1ታሪኬ ማጻፋ 28:2 - Geeshsha Maxaafa

² Histtiin kawo Dawiti dendi eqqidi, «Ta ishanttoo, ta asatoo, siyite! Nu GODAA Taabotay uttizasonne nu Xoossaa tohoy shempizaso Xoossa keeth keexxanaas ta wozinan qoppada halchcho kessadis; keexxanaas koshshiza miishshatakka giigsadis.

ጋሞ ማጻፋ

² ሂስቲን ካዎ ዳዊቲ ዴንዲ ኤቂዲ፥ «ታ ኢሻንቶ፥ ታ ኣሳቶ፥ ሲዪቴ! ኑ ጎዳ ታቦታይ ኡቲዛሶኔ ኑ ጾሳ ቶሆይ ሼምፒዛሶ ጾሳ ኬ ኬጻናስ ታ ዎዚናን ቆፓዳ ሃልቾ ኬሳዲስ፤ ኬጻናስ ኮሺዛ ሚሻታካ ጊጊሳዲስ።

1ታሪኬ ማጻፋ 28:2 ပူးပေါင်းရင်းမြစ်များ

ሜቴ ማጻፋ 48:2

Asay Yaaqoobe, «Beya! Ne nay Yooseefey neekko yides» giin Isra7eeley minettidi ba hiixa bolla dendi uttides.

1ካዎታ ማጻፋ 1:47

Qasse kawo shuumeti nu godaa kawo Dawitekko yiidi, ‹Ne Xoossay Solomoone sunththaa ne sunththaafe dhoqqu histto! Iza kawoteththa araataakka neyssafe aadheth histto!› giidi anjjida; histtiin kawoy ba algan dishe hokki Xoossas goynnishe,

1ካዎታ ማጻፋ 5:3

«Ta aawaa Dawite bolla ubbasora dendida olaa gaason GODAY iza morkketa iza tohoppe garsara haarisana gakkanaas GODAA ba Xoossaa sunththaas Keeththe izi keexxana dandayontta aggidayssa ne eraasa.

1ታሪኬ ማጻፋ 17:4

«Ba; baada ta aylle Dawites GODAY nees gizayssi ta izan de7ana keeth keexxanay nena gidakka.

1ታሪኬ ማጻፋ 22:14

«Tani ta wolqqay gaththida mala Godaa Xoossaa Keeththe keexxanaas 3,400 kilo giraame gidiza worqqanne 34,000 kilo giraame gidiza bira shiishshadis; qasseka keehi daro xarqimalanne birata, miththinne shuch giigsadis; hessa bolla gujissizayssa neni gujja.

1ታሪኬ ማጻፋ 22:6

Hessafe guye Dawiti ba naa Solomoone xeygidi GODAA Isra7eele Xoossa Keeththaa keexxana mala azazides.

1ታሪኬ ማጻፋ 22:7

Dawiti Solomoone, «Ta naazoo, tani GODAA ta Xoossaa bonchchos Keeththe keexxanaas ta wozinan qoppadis.

1ታሪኬ ማጻፋ 6:31

Dawiti Caaqo Qaala Taabotaa Yerusalaame ehidaappe guye Godaa Xoossa Keeththan mazamure yexxizaytas halaqata shuumides.

2ታሪኬ ማጻፋ 6:7

«Ta aawa Dawiti GODAAS Isra7eele Xoossaa sunththaas keeth keexxanaas ba wozinan qoppides.

ዬ ማጻፋ 110:1

GODAY ta Godaas, «Tani ne morkketa ne toho garsan yedhisana gakkanaas, ta ushachchan utta» gides.

ዬ ማጻፋ 132:14

«Hanna taas mernaas shempposo gidana; tani izo dosida gishshas izin de7ana.

ዬ ማጻፋ 132:2

GODAWU! Izi nees caaqqida qaala, wolqqama Yaaqoobe Xoossaska adinettida adinaa qoppa.

ዬ ማጻፋ 22:22

Tani ne sunththa ta ishatas yootana; istti shiiqidasonkka ta nena galatana.

ዬ ማጻፋ 99:5

Izi dumma gidida gishshas GODAA nu Xoossaa dhoqqu dhoqqu histtite; iza toho garsankka gufannidi izas goynnite.

ኢሳያሳ ቲንቢቴ 60:13

Ta Keeththay dizaso alleqissanaas, Libaanoose bonchchoy guuganththi, xiiddaynne barseneetey neekko yaana; ta tohoy eqqizasoza ta bonchchana.

ኢሳያሳ ቲንቢቴ 66:1

GODAY, «Saloy taas araata; sa7aykka taas yedhdhizaso; histtiin intte taas keexxana keeththinne ta shemppana soy awayssee?

ኤርማሳ ዚላስ 2:1

GODAY Xiyoone macca nayo ba hanqon wostti kawushshidee! Isra7eele bonchcho saloppe duge sa7an yeggides; izi ba hanqo gallas ba toho shempisizaso gididaaro zaari qoppanaas koyibeenna.

ሂዚቄላ ቲንቢቴ 43:7

Izi «Haysso asa nawu, hayssi ta alga sohonne ta tohoy yedhdhiza soho. Tani Isra7eele asaa giddon mernaas daana. Hayssafe guye Isra7eele as gidiin, istta kawoteththa gidiin, hara xoossatas goynnidi woykko shemppoy baynda bantta kawota hawulte goynnon ta geeshsha sunththaa tunisettenna.

Maatosa 25:16

Ichchashu shii bira ekkida addezi heerakka miishshaan zal7e oykkidi hara ichchashu shii bira wodhisides.

ዛሬ ማጻፋ 17:15

intte kawoththanay GODAA intte Xoossay inttes dooridaade gididayssa erite; hessi intte asaa giddofe doorettidayssa giddofe attiin hara biitta as intte bolla kawosopite.

ዛሬ ማጻፋ 17:20

Histtiko izi ba wozinan, «Tani ta laggetappe aadhdhays» giidi Isra7eele asaa bolla otorettenna; GODAA ba Xoossaa wogappe hadirsinne ushach geenna; izi daro layth kawotana; iza naytikka Isra7eele biittan daro layth kawotana.