1ታሪኬ ማጻፋ 15:29 - Geeshsha Maxaafa

²⁹ Caaqo Qaala Taabotay Dawite katama gelishin kawo Dawiti ufayettidi durishininne kaa7ishin Sa7oole naya Milkoola maskootera mokka xeellada kawo Dawite ba wozinara kadhadus.

ጋሞ ማጻፋ

²⁹ ጫቆ ቃላ ታቦታይ ዳዊቴ ካታማ ጌሊሺን ካዎ ዳዊቲ ኡፋዬቲዲ ዱሪሺኒኔ ካኢሺን ሳኦሌ ናያ ሚልኮላ ማስኮቴራ ሞካ ጼላዳ ካዎ ዳዊቴ ባ ዎዚናራ ካዱስ።

1ታሪኬ ማጻፋ 15:29 ပူးပေါင်းရင်းမြစ်များ

2ሳሜላ ማጻፋ 6:16

GODAA Caaqo Qaala Taabotay Dawite katama gelishin Sa7oole naa Milkoola maskootera xeelladus; kawo Dawiti GODAA sinththan guppishininne durishin be7ada ba wozinara iza kadhadus.

1ታሪኬ ማጻፋ 15:28

Histtidi Isra7eele ubbay hombocishe xurumbanne zaye punnishe, daala giirissishe, diiththinne maasinqo diixxishe GODAA Taabotaa ehida.

1ታሪኬ ማጻፋ 17:1

Dawiti ba kawoteththa keeththan de7ishe, nabe Naataanes, «Tani zigappe keexettida keeththan de7ays; gido attiin Xoossa Caaqo Qaala Taabotay gidikko dunkaane giddon dees» gides.

ዬ ማጻፋ 149:3

Durishe karabe baqqishenne diith diixxishe iza sunth sabbetto.

ዬ ማጻፋ 150:4

Karabe baqqishenne durishe iza galatite; tammu shayan waaxettida diiththaninne susul7en iza sabbite.

ዬ ማጻፋ 30:11

Ta yeeho yeththan laammadasa. Kayo may7oza taappe qaarada ufayssa may7o tana mayzadasa.

ኬሳ ማጻፋ 15:20

Aaroone michcheya, nabe Maarama karabe ekkadus; maccassay wuri karabe baqqidi yexxishenne guppishe izo kaallides.

ኤራንቻታ ማጻፋ 3:4

Yeekkanaas wodey dees; miiccanaaskka wodey dees. kayottanaas wodey dees; qasse ufayettishe guppanaaskka wodey dees.

ኤርማሳ ቲንቢቴ 3:16

Qasseka GODAY intte qooday biitta bolla corattiza wode, ‹GODAA Caaqo Qaala Taabotaa› gi xeygekketa. Izi isttas qofettennanne akeekettenna, dhayennanne haray oosettenna.

ኤርማሳ ቲንቢቴ 30:19

Isttafe galata mazamureynne ilili1sa cenggurssi siyettana; Tani istta darssana; istta qoodaykka paccenna; tani istta bonchchettida dere ooththana; istti kadhettidayta gidettenna.

ኤርማሳ ቲንቢቴ 33:11

Ufayssa cenggurssi, mishirata cenggurssi hessaththoka bullachchizayssanne bullachchettizaari qaalay, « ‹GODAY kiya; iza maaroteththayka mernaassa; GODAA Ubbaafe Wolqqama Xoossaa galatite› giza galata yarsho ekkidi Xoossa Keeth yiza asata cenggurssi seetettana; he biittayfe di7ettida miish kase dizasota zaarana» gees.

ታይቦ ማጻፋ 10:33

Derezi geeshsha zumay diza Siina bazzo yeggidi heedzdzu gallassa oge bides; heedzdzu gallassatan GODAA Caaqo Qaala Taabotazi asay shempanaaso koyanaas asappe sinththati bides; istti kase ba diza heeraa yeddanaappe kasetidi asay shempanaaso koyanaas Caaqo Qaalaa Taabotazi isttafe sinththan sinththan bides.

ሃዋሬታ ኦሶ 2:13

Bagga asay, «Hayti daro woyne cajje uyida» giidi istta qidhida.

1ቆሮንቶሴ ኣሳስ 2:14

Xoossa Ayanay izan baynda asi Xoossa Ayanappe gididaaz ekkanaas dandayenna; gaasoykka hessa mala yo7oy izas eeyateththa; izi baas Ayanan paacettizaade gidida gishshas izi eranaas dandayenna.

2ቆሮንቶሴ ኣሳስ 5:13

Nu goosh gidikko Xoossa gishshas giidi gooyidos; erata gidikkoka inttes giidikko!

ዛሬ ማጻፋ 31:26

«GODAA wogay izan xaafettida maxaafaa ekkidi GODAA intte Xoossaa Caaqo Qaala Taabotaza achchan woththite; heen izi ba dizason dishe dereza bolla markka gidana.

Ibirawe 9:4

Hessa giddon worqqafe oosettida exaane cuwasiza qeeri shel7e malaynne worqqan meeshettida caaqo qaala taabotay dees; he taabotaykka iza giddon mannay diza worqqa leematey, cililida Aaroone guufeynne caaqo qaalati iza bolla xaafettida masettida shuchchati deettes.

ኢያሶ ማጻፋ 4:7

intte, ‹GODAA Caaqo Qaalaa Taabotay pinniza wode Yordaanoose shaafay goggizayssa aggi eqqides; ha shuchchati he sohon hanidayssa ubbaa mernaas Isra7eele asaa hassa7issizayta› giidi isttas yootite» gides.

ዳናታ ማጻፋ 20:27

He wode Xoossa caaqo Taabotay Beetele kataman dees; isttika heen Xoossa shene eranaas Xoossaa oychchida;

1ሳሜላ ማጻፋ 25:44

Sa7ooli gidikko Dawite machcho ba naa Milkoolo Gaalime deren yelettida Laysha naa Palixes immides.

1ሳሜላ ማጻፋ 4:3

Ola asay ba guta guta simmida wode Isra7eele halaqati, «GODAY hach nuni Filisxeemetan xoonettana mala aazas ooththidee? Nunara issife kezidi nu morkketa kusheppe nuna ashshana mala GODAA Caaqo Qaala Taabotaa ane Seeloppe ekki yoos» gida.