1ቆሮንቶሴ ኣሳስ 5:1 - Geeshsha Maxaafa

¹ Intte garsan yeellachchiza laymay dizayssi woretees; hessa mala tunateththi ammanontta dereta achchanka deenna; ba aawa machcho ekkida asi inttekon dees.

ጋሞ ማጻፋ

¹ ኢንቴ ጋርሳን ዬላቺዛ ላይማይ ዲዛይሲ ዎሬቴስ፤ ሄሳ ማላ ቱናቴ ኣማኖንታ ዴሬታ ኣቻንካ ዴና፤ ባ ኣዋ ማቾ ኤኪዳ ኣሲ ኢንቴኮን ዴስ።

Gamo Geesha Maxxafa New Testamen

¹ Inte garisan yeelachiza laymmay dizaysi woretees. Hessa mala tunatethi ammanontta dereta achanka deena. Be Aawa machcho ekkida asi intekon dees.

1ቆሮንቶሴ ኣሳስ 5:1 ပူးပေါင်းရင်းမြစ်များ

ሜቴ ማጻፋ 35:22

Isra7eeley he biittan dishin Oroobeeley biidi ba aawaas yelida aylle Bilihara zin7ides; Isra7eeleykka ha yo7oza siyides. Yaaqoobe attuma nayti tammanne nam7a.Isttika,

ሜቴ ማጻፋ 37:2

Yaaqoobe nayti hanidayssi hayssafe kaallidi xaafettidayssa. Yooseefey 17 layththa naa gidida wode ba aawaa aylletappe, Bilihappenne Zilfife yelettida ba ishatara ba aawa meheta heemmees; he wode izi ba aawaas istti ooththida iita miish ehi yootees.

ሜቴ ማጻፋ 49:4

Neni bixalay baynda para mala; ne dosidaa hanaasa; neni ne aawa hiith kezadasa; ne aawa hiiththaaka tunisadasa. Hessa gishshas halaqateththi nees bessenna.

2ሳሜላ ማጻፋ 16:22

Hessa gishshas Abeseloomes pooqe bolla dunkaane tolida; heen kumeththa Isra7eele derey be7ishin ba aawaa laggeththotara zin7ides.

2ሳሜላ ማጻፋ 20:3

Dawiti Yerusalaamen diza ba kawoteththa keeth simmida wode ba kawoteththa keeththaa naagana mala kase izi woththi bida tammu laggeththo maccassata ekkides; istti issi keeththan naagetti daana mala naage woththides; isttas koshshiza qallabakka immides. Gido attiin isttara aqibeenna; istti hayqqanaashe gakkanaas am7i mala banttarkka dumma de7ida.

1ታሪኬ ማጻፋ 5:1

Yaaqoobes koyro bayra naa Oroobeele zereththati hayssafe kaalli dizayta; Oroobeeley ba aawa hiixa tunisida gishshas iza bayrateththa maatay Yooseefe zereththatas imettides; hessafe dendoyssan iza zereththati bayrateththa maaran xaafettibeettenna.

ኤርማሳ ቲንቢቴ 2:33

Ziitan as oykkanaas ne ay mala eranchchaa? Huskku huskkiza iita maccassatikka ne hanoteththaafe daro iita miish tamaareettes.

ሂዚቄላ ቲንቢቴ 16:47

Neni istta oge buussinne istta iita oge kaalo xalla gidontta guuththa woden isttafe bollara iita ooththizaaro gidadasa.

ሂዚቄላ ቲንቢቴ 22:10

Ba aawa machcheyra zin7izayti ne giddon deettes; maccassa wogay yiza wode woga mala geeyontta diza aginatan maccassata wolqqan oykkizayti ne giddon deettes.

ሌዌታ ማጻፋ 18:8

«Ne aawaas hara machchetarakka laymatada ne aawa yeellachchofa.

ሌዌታ ማጻፋ 20:11

Issi asi ba aawa machchira laymatikko ba aawa kawushshida gishshas he laymatidayti nam7ayka hayqon qaxxayettetto; istti hayqon qaxxayettizay ba moorida mooronna.

ኣሞጼ ቲንቢቴ 2:7

Istti manqota gudulla bolla genderisidi istta hu7e yedhetteettes; qohettidaytas geella pirdeettes; aawaynne nay issi maccassayra laymateettes; istti hessaththo ooththi ooththidi ta sunth tuniseettes.

