1ቆሮንቶሴ ኣሳስ 7:23 - Geeshsha Maxaafa

²³ Intte miishshan shamettideta; hessa gishshas asa aylle gidopite.

ጋሞ ማጻፋ

²³ ኢንቴ ሚሻን ሻሜቲዴታ፤ ሄሳ ጊሻስ ኣሳ ኣይሌ ጊዶፒቴ።

Gamo Geesha Maxxafa New Testamen

²³ Inte miishan shametidista. Hessa gishshi asa aylle gidopite.

1ቆሮንቶሴ ኣሳስ 7:23 ပူးပေါင်းရင်းမြစ်များ

ሌዌታ ማጻፋ 25:42

Isra7eele asaa ta Gibxe biittafe kessida ta oosanchchata gidida gishshas istti aylle mala bayzettofetto.

Maatosa 6:24

«Issi asi nam7u godaas ooththana dandayenna. Issaa ixxidi nam7anththoza dosana; woykko issaa bonchchidi nam7anththoza leqqana; Xoossassinne miishshas nam7atas gaththi ooththanaas dandayettenna.

ሃዋሬታ ኦሶ 20:28

Xillo Ayanay inttena Xoossa dorsata heemmanaas shuumides; hessa gishshas intte hu7essinne Xoossa dorsatas naagettite; Goday ba suuththan wozzida Woosa Keeththayo naagite.

1ቆሮንቶሴ ኣሳስ 6:20

Intte miishshan shamettideta; hessa gishshas intte intte asateththan Xoos bonchchite.

ጋላቲያ ኣሳስ 2:4

Hayssi ha yo7ozi dendiday issi issi wordo ammanizayti nuni Yesus Kirstoosan demmida geeshshateththaa yuuyi yuuyi paacci beyanaassinne nuna aylleteththan zaari gelththanaas loddara nuukko salli gelida gishshassa.

Titosas 2:14

Izikka nuna iitateththaafe wozzanaassinne lo7o ooththanaas minniza ba dere baas dooranaas bana nuus aaththi immides.

1ጴጽሮሳ ኪታ 3:18

Kirstoosikka nuna Xoossaako shiishshanaas izi ba hu7es Xillokoshin hankko Xillo gidontta nu nagara gishshas nam7anththettontta mala issito waayettidi hayqqides. Izi ashon hayqqides; Ayanan gidikko paxides.

ዮሃኒሳ ኣጁታ 5:9

Ooraththa mazamure hizgi yexxida; «Neni as dumma dumma kochchafe, dumma dumma qaalan haasayzaytappe, dumma dumma qommofenne dumma dumma dereppe Xoossas wozzanaas shukettida gishshas he xaaththa maxaafaza ekkanaassinne maatametakka doyanaas bessizaade gidadasa.