Mata 16:27 - Glavda NT Portion

²⁷ Zǝra Uuda da sii dǝ zǝrɓǝlgahaan ma ndangǝra Daddaana, da vǝlgarvǝlg kǝ dǝg shigaan aandzu war kalkala dǝgiti ɓagaa nǝ iina.

Mata 16:27 ပူးပေါင်းရင်းမြစ်များ

Mata 13:41

Da ɓǝlgaan Zǝra Uud kǝ zarhaɓǝlgaana, ar da dzahaant baɗǝm kǝ dǝgitahi fǝgara uudah kǝ ɓa haipa, baz lii ɓa tlǝra kǝlaɗǝr baɗǝmma, ar da lagwtǝrda dagal ma tlǝksǝraana.

Mata 13:49

Da band kwah daghuvala ghyǝnnga duniya, ar da sagau nǝ zarhaɓǝlga Daadamazhigǝla, ar da tagwtǝrzha kǝ kǝlaadah sagal ma uudaha jiirjiira.

Mata 24:30

“Tǝhala kwaha, da nǝghvanǝghǝg nǝ dǝga sǝrga Zǝra Uud tǝ zhigǝla. Baɗǝm nǝ uudaha duniya ar da tuug mbakyarvad dladlawa. Ar da nǝghǝganǝghǝg kǝ Zǝra Uud sii ma akumba dǝ ndzǝɗa ard dǝ ndanngǝr ba vaivaiya.

Mata 25:31

“Ma Sarti da saay nǝ Zǝra Uud ma ndanngǝraan ǝmtaɗ dǝ zarha ɓǝlga Daadamazhigǝl baɗǝmma, ngal da cihura tǝ avǝd ndanng ma tlǝkǝsǝraana.

Mata 26:64

Aiyam nǝ Yesu taa kǝ iina, “Band kwagha tagda nǝnnga. Ən tagkurtag baɗǝmma, ciigǝt ndakwana am da nǝghǝganǝghǝg kǝ Zǝra Uuda cihurgan tǝ dǝvaa kafa Dadda Ndzǝɗa, sii ma akumba zhigǝla.”

Mata 8:20

Ngugharangug nǝ Yesu amaa, “Mbayakaha ar da afkahaatǝra, ɗiikaha dlaɓa mǝng vakavaka hǝnnganahaatǝra, Zǝra Uuda maay vaka hǝnnganan biya.”

Markus 14:62

Ngwangw nǝ Yesu taakiya, “Aana ba kaiya. Am da nǝghanǝghǝg kǝ Zǝra Uuda ndzǝgan tǝ dǝvaa kaffa Daadamazhigǝl ǝmkyaɗaka, dlaɓa da saay ma akumba zhigǝla.”

Markus 8:38

Baɗǝm daddakwa cinnga zhirwara ard dǝ ǝlbǝgar ma kwanǝn kǝ zamana kwa maay jiir mavakai biya dlaɓa dǝ haipah ba ɗyaka, Zara Uud ndakwi da cinngaan kǝ zhǝruwan ma sartǝn da saggau nǝ iin ma ndangǝra Daddaana ǝmtaɗ dǝ zǝrɓǝlgah kwar caccuwanacaccuwana.”

1CO 15:23

Da ciiyav aandzu ma ba wara ba tǝdǝv tǝdǝvaana, Tlǝkatǝg nǝ tǝghǝga zuungwa, tǝhalakwaha lii ar da dǝgan daghuvali da saay nǝ iina.

1CO 3:13

Da nǝghǝva nǝghǝga nǝ tlǝra aandzu kwar kǝ dadda ndǝrga, da marazha sagal daghuvalana, adaba da marava dǝ kara aandzu tlǝra wara, dlaɓa kaar wa da sǝra tlǝri ɓaga nǝ uudana.

1CO 8:8

Sǝkiyamnda bi nǝ dǝg zǝg hǝrz da tǝvǝgh kǝ Daadamazhǝgǝl biya, aandzu ziyamuu biya, gulkiyama biya, aandzu ma ziyamuuziga fakiyamarna biya.

2CO 5:10

Aɗaba barari kǝskǝmyam kiyam ghachaan tǝvuukwa Tlǝkatǝga baɗǝmma, kiyava tǝkitam kǝ shariya. Ma bawara da caawa dǝgshǝga tlǝraani ɓagaa nǝ iin dǝ vǝgha kwan kǝ duniya, aandzu marawa aandzu marau biya

COL 3:25

Daddakwa ɓa tlǝra kǝladǝra, da tlǝkǝnatlǝg kǝ dǝgshiga kǝladǝrana, aɗaba maay nǝ Daadamazhigǝl fa dagar ma uud biya.