ሃዋሬታ ኦሶ 15:20

Gido attiin eeqas yarshettidi tunida kath moopite; laymappe haakkite; bawuti hayqqida mehe asho moopite; suuth uyopite giidi nu isttas xaafana bessees.

ሃዋሬታ ኦሶ 15:29

Hessika eeqas shukettida ashoppe, suuththafe, bawuti hayqqida mehe ashoppenne laymappe intte haakkana malassa; intte hayta misatizaytappe haakkiko inttes lo7o; saron diite» gees.

1ቆሮንቶሴ ኣሳስ 1:11

Ta ishatoo! Intte garsan palamay dizayssa ta Qaalo7e soo asaappe siyadis.

1ቆሮንቶሴ ኣሳስ 6:13

Qasse Kaththi ulossa; uloykka kaththassa; gido attiin Xoossi nam7aakka dhayssana; asateththi Godaassafe attiin laymas gidenna; Godaykka asateththassa.

1ቆሮንቶሴ ኣሳስ 6:18

Laymappe haakkite; asi ooththiza hara nagaray wuri izaade ashoppe karera hanees; layma laymatizaadey gidikko barkka ba asateththaa bolla nagara ooththees.

1ቆሮንቶሴ ኣሳስ 6:9

Makkallanchchati Xoossa kawoteth gelonttayssa erekketii? Hessa mala yo7on balettofte. Laymatana qaaqqatizayti, eeqa eqqizaytinne addey addera laymatizayti,

2ቆሮንቶሴ ኣሳስ 12:21

Tani qasseka hee intteko bishin oonee erizay ta Goday tana intte sinththan kawushshandee gaada hirgays. Hayssafe kase nagara ooththidi he ooththida tunateththaan, laymaninne coo mela yeda duussas maaroteththan gelontta asata gaason ta muuzoteththan wodhdhandina gaada hirgays.

2ቆሮንቶሴ ኣሳስ 2:5

Oonikka ase qohidaa gidikko gujechcho gidontta mala qohidaadey tana xalla gidontta guuththara gidikkoka inttenakka ubbaa qohides.

2ቆሮንቶሴ ኣሳስ 7:12

Hessa gishshas ta inttes xaafidayssi intte nuus ay mala ammanettizaytakko intte inttena Xoossa sinththan beyana malappe attiin qohidaade gishshassinne qohettidaade gishshas gaada gidenna.

ጋላቲያ ኣሳስ 5:19

Asho oosoy qonccen erettees; hessika laymateth, tunateth, layma kaas,

ኤፌሶኔ ኣሳስ 5:3

Laymay woykko tunateththi woykko uuzeteththi mulekka intte giddon beetoy attiin zigirsika siyettofo; hessa malay geeshsha Xoossa asas bessenna.

ዛሬ ማጻፋ 22:30

Oonikka ba aawa machcho ekkidi woykko izira zin7idi ba aawa yeellasoppo.

ዛሬ ማጻፋ 27:20

«Ba aawa machchira zin7idi ba aawa bonchcho kawushshiza ubbay qanggettidaade gido!» Derezi wurikka, «Amiin!» go.

ቆላሲያሴ ኣሳስ 3:5

Hessa gishshas inttes biitta bolla diza amoteth diggite; heytikka layma, tunateth, asho amo, iita amoteththinne eeqas goyno mala gidida gaphigapho.

1ታሶሎንቄ ኣሳስ 4:7

Xoossi nuna geeshshateththas xeygides attiin tunateththas xeygibeenna.

ዮሃኒሳ ኣጁታ 2:21

Iza maaroteththan gelana mala ta izis wode immadisishin iza gidikko ba laymateththaafe simmanaas koyabeekku.

ዮሃኒሳ ኣጁታ 21:8

Gido attiin hankko baboti, isttas ammanettonttayti, tunati, asa shemppo wodhizayti, laymatizayti, bitizayti, eeqas goynnizayti, wordotizayti, heyta ubbata qaaday diinen eexxiza tama abbaa giddon gidana; hessika nam7anththo hayqo» gides.

1ሳሜላ ማጻፋ 2:24

Ta naytoo likke gidekketa; GODAA deraa giddon intte gishshas laalettida worey lo7o gidenna.