1ቆሮንቶሴ ኣሳስ 2:10 - Geeshsha Maxaafa

¹⁰ Xoossi gidikko hessa ba Ayana baggara nuus qonccisides; Ayanaykka Xoossas diza ciimma yo7o ashshontta ubbaa pilggi xeellees.

ጋሞ ማጻፋ

¹⁰ ጾሲ ጊዲኮ ሄሳ ባ ኣያና ባጋራ ኑስ ቆንጪሲዴስ፤ ኣያናይካ ጾሳስ ዲዛ ጪማ ዮኦ ኣሾንታ ኡባ ፒልጊ ጼሌስ።

Gamo Geesha Maxxafa New Testamen

¹⁰ Xoossi gidiko hessa ba ayana baggara nuusu qonccisides. Ayanayka Xoossas ciima yoo ashontta wursi piligi xeeles.

1ቆሮንቶሴ ኣሳስ 2:10 ပူးပေါင်းရင်းမြစ်များ

ኢዮቤ ማጻፋ 12:22

Dhumason qotettida xuura qonccisana; sakkanna dhuma poo7on laammana.

ኢሳያሳ ቲንቢቴ 48:16

«Taakko haa shiiqidi hayssa siyite; tani koyroppe doommadakka geeman haasayabeekke; izi polettishin ta heen days» gees. Ha7ikka Ubbaa Haariza GODAYNNE iza Ayanay tana kiittida.

ኢሳያሳ ቲንቢቴ 59:21

Qasseka GODAY, «Ta baggara taassinne isttas diza caaqo qaalay hayssa; intte bolla diza ta Ayanaynne tani intte doonan woththida ta qaalay hachchife doommidi mernaa gakkanaas, intte doonappe, intte nayta doonappenne intte zereththa doonappe shaakettenna» gees.

ዳኔላ ቲንቢቴ 2:22

Izi ciimma gidida xuura yo7otanne geemmidayta qonccisees; ubba wode iza matan poo7oy dees; hessa gishshas izi dhuman dizaaz erees.

ኣሞጼ ቲንቢቴ 3:7

GODAY ba xuura ba oosanchcha nabetas koyrotti yootontta dishe aykkoka ooththenna.

Maatosa 13:11

Izikka isttas, «Salo Kawoteththa xuura eroy inttes imettides; isttas gidikko imettibeenna.

Maatosa 16:17

Yesusi, «Yoona naa Simoonaa! Neni anjjettidaade! Nees hayssa qonccisiday salon diza ta Aawappe attiin ashonne suuth gidenna.

ሉቃሳ ሚሺራቾ 10:21

He wode Yesusi Xillo Ayanan ufayettidi, «Salossinne sa7as Godaa gidida Aabboo! Hayssa wursaka aadho eranchchatappenne eranchchatappe qottada qeeri guuththa naytas ne qonccisida gishshas tani nena galatays; ee, ta Aawawu! Hayssi ne lo7o sheney hanides.

ሉቃሳ ሚሺራቾ 2:26

Qasseka Kirstoosa be7ontta dishe hayqqontta mala Xillo Ayanay izas qonccides.

ዮሃኒሳ ሚሺራቾ 14:26

Aaway ta sunththan yeddana minththeththiza Xillo Ayanay qasse haniza ubbaa inttena tamaarsana; ta inttes yootoyssaka ubbaa intte wozinan woththana mala maaddana.

ዮሃኒሳ ሚሺራቾ 16:13

Tuma Ayanay yiidi inttena tumay dizaso kaaleththana; gaasoykka izi siyidayssa yootana attiin baappe gidontta gishshas izi sinththafe hanana yo7ota inttes yootana.

1ቆሮንቶሴ ኣሳስ 14:30

Uttida asaa garsafe issaadey issi miishshi qoncciko koyro haasayzayssi co7u go.

1ቆሮንቶሴ ኣሳስ 2:11

Asa garsan izaades diza ayanappe attiin izaade wozina erizay oonee? Hessaththoka Xoossa Ayanappe attiin Xoossa qofaa erizay oonikka deenna.

ጋላቲያ ኣሳስ 1:12

Hayssa ha Mishiraachcho qaalaza Yesus Kirstoosi taas qonccisides attiin ta oonappeka ekkabeekke; woykko oonikka tana tamaarsibeenna.

ኤፌሶኔ ኣሳስ 3:3

Hayssafe kase ta inttes qaanththara xaafida mala taas qoncciin ta eranaas dandayda xuuray hayssa.

ኤፌሶኔ ኣሳስ 3:5

He xuuraykka ha7i ammaniza Hawaaretassinne nabetas qonccida mala kase beni aadhdhida wode diza asataskka qonccibeenna.

1ጺምቶሳስ 4:1

Wode wurseththa bolla issi issi asay ammano aggidi baleththiza ayanatanne iita ayana timirte kaallanayssa Xillo Ayanay qonccera yootees.

1ጴጽሮሳ ኪታ 1:12

He kase nabeti inttes ooththida attiin istti baas ooththonttayssi isttas qonccen erettides. Istti inttes ooththiday bolla saloppe kiitettida Xillo Ayana baggara ha7i inttes Mishiraachcho qaala yootida asati inttes yootidayssa qonccisanaassa; hessa he qaalaa kiitanchchatikka beyanaas amottida.

1ዮሃኒሳ ኪታ 2:20

Inttena qasse Kirstoosi Xillo Ayanan tiydes; hessa gishshas intte wurikka tumaa ereeta.

1ዮሃኒሳ ኪታ 2:27

Intte qasse izappe ekkida Xillo Ayanay inttenan diza gishshas haray oonikka inttena tamaarsanaas bessenna; izi inttena tamaarsanayssi tuma attiin wordo gidenna; hessa gishshas Xillo Ayanay inttena tamaarsida mala Kirstoosan de7ite.

ዮሃኒሳ ኣጁታ 1:1

Hayssi ajjuutazi mata wode biitta bolla hananayssa baas ooththizayta bessana mala Xoossi Yesus Kirstoosas immidayssa. Yesus Kirstoosikka ba kiitanchcha kiittidi ba oosanchchaza Yohannisas hayssa ajjuutaza qonccisides.

ዮሃኒሳ ኣጁታ 2:24

«Tiyaxiroonen dizaytas inttessinne hayssa iita timirteza tamaaronttaytas ubbaas hessaththoka issi issi, ‹Xala7es hayssi ciimma xuura› geetettizayssa kaallonttayta inttena tani hara tooho toossike.