1ቆሮንቶሴ ኣሳስ 1:11 - Geeshsha Maxaafa

¹¹ Ta ishatoo! Intte garsan palamay dizayssa ta Qaalo7e soo asaappe siyadis.

ጋሞ ማጻፋ

¹¹ ታ ኢሻቶ! ኢንቴ ጋርሳን ፓላማይ ዲዛይሳ ታ ቃሎኤ ሶ ኣሳፔ ሲያዲስ።

Gamo Geesha Maxxafa New Testamen

¹¹ Ta ishato inte garisan palamay dizayssa ta Qalo7i so asape siyadis.

1ቆሮንቶሴ ኣሳስ 1:11 ပူးပေါင်းရင်းမြစ်များ

ሜቴ ማጻፋ 27:42

Giddotiin Irbiqay hayssa ba bayra naaza Eesawe qaala siyida gishshas ba kaalo naa Yaaqoobe xeygisa ehada, «Ne ishay Eesawey nena wodhidi halo kessanaas koyees.

ሜቴ ማጻፋ 37:2

Yaaqoobe nayti hanidayssi hayssafe kaallidi xaafettidayssa. Yooseefey 17 layththa naa gidida wode ba aawaa aylletappe, Bilihappenne Zilfife yelettida ba ishatara ba aawa meheta heemmees; he wode izi ba aawaas istti ooththida iita miish ehi yootees.

ሌሚሶ ማጻፋ 13:10

Otoroy oosh yelees; aadho erateththi gidikko zore ekkizayta matan dees.

ሌሚሶ ማጻፋ 18:6

Eeya asa doonay iza bolla oosh denththees; iza doonappe ke7iza qaalay iza bolla durqqa xeygees.

1ቆሮንቶሴ ኣሳስ 1:10

Ta ishatoo! Intte garsan shaaketeththi dontta mala inttes issi wozinaynne issi qofay daana malanne intte intte garsan issino gidana mala Godaa Yesus Kirstoosa sunththan ta inttena woossays.

1ቆሮንቶሴ ኣሳስ 1:12

Yo7ozikka hayssa mala; intte garsan issi issi asati, «Ta Phawuloosa bagga» geettes; baggay qasse, «Ta Aphiloosa bagga» geettes; baggay qasse, «Ta Keefa bagga» gishin haray qasse, «Ta Kirstoosa bagga» geettes.

1ቆሮንቶሴ ኣሳስ 11:18

Intte Woosa Keeththan shiiqiza wode intte garsan shaaketeththi dizayssa ta kaseta siyadis; ta siyoyssafe baggay tumu gidanayssa ta ammanays.

1ቆሮንቶሴ ኣሳስ 3:3

Intte ha7ikka buro ammanon minnonttayta gidida gishshas intte giddon qanaateteththinne palamay dees; histtiin intte buro ammanon minnontta asa mala gidekketii? Intte oosoy coo mela asi ooththizayssa mala gidennee?

2ቆሮንቶሴ ኣሳስ 12:20

Tani hee biza wode oonee erizay intte ta koyida mala hanontta aggiko tanikka intte koyza mala gidontta dashe gaagettaneesha gaada hirgays; hessaththoka intte giddon ooshshi, qanaateteththi, hanqoy, zuppeteththi, asa sunth iisoy, zigirsi, otoreteththinne kachchi duus aggenna gaada hirgays.

ጋላቲያ ኣሳስ 5:15

Gido attiin intte issoy issaara saxettizayta gidikko intte intte garsan wurontta mala naagettite.

ጋላቲያ ኣሳስ 5:20

Eeqas goyno, bita, ixeteth, oosh, qanaateteth, hanqo, bana xalla doso, shaaketeth, zuppeteth,

ጋላቲያ ኣሳስ 5:26

Nuni issoy issaa iitas denththeththishenne qanaatettishe coo mela ceeqettizayssa ane aggoos.

ፒሊጲሲዮሴ ኣሳስ 2:14

Ay miishshika zuuzunththinne palamay baynda ooththite.

1ጺምቶሳስ 6:4

hessaadey otoreteththan kumidessinne aykkoka yuushshi qoppenna; issi issi qaalata gishshas palamettanaassinne ooyetanaas iita amoy izan dees; heytikka qanaateteth, oosh, cash, iita sidhe kaaleththeettes.

Titosas 3:9

Qasseka hada palamappenne asay ba qommo qoodizaazappe, marshefenne woga gishshas dendiza ooshshafe ne haakka; heytantti go7ay baynda paththontta yo7o.