1ቆሮንቶሴ ኣሳስ 6:9 - Geeshsha Maxaafa

⁹ Makkallanchchati Xoossa kawoteth gelonttayssa erekketii? Hessa mala yo7on balettofte. Laymatana qaaqqatizayti, eeqa eqqizaytinne addey addera laymatizayti,

ጋሞ ማጻፋ

⁹ ማካላንቻቲ ጾሳ ካዎቴ ጌሎንታይሳ ኤሬኬቲ? ሄሳ ማላ ዮኦን ባሌቶፍቴ። ላይማታና ቃቃቲዛይቲ፥ ኤቃ ኤቂዛይቲኔ ኣዴይ ኣዴራ ላይማቲዛይቲ፥

Gamo Geesha Maxxafa New Testamen

⁹ Makal7anchati Xoossa kawoteth gelonttayssa ereketii? Hessa mala yoon baletopite. Laymmatana qaqatizayti, eeqqa eqqizaytine addey addera laymmatizayti,

1ቆሮንቶሴ ኣሳስ 6:9 ပူးပေါင်းရင်းမြစ်များ

ሜቴ ማጻፋ 19:5

Isttika Looxe xeygidi, «Hach omars neso yida asati awan dizoo? Nuni isttara aqana mala istta nuukko kare kessa» gida.

ኬሳ ማጻፋ 23:1

«Wordo yo7o laallofa; wordo markkattada iita as maaddofa.

ሌሚሶ ማጻፋ 11:1

GODAY wordo geeddara ixxees; gido attiin suure geeddaran ufayettees.

ሌሚሶ ማጻፋ 22:8

Iitateth zeriza asi waaye cakkees; iza hanqo guufey dhayana.

ሌሚሶ ማጻፋ 7:27

Izi soy duufon efiza oge; he ogey duge hayqoso gaththees.

ኢሳያሳ ቲንቢቴ 55:7

Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ሂዚቄላ ቲንቢቴ 18:11

iza aaway heytappe issaaka ooththontta aggiko, naazi zumbullata bolla yarshos shiiqidayssa miikko, ba laggeza machcheyra laymatikko,

ሌዌታ ማጻፋ 18:20

«Hara asa machchira zin7ada nerkka nena tunisoppa.

ሌዌታ ማጻፋ 18:22

«GODAA sinththan ixettida miish gidida gishshas maccassara zin7iza mala addera zin7ofa.

ሌዌታ ማጻፋ 19:15

« ‹Neni pirda pirdiza wode pirda geellasoppa; manqo iza manqoteththa gishshas maadda pirdofa; gita asatas dumma bonchcho immofa; dere asaakka dumma maadda pirdofa; asa ubbaas tumu pirda pirda.

ሌዌታ ማጻፋ 20:13

« ‹Issi asi maccara zin7iza mala addey addera zin7iko nam7ayka yeellachchiza miish ooththida gishshas hayqon qaxxayettetto; istti hayqon qaxxayettizay ba moorida mooronna.

ዛካራሳ ቲንቢቴ 5:3

Izikka taas, «Ha xaaththa maxaafa giddon biitta ubbaa bolla yaana qanggeththi xaafeti uttides; he maxaafan issi baggara, ‹Kayso ubbay biitta bollafe dhayana› geetetti xaafettides; qasseka hankko baggara, ‹Wordo caaqqiza ubbay dhayana› geetetti xaafettides.

Maatosa 19:29

Ta sunththaa gishshas giidi ba keeththe, ba ishata, ba michcheta, ba aawa, ba aayonne ba nayta, woykko ba biitta aggiza asi wuri xeetu kushe dakko ekkana; mernaa de7okka laattana.

Maatosa 25:34

He wode kawoy ushachcha baggara dizayta, ‹Inttenoo! Ta Aaway inttena anjjidayti haa yiite! Alamey medhettoosoppe inttes giigettida kawoteththaa laattite! gaana.

ሉቃሳ ሚሺራቾ 21:8

Izikka isttas, «Intte balettontta mala naagettite; daroti bana, ‹Ta Kirstoosakko! Wodeykka matides› gishe ta sunththara yaana shin intte istta kaallofte.

ሃዋሬታ ኦሶ 20:32

«Ha7ikka inttena Xoossas minththi essanaassinne ammanizayta giddon inttes laataso immanaas dandayza iza aadho kiyateththa qaalaas ta hadara immadis.

ሃዋሬታ ኦሶ 24:25

Phawuloosi xilloteththa gishshas, asi barkka bana haaro gishshassinne buroppe yaana pirdaa gishshas yootiin Filkisey babbidi, «Ha7i ne ba; hara wode taas giigshin ta nena xeyga ekkana» gides.

ኦሮሜ ኣሳስ 1:18

Tumaa ba iitateththaninne makkallan tucci oykkizayta iitateththaa bollanne istta makkallateththaa ubbaa bolla Xoossa hanqoy saloppe qonccana.

1ቆሮንቶሴ ኣሳስ 15:33

Intte balettofte! Iita laggeteththi lo7o amalera dizayta moorees.

1ቆሮንቶሴ ኣሳስ 15:50

Ta ishatoo! Ta hayssa inttes yootays ashoynne suuththi Xoossa kawoteth laattettenna; dhayanayssi dhayonttayssa laattenna.

