1ቆሮንቶሴ ኣሳስ 15:51 - Geeshsha Maxaafa

⁵¹ Ane ta inttes issi xuura yo7o yootays; nuni wurikka hayqqoko; gido attiin nu wurikka laamettana.

ጋሞ ማጻፋ

⁵¹ ኣኔ ታ ኢንቴስ ኢሲ ጹራ ዮኦ ዮታይስ፤ ኑኒ ዉሪካ ሃይቆኮ፤ ጊዶ ኣቲን ኑ ዉሪካ ላሜታና።

Gamo Geesha Maxxafa New Testamen

⁵¹ Ane ta intes issi xuura yo yootayss. Nuni wurikka hayqqokko. Gido attin nu wurikka laamistana.

1ቆሮንቶሴ ኣሳስ 15:51 ပူးပေါင်းရင်းမြစ်များ

1ቆሮንቶሴ ኣሳስ 13:2

Tinbite haasayza imotay taas diikkoka, woykko xuura yo7otanne erateth wursa ta erikkoka, zumay izi dizasoppe dhoqallada haraso diggiza ammanoy taas diikkoka hessa wursaka siiqoy baynda ta ooththiko hessi hada.

1ቆሮንቶሴ ኣሳስ 15:18

Hanoy hessa mala gidikko Kirstoosa ammanidi hayqqidayti wurikka dhayda guussa.

1ቆሮንቶሴ ኣሳስ 15:20

Gido attiin Kirstoosi hayqqidaytas ubbaas bayra gididi hayqoppe tumu dendides.

1ቆሮንቶሴ ኣሳስ 15:6

Hessafe guye ichchashu xeetuppe bollara diza ammanizaytas issito beettides; iza be7ida asaappe dariza baggay paxa dees; baggay qasse hayqqides.

1ቆሮንቶሴ ኣሳስ 2:7

Gido attiin nu haasayzay kase qotetti diza Xoossa xuura erateththa; he erateththay Xoossi daro wodeppe kase nuna bonchchos kasetidi giigsi woththidayssa.

1ቆሮንቶሴ ኣሳስ 4:1

Hessa gidida gishshas asi wurikka nuna Kirstoosa oosanchchata malanne Xoossa xuura qonccisanaas hadara ekkida asa mala qoodanaas bessees.

2ቆሮንቶሴ ኣሳስ 5:2

He wodey gakkanaas nu keeththaa saloyssa may7anaas nu laamoti naagoos.

2ቆሮንቶሴ ኣሳስ 5:4

Nuni hayssa ha dunkaanezan diza wode ubbaan izi deexxiza gishshas daabura piidhi goos; hessas gaasoykka hayqqizayssi de7on laamettana mala nuni salon daana sohoza may7ana attiin nuuppe qaarettana mala nu koyokko.

ኤፌሶኔ ኣሳስ 1:9

Xoossi qoppida ba xuura qofaa Kirstoosa baggara ba lo7o qofaa mala nuna erisides.

ኤፌሶኔ ኣሳስ 3:3

Hayssafe kase ta inttes qaanththara xaafida mala taas qoncciin ta eranaas dandayda xuuray hayssa.

ኤፌሶኔ ኣሳስ 5:32

Hayssi daro xuura yo7o; tanikka hayssa Kirstoosa gishshassinne Woosa Keeththa gishshas yootays.

ፒሊጲሲዮሴ ኣሳስ 3:21

Izikka ubbaa baappe garsan haarisana dandayza ba wolqqan daaburanchcha gidida nu asateth bonchchettida ba asateth misatissidi laammana.