቾ 3:16

Xoossa Naa ammanizay wuri mernaa de7o demmanaappe attiin dhayontta mala Xoossi hayssa alameza daro siiqida gishshas ba mexi issi naaza immides.

ዮሃኒሳ ሚሺራቾ 3:18

«Iza ammanizaade bolla pirdettenna. Iza ammanonttaadey gidikko Xoossa Naa issinezan ammanontta gishshas kasekka pirdetti uttides.

ዮሃኒሳ ሚሺራቾ 3:33

Iza markkateth ekkizaadey gidikko Xoossa tumanchcha gididayssa qonccisees.

ዮሃኒሳ ሚሺራቾ 5:38

Izi kiittidaaden intte ammanontta gishshas iza qaalay intte achchan deenna.

ሃዋሬታ ኦሶ 8:37

Piliphoosikka, «Ne kumeththa wozinappe ammanikko xammaqettana dandayaasa» gides. Addezikka, «Yesus Kirstoosi Xoossa Naa gididayssa ta ammanays» gides.

ኦሮሜ ኣሳስ 8:16

Nuni Xoossa nayta gididayssa he Ayanay ba baggara nu ayanara issife nuus markkattees.

ጋላቲያ ኣሳስ 4:1

Ta gizay yelettida nay laatay izas gidikkoka izi biidi laattana gakkanaas ayllefe dumma gidenna.

ጋላቲያ ኣሳስ 4:6

Intte iza nayta gidida gishshas Xoossaa, «Aabboo» giidi xeygiza ba naaza Ayana nu wozinan yeddides.

ቆላሲያሴ ኣሳስ 3:3

Gaasoykka intte hayqqidetanne intte de7oykka Kirstoosara Xoossa achchan qotettides.

Ibirawe 3:12

Ta ishatoo! Inttefe oonikka de7o Xoossaafe haraso inttena haassiza iitanne ammanontta wozinay dontta mala naagettite.

2ጴጽሮሳ ኪታ 1:19

Hessi wurikka kase nabeti yootidayssi tumu gididayssa lo7eththi qonccisees; hessa gishshas intte dhumason diza xomppes lo7eththi naagettizayssa mala kase nabeti yootidayssa lo7eththi naagettite. Intte hessaththo ooththanay gadey wonttanaas, bazzoy zo7ana gakkanaassinne wonti maaththa xoolinttezi intte wozinan poo7ana gakkanaassa.

1ዮሃኒሳ ኪታ 1:10

Nuni nagara ooththibeekko giikko iza nu wordanchcha kessoossinne iza qaalaykka nunan deenna.

1ዮሃኒሳ ኪታ 5:1

Yesusi izi Kirstoosa gididayssa ammanizay wuri Xoossafe yelettides. Aawaa dosizay wuri naazakka izaththo dosees.

ዮሃኒሳ ኣጁታ 12:17

Dawezi maccassay bolla hanqettidi hankko attida izi zereththatara olettanaas bides; isttika Xoossa azazota naagizaytanne Yesusas ammanettidi markkattizayta.

ዮሃኒሳ ኣጁታ 2:17

«Ayanay Woosa Keeththatas gizayssa hayththi dizaadey siyo! Xoonidaades tani qotan diza mannafe iza immana; izi taas gididayssa bessanaas iza bolla ooraththa sunththi xaafettida booththa shuch izas ta immana; hessaka ekkidaadefe attiin hara asi oonikka erenna.

ዮሃኒሳ ኣጁታ 2:28

Ta izas wontta bolla keziza xoolintteza immana.