1ቆሮንቶሴ ኣሳስ 5:10 - Geeshsha Maxaafa

^10-11 Intte ammanoos gishe laymatiza asaara gidontta woykko coo gaphigaphizaytara, kaysotizaytara, eeqas goynnizaytara gaaggofte guus gidontta dishin ha7i ta xaafiday ammanays gishe laymatizaytara woykko maththottizaytara, gaphigaphizaytara, eeqas goynnizaytara, asa sunth moorizaytara woykko cayizaytara, asa miish bonqqizaadenttara inttes issifeteththi dooppo; heytantta malara haray attoshin kaththika issife moopite.

ጋሞ ማጻፋ

^10-11 ኢንቴ ኣማኖስ ጊሼ ላይማቲዛ ኣሳራ ጊዶንታ ዎይኮ ጮ ጋጲጋጲዛይታራ፥ ካይሶቲዛይታራ፥ ኤቃስ ጎይኒዛይታራ ጋጎፍቴ ጉስ ጊዶንታ ዲሺን ሃኢ ታ ጻፊዳይ ኣማናይስ ጊሼ ላይማቲዛይታራ ዎይኮ ማቲዛይታራ፥ ጋጲጋጲዛይታራ፥ ኤቃስ ጎይኒዛይታራ፥ ኣሳ ሱን ሞሪዛይታራ ዎይኮ ጫዪዛይታራ፥ ኣሳ ሚሽ ቦንቂዛዴንታራ ኢንቴስ ኢሲፌቴ ዶፖ፤ ሄይታንታ ማላራ ሃራይ ኣቶሺን ካካ ኢሲፌ ሞፒቴ።

Gamo Geesha Maxxafa New Testamen

^10-11 Inte mela ammanontta laymmatiza asara gidontta woykko coo gaphigaphizaytara, kayssotizaytara, eeqas goynizaytara gaagopite guusu gidontta dishin ha7i ta xaafiday ammanayss gishshe laymmatizaytassara woykko mathotizaytara, gaphigaphizaytara, eeqas goynizaytara, asa sunthu moorizaytara woykko cayzaytara, asa miishe bonqizadentara intes issifeteth doopo” ga xaafadis. Heytantta malara haray atto shin kathika issife moppite.

1ቆሮንቶሴ ኣሳስ 5:10 ပူးပေါင်းရင်းမြစ်များ

ሉቃሳ ሚሺራቾ 18:11

Farsaawezikka eqqidi ba gishshas, ‹Xoossoo! Tani hara asa mala bonqqizaade, makkallizaade, laymatizaade harappeka hayssa qaraxa shiishshizaade mala gidontta aggida gishshas ta nena galatays.

ዮሃኒሳ ሚሺራቾ 15:19

Intte ammanontta alame asaa gidikko alame asay ba bagga gididaade dosees. Gido attiin intte alame bagga gidontta gishshas ta inttena alameppe shaakkada doorida gishshas derey inttena ixxees.

ዮሃኒሳ ሚሺራቾ 17:6

«Hayssa alame asaappe ne taas doorada immida asatas ne oonakko ta isttas nena qonccisadis; istti kasekka neyta shin ne taas immadasa; isttika ne qaalaa naagida.

ዮሃኒሳ ሚሺራቾ 17:9

«Ta isttas woossays; heyti ne taas immidayti istti neyta gidida gishshas ta isttas woossays; gido attiin hankko alame asaas woossike.

ዮሃኒሳ ሚሺራቾ 8:23

Izi qasse istta, «Intte garsa asa; tani bolla asa; intte hayssa alame asa; tani ha alameppe gidikke.

1ቆሮንቶሴ ኣሳስ 1:20

Cinccay awan dizee? Tamaarda eray awan dizee? Hayssa wodeza pilggi erizay awan dizee? Xoossi ha alameza erateth eeyateth ooththibeennee?

1ቆሮንቶሴ ኣሳስ 10:27

Ammanontta asi inttena baso xeygidi shiishshida kath wursi aykkoka sidhontta miite.

1ቆሮንቶሴ ኣሳስ 5:9

Inttes laymatiza asatara issifeteththi dontta mala ta inttes kase dabdaabe xaafadiskoshin.

2ቆሮንቶሴ ኣሳስ 4:4

Xoossa leemiso gidida Kirstoosa bonchcho Mishiraachcho qaalaa poo7oza ha alame asay be7ontta mala hayssa ha alameza xoossi ammanontta asaa wozina muumisides.

ኤፌሶኔ ኣሳስ 2:2

hessa intte hayssa alameza iita oge kaallideta; bolla carko bolla diidi haariza wolqqama ayanatas ha7ikka Xoossas azazettontta asaa bolla ooththiza iita ayanas intte azazettishe gam7ideta.

ፒሊጲሲዮሴ ኣሳስ 2:15

Hessika intte iitanne geella asa giddon geeshshatanne wosoy baynda Xoossa nayta gididi alame bolla arshe mala dere ubbaas poo7anaassa.

1ዮሃኒሳ ኪታ 4:5

Istti alame baggako; hessa gishshas istti haasayzay wuri alameppe kezizayssa; alame asay istti gizayssa siyees.

1ዮሃኒሳ ኪታ 4:7

Ta ishatoo! Siiqoy Xoossafe gidida gishshas nuni ane siiqettoos; as siiqiza asi wuri Xoossafe yelettidaadenne Xoos erizaade.

1ዮሃኒሳ ኪታ 5:19

Nuni Xoossafe gididayssanne alamey kumeth iita asa kushen dizayssa nu eroos.

ዮሃኒሳ ኣጁታ 12:9

He gita dawezi duge yegettides; izikka kumeththa alameza baleththiza daabulosa woykko Xala7e geetetti xeygettiza beni wode shooshshaza; izi duge biitta bolla yegettides; iza kiitanchchatikka izara issife yegettida.