1ታሪኬ ማጻፋ 9:1 - Geeshsha Maxaafa

¹ Isra7eele asay ubbay ba yeleta zarkken zarkken xaafettides; ha taarikey Isra7eele Kawota Maxaafan xaafetti uttides. Yuhuda asay ba nagara gaason Baabiloone biitta di7etti bides.

ጋሞ ማጻፋ

¹ ኢስራኤሌ ኣሳይ ኡባይ ባ ዬሌታ ዛርኬን ዛርኬን ጻፌቲዴስ፤ ሃ ታሪኬይ ኢስራኤሌ ካዎታ ማጻፋን ጻፌቲ ኡቲዴስ። ዩሁዳ ኣሳይ ባ ናጋራ ጋሶን ባቢሎኔ ቢታ ዲኤቲ ቢዴስ።

1ታሪኬ ማጻፋ 9:1 ပူးပေါင်းရင်းမြစ်များ

1ካዎታ ማጻፋ 14:19

Attida Iyorba7aame taarikey, izi ooththida oosoti, izi olettida olatinne izi ayssida ayso wogati Isra7eele kawota Taarike Maxaafan xaafetti uttida.

2ካዎታ ማጻፋ 24:14

Qasseka Yerusalaame asaa ubbaa, ola gadawatanne olanchchata ubbaa, hiillanchchatanne wogaceta ubbaa issi bolla 10,000 as di7i ekki ba dere efides; heen derezan attidayti puuththa manqota xalla.

2ካዎታ ማጻፋ 24:15

Nabukadanaxoorey Iyo7aakine di7i ekkidi Baabiloone efides; hessaththoka kawoza aayeyo, iza machcheta, iza shuumetanne deren erettida gita asata Yerusalaameppe Baabiloone efides.

2ካዎታ ማጻፋ 24:16

Qasseka Baabiloone kawoy minonne olas gakkida 7,000 olanchchata, 1,000 hiillanchchatanne wogaceta issi bolla di7i ekkidi Baabiloone efides.

1ታሪኬ ማጻፋ 8:40

Ulaame nayti wolqqamanne mino olanchchata; isttika wondafen duko erizayta; Ulaames 150 attuma naytinne nayta nayti deettes. Hayti ubbati Biniyaame zareta.

2ታሪኬ ማጻፋ 33:11

Hessa gishshas GODAY Asoore kawo ola gadawata istta bolla denththides; histtiin istti Minaase siidhen dafo aaththida; xarqimala sansalatan qachchidi Baabiloone biitta efida.

ኢዝራ ማጻፋ 2:1

Baabiloone kawo Nabukadanaxoorey Baabiloone dere di7i efidaytappe Yuhudanne Yerusalaame katamata simmida asati hayssafe kaalli dizayta;

ኢዝራ ማጻፋ 2:59

Hayssafe kaalli dizayti Teli-Meela, Teli-Harsha, Kirube, Adana, Imere geetetti xeygettiza katamatappe Yerusalaame simmidayta; gido attiin istta gidiin woykko istta aawati Isra7eele zereth gididayssa shaakki erisanaas dandaybeettenna.

ናሂሚያ ማጻፋ 11:1

Deraa kaaleththizayti Yerusalaamen de7ida; qasseka hankko tammu keeththa asaappe issi keeththa asi geesh gidida Yerusalaame kataman daanaytas saama yeggi doorida; hankko attida asay gidikko dumma dumma katamata baas deeththaso ooththides;

ናሂሚያ ማጻፋ 7:5

Xoossay dereza, deraa ayssizaytanne shuumeta ta shiishshada istta yeleta zarkkey waani waani xaafettidaakko ta xeellana mala tana qofsides; hessa gishshas kase di7eteththafe simmida asata mazgaba demmadis; ta demmida mazgabay hayssafe kaallizayssa;

ኢሳያሳ ቲንቢቴ 3:2

Qaratanne olanchchata, pirdizaytanne nabeta, muurennizaytanne cimata,

ኤርማሳ ቲንቢቴ 13:19

Negebe biittan diza katamati ubbay gordettana. Istta doyanaadeyka deenna; Yuhuda asay ubbay di7ettidi baana; istta ogeykka gordettana› ga» gides.

ኤርማሳ ቲንቢቴ 39:9

Baabiloone kawo bonchcho naagiza zabeta azaziza Nabuzaradaaney kataman attida asatanne kaddidi banan gaaggida asata ubbaa issife di7idi Baabiloone biitta efides.

ዳኔላ ቲንቢቴ 1:2

GODAY Yuhuda kawo Iyo7aaqeme amarda Xoossa Keeththa miishshatara iza kushen aaththi immides; izikka ba xoossa keeththan woththana Sana7oore efides; izi di7i efida Xoossa Keeththa miishsha ubbaaka ba eeqa xoossata miishshe woththiza keeththan woththides.