1ቆሮንቶሴ ኣሳስ 3:16

Intte intte hu7es Xoossa Keeththe gididayssanne Xoossa Ayanay intte giddon dizayssa erekketii?

1ቆሮንቶሴ ኣሳስ 5:1

Intte garsan yeellachchiza laymay dizayssi woretees; hessa mala tunateththi ammanontta dereta achchanka deenna; ba aawa machcho ekkida asi inttekon dees.

1ቆሮንቶሴ ኣሳስ 5:10

Intte ammanoos gishe laymatiza asaara gidontta woykko coo gaphigaphizaytara, kaysotizaytara, eeqas goynnizaytara gaaggofte guus gidontta dishin ha7i ta xaafiday ammanays gishe laymatizaytara woykko maththottizaytara, gaphigaphizaytara, eeqas goynnizaytara, asa sunth moorizaytara woykko cayizaytara, asa miish bonqqizaadenttara inttes issifeteththi dooppo; heytantta malara haray attoshin kaththika issife moopite.

1ቆሮንቶሴ ኣሳስ 6:10

woykko kaysoti, gaphigaphizayti, maththottizayti, as cayizaytinne bonqqizayti Xoossa kawoteth laattettenna.

1ቆሮንቶሴ ኣሳስ 6:18

Laymappe haakkite; asi ooththiza hara nagaray wuri izaade ashoppe karera hanees; layma laymatizaadey gidikko barkka ba asateththaa bolla nagara ooththees.

1ቆሮንቶሴ ኣሳስ 6:19

Intte asateththay intte gaaththan diza Xillo Ayanas duussaso gididayssa intte erekketii? He Ayanaykka intte Xoossafe ekkidayssa; intteka inttes gidekketa.

1ቆሮንቶሴ ኣሳስ 9:24

Gaadde woth woxxizayti daro shin xoonidi woyto demmizay issaade xalala gididayssa intte erekketii? Hessa gishshas woyto ekkanaas woxxizaade mala intteka woxxite.

2ቆሮንቶሴ ኣሳስ 12:21

Tani qasseka hee intteko bishin oonee erizay ta Goday tana intte sinththan kawushshandee gaada hirgays. Hayssafe kase nagara ooththidi he ooththida tunateththaan, laymaninne coo mela yeda duussas maaroteththan gelontta asata gaason ta muuzoteththan wodhdhandina gaada hirgays.

ጋላቲያ ኣሳስ 6:7

Balettofte; Xoossi qilcca erenna; asi ba zeridaaro izo zaari maxana.

ዛሬ ማጻፋ 22:22

Issi asi hara asa machchira zin7i beettiko nam7ayka hayqqetto; hessaththo histtidi intte giddofe iita miish diggite.

ዛሬ ማጻፋ 22:5

GODAA intte Xoossay hessaththo ooththizayta ixxiza gishshas maccati attumasata may7o, attumasati maccassata may7o may7ofetto.

ዛሬ ማጻፋ 23:17

Isra7eele asaappe ooninne attuma gidiin woykko macca gidiin eeqa xoossatas goynnizayti ooththizayssa mala laymatopite.

ቆላሲያሴ ኣሳስ 3:5

Hessa gishshas inttes biitta bolla diza amoteth diggite; heytikka layma, tunateth, asho amo, iita amoteththinne eeqas goyno mala gidida gaphigapho.

Ibirawe 12:14

Asi ubbara saro daana mala inttes dandayettizayssa ubbaa ooththite; geeyana mala koyite; geeshshateththi baynda Godaa beyanaas dandayettenna.

Ibirawe 12:16

Issito maana kaththas ba bayrateth bayzida Eesawe mala inttefe oonikka laymatizaade woykko Xoos bonchchonttaade gidi beettontta mala naagettite.

Ibirawe 13:4

Ekoy geloy ubba asaa achchan bonchchetto; intte hiiththi geesh gido; gaasoykka layma amoy dizayta bollanne laymatizayta bolla Xoossi pirdana.

ያቆቤ ኪታ 1:16

Ta siiqo ishatoo! Intte balettofte.

1ዮሃኒሳ ኪታ 3:7

Ta naytoo! Inttena oonikka baleththontta mala naagettite; izi xillo gidida mala xillo ooththizaadeyka xillo.

ዮሃኒሳ ኣጁታ 21:8

Gido attiin hankko baboti, isttas ammanettonttayti, tunati, asa shemppo wodhizayti, laymatizayti, bitizayti, eeqas goynnizayti, wordotizayti, heyta ubbata qaaday diinen eexxiza tama abbaa giddon gidana; hessika nam7anththo hayqo» gides.

ዮሃኒሳ ኣጁታ 22:15

Kana mala coo hoththu hoththizayti, bita bitizayti, laymatizayti, shemppo wodhizayti, eeqas goynnizayti, wordo siiqizaytinne wordo ooththizayti wurikka he katamayppe karen attana.

ዳናታ ማጻፋ 19:22

Istti ufayettishin katamaappe worballa asati yiidi keeththaa yuushon yuuyi aadhdhidi, «Kare doya» giidi penge qoxeth doommida; istti he keeththaa godaa, «Ha7i neso gelida addeza haa kessa; nuni izara zin7anaas koyoos!» gida.