1ዮሃኒሳ ኪታ 1:8 - Geeshsha Maxaafa

⁸ Nuni nunan nagaray baa giikko nurkka nuna baleththoos; tumaykka nunan deenna.

ጋሞ ማጻፋ

⁸ ኑኒ ኑናን ናጋራይ ባ ጊኮ ኑርካ ኑና ባሌስ፤ ቱማይካ ኑናን ዴና።

Gamo Geesha Maxxafa New Testamen

⁸ Nu nunan nagaray bawaa gikko nurka nuna balethos; Tumaykka nunan deena.

1ዮሃኒሳ ኪታ 1:8 ပူးပေါင်းရင်းမြစ်များ

1ካዎታ ማጻፋ 8:46

«Nagara ooththontta asi baynda gishshas istti nagara ooththiin neni istta bolla hanqettada morkketas istta aaththa immiin morkketikka istta di7idi haako woykko mata gidiin bantta biitta ekki efiin,

2ካዎታ ማጻፋ 20:15

Nabezikka iza, «Ne kawoteththa keeththafe ay beydoo?» gi oychchides; Hizqiyaasikka izas, «Istti ta kawoteththa keeththan diza miish ubbaa be7ida; tani miish isttan woththiza keeththatappe ta bessontta ashshidasoy mulekka deenna» gides.

2ታሪኬ ማጻፋ 6:36

«Nagara ooththontta asi baynda gishshas istti nena qohida gaason neni istta bolla hanqettada haako gidiin woykko mata biitta gidiin istta di7i efiza morkketas aaththa immiko,

ኢዮቤ ማጻፋ 14:4

Tuna miishshafe geeshsha miish demmanaas dandayzaadey oonikka deenna.

ኢዮቤ ማጻፋ 15:14

«Asi geesh gidanaas dandayzee? Asho may7iday xillanaas dandayzee?

ኢዮቤ ማጻፋ 25:4

Asi Xoossa sinththan waani xillo gidi beettanawu dandayzee? Asho may7ida medheta gididi waani geesh gidanawu dandayzee?

ኢዮቤ ማጻፋ 9:2

«Ee! Tani hayssa tumu gididayssa erays; gido attiin asi Xoossa sinththan waani xillo gidanaas dandayzee?

ዬ ማጻፋ 143:2

Ne sinththan xillo gidana asi oonikka deenna; tana ne aylleza pirdas shiishshofa.

ሌሚሶ ማጻፋ 20:9

«Ta wozinaa geeshshadis; ta geeshsha; tanan nagaray baawa» gaanay oonee?

ኤራንቻታ ማጻፋ 7:20

Nagara ooththontta mulera suure oosoninne xilloteththan xalla kanththiza asi biitta bolla deenna.

ኢሳያሳ ቲንቢቴ 53:6

Nuni ubbay dorsa mala toylatti dhaydos; nuni issoy issoy nu oge bidos; GODAY nu ubbaa qoho iza bolla woththides.

ኢሳያሳ ቲንቢቴ 64:6

Nuni ubbayka tuna asa mala gididos; nu xilloteththa ooso ubbay tunida carqqa mala. Nuni ubbayka boncco mala qokkidos; nu nagaray nuna carko mala pitti efides.

ኤርማሳ ቲንቢቴ 2:35

‹Tani xillo; tumappe iza hanqoy tana gakkenna› gaasa. Neni, ‹Tani nagara ooththabeekke› giza gishshas tani ne bolla pirdana.

ሌዌታ ማጻፋ 13:12

He galba hargezi izaade bolla toho xugunththafe biidi hu7e iske gakkanaas ubbaa gakkiko,

ዮሃኒሳ ሚሺራቾ 8:44

Intte intte aawaa Xala7e nayta; intte aawaa amo polana koyeeta; izi kasekka shemppo wodhidaade. Iza achchan tumay dontta gishshas izi tuman eqqibeenna; izi ba hu7es wordanchchanne wordo aawaa gidida gishshas izi wordo haasaya baappe medhdhi ekkidi haasayees.

ኦሮሜ ኣሳስ 3:10

«Xilloy oonikka deenna; issaadeyka deenna.

ኦሮሜ ኣሳስ 3:23

Gaasoykka asi wurikka nagara ooththides; Xoossa bonchchoyka asa naas paccides.

1ቆሮንቶሴ ኣሳስ 3:18

Oonikka barkka bana baleththofo; inttefe oonikka hayssa ha alamezan bana eranchcha mala qoppiko izaadey eranchcha gidana mala bana barkka eeya mala qoodo.

ጋላቲያ ኣሳስ 6:3

Issaadey aykkoka hanontta dishe bana gitasizaa misatikko hessaadey barkka bana baleththees.

1ጺምቶሳስ 6:5

Tumay isttafe eketti gidiin Ayana ooson wodhe demmana misatiza asatanne qofa pace asata giddon gooshettidi duuxxontta oosh eheettes.

2ጺምቶሳስ 3:13

Iita gidida baleththiza asati baas balettidi asaa baleththishe iitateththaa bolla iitateth gujji gujji baana.

ያቆቤ ኪታ 1:22

Qaalay gizayssa ooththite attiin mela sis xalla siyizaadentta gididi intterkka inttena baleththofte.

ያቆቤ ኪታ 1:26

Ba doona naagontta barkka ba wozina baleththishe ta ammanays gizaadey barkka bana baleththees; iza ammanoykka hada ammano.

ያቆቤ ኪታ 3:2

Nu wurikka daro miishshan dhuphettoos. Haasayan dhuphettonttaadey diikko izi ba asateth lo7eththi naaganaas dandayza kumeththa asa.

2ጴጽሮሳ ኪታ 2:13

Qoho ooso ooththida gishshas istti mulera ba ooso waaga ekkana; istta ufayssi seeta gallas maththoteththinne wogay baynda buraqo; istti hessa mala wogay baynda gufan inttenara issife xeygettiza wode as baleththiza ba asho oosozan istti iitanne yeellachchizayta.

1ዮሃኒሳ ኪታ 1:10

Nuni nagara ooththibeekko giikko iza nu wordanchcha kessoossinne iza qaalaykka nunan deenna.

1ዮሃኒሳ ኪታ 1:6

«Nu dhuman simerettishe izara nuus issifeteththi dees» giikko wordotoos attiin tuman dookko.

1ዮሃኒሳ ኪታ 2:4

«Ta iza erays» gishe iza azazo polonttaade gidikko hessaadey wordo asa attiin tumay izaaden deenna.

1ዮሃኒሳ ኪታ 4:20

Oonikka Xoos siiqays gishe ba ishaa ixxiko hessaadey wordanchcha; ba ayfera be7iza ba ishaa siiqontta asi ba ayfen be7ontta Xoossaa siiqanaas dandayenna.

2ዮሃኒሳ ኪታ 1:2

Gaasoykka hayssi tumay ha7ikka nu giddon dizayssanne sinththafekka mernaas daanayssa.

3ዮሃኒሳ ኪታ 1:3

Neni tumaas ammanettidaade gidida mala qasseka ne hanoy wuri tumu gididayssa issi issi ammaniza asati taakko yiidi ne gishshas yootiin siyada ta daro ufayettadis.