1ታሪኬ ማጻፋ 21:13 - Geeshsha Maxaafa

¹³ Dawiti Gaades, «Ta dooranaas keeha metotadis; gidikkoka Godaa Xoossa maarotay keehi gita gidida gishshas asa kushen kundanaappe Xoossa kushen kundeththi taas lo7o» gides.

ጋሞ ማጻፋ

¹³ ዳዊቲ ጋዴስ፥ «ታ ዶራናስ ኬሃ ሜቶታዲስ፤ ጊዲኮካ ጎዳ ጾሳ ማሮታይ ኬሂ ጊታ ጊዲዳ ጊሻስ ኣሳ ኩሼን ኩንዳናፔ ጾሳ ኩሼን ኩንዴ ታስ ሎኦ» ጊዴስ።

1ታሪኬ ማጻፋ 21:13 ပူးပေါင်းရင်းမြစ်များ

2ካዎታ ማጻፋ 6:15

Xoossa nabezas aylley wonttara izi kare kezishin parataninne para-gaaretan minnida wolqqama olanchchati katamayo yuuyi aadhdhi dizayssa be7idi, «Godoo! Nu ay ooththiko lo7o?» giidi oychchides.

2ካዎታ ማጻፋ 7:4

Gede katamayo nu gelana giikko heen koshay diza gishshas nuni koshan hayqqana; haan hayssan diikkoka nuus hayqoy attenna; Aaraame olanchchata giddo ane co7u giidi boos; istti co7u giikko nu attana; wodhikkoka heen hayqqana» gida.

2ታሪኬ ማጻፋ 28:9

Odeede geetettiza GODAA nabey Samaariyan dees; Odeedi Samaariya yiza olanchchatara gayttanaas kezidi, «Be7ite, intte aawata GODAY Yuhuda hanqettida gishshas intte kushen aaththi immides; gido attiin intteka wogay baynda hanqo hanqettidi istta wursideta.

ኣስቴሪ ማጻፋ 4:11

«Kawoza aylletinne iza awuraajjan diza asay ubbay macca gidiin, attuma gidiin, oonikka kawozi xeygontta dishin kawozi dizaso gelizaades kawozappe issi wogay dizayssa erees; he wogazakka menththidaadey hayqqees. Asi hessa mala hayqoppe attana dandayzay kawozi worqqa guufeza denththi bessishina. Tani kawozaakko gelanaas xeygettoosofe hach gakkanaas heedzdzu tammu gallassafe aadhdhides» gi yootana mala izas yootadus.

ኣስቴሪ ማጻፋ 4:16

«Baada Suusan diza Ayhuda asa ubbaa issiso shiishsha. Histtidi taas xoomite; heedzdzu gallassinne heedzdzu omars gakkanaas moopitenne uyopite. Taninne ta dangaxireti hessaththo xoomana; hessi polettidaappe guye hanozi wogappe karera gidikkoka tani kawozaakko gelana; tani hayqqikokka hayqqana» giza zaaro yeddadus.

ዬ ማጻፋ 103:8

GODAY qadhettizaadenne maarizaade; izi hanqettanaas eesotonttaade; iza siiqoy keehippe daro.

ዬ ማጻፋ 106:7

Nu aawati Gibxen de7iza wode, ne malalisiza ooso qoppibeettenna. Ne siiqo daroteththaa istti akeekibeettenna; Zo7o abba lanqen makkallida.

ዬ ማጻፋ 119:156

Abeet GODAWU! Ne qadhetay daro; ne qaala mala tana shemppora paxa woththa.

ዬ ማጻፋ 130:4

Gido attiin nuni nena bonchchana mala neni nu nagara atto gaasa.

ዬ ማጻፋ 130:7

GODAA achchan siiqoynne maaroteththi diza gishshas Isra7eele asawu! GODAAN hidota ooththite.

ዬ ማጻፋ 5:7

Gido attiin tani ne maaro daron ne keeththa gelana. Ne geeshsha Keeththaako simmada bonchchoninne yashshateththan nees goynnana.

ዬ ማጻፋ 69:13

Abeet GODAWU! Tani gidikko nena woossays. Abeet Xoossawu! Ne doorida wode ta woosa siya; ne mernaa siiqon ne ashshiza ashoza tana bessa.

