1ታሪኬ ማጻፋ 10:1 - Geeshsha Maxaafa

¹ Filisxeeme asati Isra7eele asatara olettida; Isra7eele asati Filisxeeme asata sinththafe baqatida; Isra7eeletappe daroti Gilbo7a zuma hu7en hayqqida.

ጋሞ ማጻፋ

¹ ፊሊስጼሜ ኣሳቲ ኢስራኤሌ ኣሳታራ ኦሌቲዳ፤ ኢስራኤሌ ኣሳቲ ፊሊስጼሜ ኣሳታ ሲንፌ ባቃቲዳ፤ ኢስራኤሌታፔ ዳሮቲ ጊልቦኣ ዙማ ሁኤን ሃይቂዳ።

1ታሪኬ ማጻፋ 10:1 ပူးပေါင်းရင်းမြစ်များ

2ሳሜላ ማጻፋ 1:21

«Intteno Gilbo7a zumatoo! Intte bolla iray bukkofo; xaazaykka intte bolla dooppo; yarshos gidiza kaththi intte goshsha biittan mokkofo. Heen ola qaraza gondalley tunides; Sa7oole gondalley hayssafe guyen zayten qucettenna.

2ሳሜላ ማጻፋ 1:6

Woreza izas yootida naateththa naazi izas zaaridi, «Toorontta dashe tani pude Gilbo7a zuma bolla kezadis; Sa7ooli heen ba toora bolla zemppi dishin para-gaaretinne toga asay goodereththishe iza bolla gakki wodhdhida.

2ሳሜላ ማጻፋ 21:12

biidi Sa7oole meqeththaanne iza naa Yoonataane meqeththaa Yaabuse Gala7aade asaappe ekkides. Yaabuse asay, istti kaqqidasoppe Beeti-Saane dubbushappe qotara ekki bida.

1ታሪኬ ማጻፋ 10:8

Wonteththa gallas Filisxeemeti ola massarata hayqqidayta bollafe qaari ekkanaas yiidi Sa7oolinne iza nayti Gilbo7a zuma hu7en hayqqidayssa demmida.

1ታሪኬ ማጻፋ 9:44

Azeeles usuppun attuma nayti deettes; heytikka Azirqaame, Bookere, Isma7eele, Sha7aariya, Abdiyunne Hanaane; hayti ubbay Azeele nayta.

1ሳሜላ ማጻፋ 28:1

He wode Filisxeeme asay Isra7eele asaa olanaas ba olanchchata shiishshides. Ankuseykka Dawite, «Neninne ne asay tanara issife olas kezanayssa erite» gides.

1ሳሜላ ማጻፋ 28:4

Filisxeeme asay issi bolla shiiqetti yiidi Sunemen uttiin Sa7ooli qasse Isra7eele asaa ubbaa shiishshidi Gilbo7a zumaa bolla uttides.