1ቆሮንቶሴ ኣሳስ 3:16 - Geeshsha Maxaafa

¹⁶ Intte intte hu7es Xoossa Keeththe gididayssanne Xoossa Ayanay intte giddon dizayssa erekketii?

ጋሞ ማጻፋ

¹⁶ ኢንቴ ኢንቴ ሁኤስ ጾሳ ኬ ጊዲዳይሳኔ ጾሳ ኣያናይ ኢንቴ ጊዶን ዲዛይሳ ኤሬኬቲ?

Gamo Geesha Maxxafa New Testamen

¹⁶ Inte inte hu7es Xoossa woossa keethe gididayssane Xoossa ayanay inte giddon dizayssa ereketii?

1ቆሮንቶሴ ኣሳስ 3:16 ပူးပေါင်းရင်းမြစ်များ

ሂዚቄላ ቲንቢቴ 36:27

Tani ta Ayana intte giddon ayssana; intte ta maaraa kaallana malanne ta wogaa minththi naagana mala ooththana.

ዮሃኒሳ ሚሺራቾ 14:17

Hayssi minththeththiza Ayanay dere asay iza beyi erontta gishshas alamey ekkanaas dandayontta Tumu Ayana; gido attiin intte iza ereeta; gaasoykka izi inttenara diza gishshassinne izi intte gaaththan diza gishshassa.

ኦሮሜ ኣሳስ 6:16

Intte inttena aylle mala shiishshiza wode intte azazettizaades aylle gididayssa ereeta; hessaththoka gede hayqokko efiza nagaras woykko xilloteththako gaththiza azazeteththas intte aylle gididayssa erekketii?

ኦሮሜ ኣሳስ 6:3

Nuni Yesus Kirstoosara issino gidana mala xammaqettidayti iza hayqon nu issife gidanaas xammaqettidayssa hayssa intte erekketii?

ኦሮሜ ኣሳስ 8:11

Yesusa hayqoppe denththida iza Ayanay intte bolla dizaa gidikko Kirstoosa hayqoppe denththidayssi intte giddon diza iza ayanay hayqqanaas diza intte asateththas de7o immana.

ኦሮሜ ኣሳስ 8:9

Intte qasse Xoossa Ayanay inttenan dizaa gidikko ashon gidontta Ayanan deeta; Kirstoosa Ayanay iza bolla bayndaadey Kirstoosas gidenna.

1ቆሮንቶሴ ኣሳስ 3:17

Oonikka Xoossa Keeththe laalliko Xoossi izaade laallana; Xoossa Keeththi geeshsha; hessika inttenakko!

1ቆሮንቶሴ ኣሳስ 3:9

Gaasoykka nu Xoossara issife ooththizayta; intteka Xoossa goshsha gadenne Xoossa Keeththata.

1ቆሮንቶሴ ኣሳስ 5:6

Intte ceeqettizayssi lo7os gidenna; guuththa irshoy daro bukeeso denththeththizaa erekketii?

1ቆሮንቶሴ ኣሳስ 6:16

Woykko laymatizaarira aqizaadey izira issi asho gidizayssa intte erekketii? «Nam7ay issi asho gideettes» geetettides.

1ቆሮንቶሴ ኣሳስ 6:19

Intte asateththay intte gaaththan diza Xillo Ayanas duussaso gididayssa intte erekketii? He Ayanaykka intte Xoossafe ekkidayssa; intteka inttes gidekketa.

1ቆሮንቶሴ ኣሳስ 6:9

Makkallanchchati Xoossa kawoteth gelonttayssa erekketii? Hessa mala yo7on balettofte. Laymatana qaaqqatizayti, eeqa eqqizaytinne addey addera laymatizayti,

1ቆሮንቶሴ ኣሳስ 9:13

Xoossa Keeththan ooththizayti ba maanayssa Xoossa keeththafe ekkizayssa mala yarshoson ooththizaytikka he ba yarshizayssafe mizayssa intte erekketii?

1ቆሮንቶሴ ኣሳስ 9:24

Gaadde woth woxxizayti daro shin xoonidi woyto demmizay issaade xalala gididayssa intte erekketii? Hessa gishshas woyto ekkanaas woxxizaade mala intteka woxxite.

2ቆሮንቶሴ ኣሳስ 6:16

Xoossa Woosa Keeththas eeqatara aaza gaagoy dizee? Xoossika, «Tani ta duussaso ta dereza giddon ooththana; tanikka isttara daana; isttaskka Godaa gidana; isttika ta dereta gidana» giidi kase yootida mala nuni issoy issoy de7o Xoossa Keeththata.

1ጺምቶሳስ 3:15

Ta hanno nees xaafizay ta gam7izaa gidikkoka asay Xoossa Keeththan waani daanaakko ne erana mala gaadakko! Keeththay de7o Xoossaa Woosa Keeththa; hessika tumu tuussinne xapho.

2ጺምቶሳስ 1:14

Nees imettida lo7o hadaraa nunan diza Xillo Ayanan naaga.

Ibirawe 3:6

Kirstoosi gidikko Xoossa Keeththaa bolla ammanettida naa mala. Nunikka iza bolla ammanettiza ufayssaynne ceeqettiza hidotaa lo7eththi oykkiko nu izas duussa keeththa.

ያቆቤ ኪታ 4:4

Intteno laymatizaytoo! Alamera siiqeteththi Xoossara morkketeth gididayssa erekketii? Hessa gishshas hayssa alamezara siiqeteth koyzay wurikka Xoossas morkke.

1ጴጽሮሳ ኪታ 2:5

Intte Godaa Yesusaakko shiiqanaykka de7o shuchchaa mala Xillo Ayana duussaso gidana mala oosetteeta; hessaththoka intte Yesus Kirstoosa baggara ufayssiza Ayana yarsho Xoossas shiishshanaas geeshsha qeeseta gidandeta.

1ዮሃኒሳ ኪታ 4:12

Xoos be7ida asi oonikka baa; nuni nu giddon siiqettizaa gidikko Xoossi nunan daana; iza siiqoykka nunan polettana.