1ቆሮንቶሴ ኣሳስ 1:19 - Geeshsha Maxaafa

¹⁹ «Cinccata cinccateth ta isttafe dhayssana; eranchchata erateththaa ta hada ooththana» geetetti Geeshsha Maxaafan xaafettides.

ጋሞ ማጻፋ

¹⁹ «ጪንጫታ ጪንጫቴ ታ ኢስታፌ ይሳና፤ ኤራንቻታ ኤራቴ ታ ሃዳ ኦና» ጌቴቲ ጌሻ ማጻፋን ጻፌቲዴስ።

Gamo Geesha Maxxafa New Testamen

¹⁹ “Cinccata cinccateth ta issitafe dhaysana; eranchata eratetha ta hada oothana” geeteti geesha maxaafan xaafettides.

1ቆሮንቶሴ ኣሳስ 1:19 ပူးပေါင်းရင်းမြစ်များ

ኢሳያሳ ቲንቢቴ 19:11

Xaanoose biitta halaqati keehi eeya; aadho eranchcha gidida kawo Paaroone aadho eranchchata zorey hada. Paaroones, «Tani aadho eranchchatappe issaa; tani kase kawota kaallizaade» waanidi geetii?

ኢሳያሳ ቲንቢቴ 19:3

Gibxeta wozinay labettana; tani istta halchcho hada ooththana. Istta eeqa xoossatanne moytilleta, tuna ayana xeygizaytanne marota zore oychchana.

ኢሳያሳ ቲንቢቴ 29:14

Hessa gishshas tani ha asaa bolla malalisiza miishsha bolla malalisiza miish ooththashe zaara zaara istta malalissana; aadho eranchchata erateththi dhayana; akeekanchchata akeekaykka pentti baana» gides.

ኤርማሳ ቲንቢቴ 10:7

Abeet kawoteththatas kawoo! Nees yayyonttay oonee? Nees bonchchoy bessees; gaasoykka aadho eranchchata garsaninne istta kawoteththata ubbaa garsan ne malay deenna.

ኤርማሳ ቲንቢቴ 8:9

Aadho eranchchati yeellatana; istti kawuyananne woximaden oykettana. GODAA qaalara istti eqettichchiin isttas aaza erateththi dizee?

1ቆሮንቶሴ ኣሳስ 3:19

Hayssa ha dereza erateththi Xoossa achchan eeyateththa; kase Geeshsha Maxaafan, «Izi eranchchata istta gene ooso gaason zaaridi oykkana» geetetti xaafettides.

1ቆሮንቶሴ ኣሳስ 4:10

Nu Kirstoosa gishshas eeyata gididos; intte qasse Kirstoosan eranchchata; nuni daaburanchchata; intte gidikko minota; intte bonchchettidayta; nuni gidikko kawushshata.

1ቆሮንቶሴ ኣሳስ 4:6

Hessa gishshas ta ishatoo! Ta inttena go7ana mala ha yo7ozan tananne Aphiloosa inttes leemiso shiishshadis; ta hayssa ooththiday, «Xaafettidayssafe aadhdhofa» gizayssa intte nuuppe taamarana malassa. Hessa gishshas intte issaade sabbidi hara as kadhanaas bessenna.