1ታሪኬ ማጻፋ 11:14 - Geeshsha Maxaafa

¹⁴ Gido attiin izinne iza kaallizayti heen soho oykkidi Filisxeeme asatara eqettida; GODAY isttas wolqqama xoono immides.

ጋሞ ማጻፋ

¹⁴ ጊዶ ኣቲን ኢዚኔ ኢዛ ካሊዛይቲ ሄን ሶሆ ኦይኪዲ ፊሊስጼሜ ኣሳታራ ኤቄቲዳ፤ ጎዳይ ኢስታስ ዎልቃማ ጾኖ ኢሚዴስ።

1ታሪኬ ማጻፋ 11:14 ပူးပေါင်းရင်းမြစ်များ

2ሳሜላ ማጻፋ 23:10

Izi gidikko ba eqqidaso yeddibeenna; iza kushey argacanaashenne mashshara issife oykettanaashe gakkanaas Filisxeemeta olides; he gallas GODAY izas gita xoono immides. Baqati bida olanchchati hayqqida asaappe ola miishshinne may7o xalla qaaratanaas Ele7eezerekko guye simmida.

2ካዎታ ማጻፋ 5:1

He wode Ni7imaaney Aaraame kawo olanchchata azazizayssa; GODAY iza baggara Aaraame derey xoono demmana mala ooththida gishshas izi ba godaa achchan daro gitanne bonchchettida asa. Izi ola qara gidikkoka inchchirachcha hargey iza bolla wodhdhides.

1ታሪኬ ማጻፋ 11:13

Filisxeeme asati olettanaas Efsi-Deemime geetettizaso shiiqida wode Alazaarey Dawitera issife dees; banggay kumida goshsha gade giddon Isra7eele olanchchati Filisxeemeta sinththafe baqatida.

1ታሪኬ ማጻፋ 11:15

Filisxeeme olanchchati Erafayme shoobban dunkaani diza wode 30 halaqatappe heedzdzati Dawiti dizaso Adulaame gongolo matan diza zaallaako wodhdhida.

ዬ ማጻፋ 144:10

Kawotas xoono immaasa; ne aylle Dawite giththa mashshafe ashshaasa.

ዬ ማጻፋ 18:50

Xoossi ba kawoththida kawos xoono bolla xoono immees. Ba tiydayssas kiyateththa bessees; Dawitesinne iza zereththatas mernaas hessaththo ooththees.

ሌሚሶ ማጻፋ 21:31

Ola gallassas para giigssees; gido attiin xoonoy GODAAPPE yees.

1ሳሜላ ማጻፋ 14:23

He wode GODAY Isra7eele ashshides; olazi Beeti-Awenera kanththi bides.

1ሳሜላ ማጻፋ 19:5

Dawiti Filisxeeme addeza ba shemppo bayzidi wodhides; GODAY kumeththa Isra7eeles gita xoono immides; nekka hessa be7ada ufayettadasa. Histtiin ne iza coo hada wodhanaas Dawite mala geeshsha asa bolla ays qoho ooththay?» giidi Dawite gishshas lo7eteththi yootides.