ዬ ማጻፋ 69:16

Abeet GODAWU! Ne mernaa siiqo kiyateththa mala taas zaaro imma; Ne qadheta daron taakko simma.

ዬ ማጻፋ 86:15

Gido attiin abeet Godawu! Neni qadhettizaadenne maariza Xoossa; hanqettanaas gam7iza Xoossa; ne siiqoynne ne ammaneteththay keehi daro.

ዬ ማጻፋ 86:5

Abeet Godawu! Neni nuus kiyanne atto gizaade; nena woossiza ubbaas ne mernaa siiqo bessaasa.

ሌሚሶ ማጻፋ 12:10

Xillo asi ba mehes qadhettees; iita asi kiyattees giikkoka menxe iita.

ኢሳያሳ ቲንቢቴ 46:7

Denththidi bantta hashen tookkeettes; zaaridi he denththida sohon woththeettes; izikka heen eqqaa gees; heeppe awakka qaaxxenna; oonikka izakko waassiko zaaro immenna; metoppeka iza ashshenna.

ኢሳያሳ ቲንቢቴ 47:6

Tani ta deraa hanqettadis; tani xinxxozakka tunisadis; tani istta ne kushen aaththa immadis. Neni gidikko isttas qadhettabeekka; cimmidayta bollaka keehi deexo qambara woththadasa.

ኢሳያሳ ቲንቢቴ 55:7

Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ኢሳያሳ ቲንቢቴ 63:15

Abeet GODAWU, dummatida, bonchchettidanne dhoqqu gida ne araataappe saloppe duge xeella; ne wolqqaynne ne mishettiza mishoy awanee? ne ashketeththaynne ne qadheteththi nuuppe haakkides.

ኢሳያሳ ቲንቢቴ 63:7

GODAA kiyateththi, GODAY nuus ooththida ooso ubbaa gishshas, izi galatettiza oosoza gishshas, iza siiqozanne iza kiyateththa keena, Isra7eele keeththas izi ooththidayssa, ee izi ooththida lo7o oosota gishshas ta yootana.

ኤርማሳ ዚላስ 3:32

Izi asa bolla meto ehikkoka ba mernaa siiqon simmi qadhettees;

ዮናሳ ቲንቢቴ 3:9

Histtiko Xoossay nuus qadhettidi nu dhayontta mala ba wolqqama hanqofe simmanaakko oonee erizay» gides.

ዮናሳ ቲንቢቴ 4:2

Hessafe guye GODAA, «Abeet GODAWU! Tani buro ta deren dashe gidayssi hayssa gidennee? Ta ne sinththafe betada Tarseese baanaas eesotidayssi hessassa; qadhetaynne maarotay nenan kumida Xoossaa ne gididayssa, hanqos eesotonttayssanne aggontta siiqon kumidayssa, qasse ehana gida iita miishshika aggiza Xoossa ne gididayssa tani kasekka erays.

ሚኪያሳ ቲንቢቴ 7:18

Dhayshe attida zereththaa nagara atto gi maariza ne mala Xoossi oonee? Neni mernaas hanqettaka; maaro gelizayssan ne ufayettaasa.

ኢምባቆ ቲንቢቴ 3:2

Abeet GODAWU! Ta ne goobateththa gishshas siyadis. GODAWU ne oosoykka tana yashissides; neni ne ooso nu woden ooraththa; ne oosoti nu wodenkka erettana mala ooththarkkii! Hanqo wodekka maaroteth qopparkkii!

ዮሃኒሳ ሚሺራቾ 12:27

Qasseka Yesusi, «Hekko ta shemppoya metotadus; ‹Ta Aawawu! Ha saateyppe tana ashsha gooshaa?› Ta hizgontta mala ta yiday hanno ha meto saateyssa.

ፒሊጲሲዮሴ ኣሳስ 1:23

Ha nam7u hanotan metotettadis; ta baada Kirstoosara daanaas laamotays; hessi hara ubbaafe keehi lo7o.

Ibirawe 10:31

De7o Xoossaa kushen kundeththi daro babisees.