COL 2:18 - Glavda NT Portion

¹⁸ Mbakyarvad kwaha, haiyamant bi aanji ba war kǝ dadda naa ghǝr nenna kǝ uuram taakiya, tlaltlǝg nǝ iin kǝ ghwalvǝra ɓagan kǝ sǝnga. Hulfa kwan kǝ uuda naa ghǝran ba ghyaana , baz taaki ɓagar kwatǝnah kǝ zǝrha ɓǝlga Daadamazhigǝla, mbats ndakwani vala ba ghǝraana, ǝrviɗmahuɗana dǝga hǝnkala uuda digshiga.

COL 2:18 ပူးပေါင်းရင်းမြစ်များ

Mata 24:24

Aɗaba da sagau nǝ Kǝristiya fiidfiida ard tlayanngaha fiidfiida, ar da ɓagaan kǝ dǝgaha sǝrga ard dǝgaha jappǝr baɗyak kiyava vala uudaha, akwama ɓagaaɓaga baz lii dzǝravtǝraakana.

1CO 13:4

Waiyakǝvǝra fǝgara fa ǝrvǝdmahuɗa ard taa jir ƙǝ uuda, waiyakǝvǝra maay dǝ sǝlg biya, maay fǝgara tǝɗa fǝɗavgha ,ard ɗaaga ghǝr biya.

1CO 3:3

Adaba gwastǝna am ba ɗlab ɓa dǝgiti naag nǝ vǝghǝgha, akwama am ba ɗlab ɓa shǝlgakava, am uushava dǝ zaraabaharuwa, mbats am ba ɗlab ɓa dǝgiti naag nǝ vǝghǝgha biya, adaba am ɓa tǝrahi naag nǝ vǝghǝgha.

1CO 4:18

Kǝsarantkǝsǝg nǝ kyalmaharu mandki ǝn da maay dagau davakaru biya, baz naa ghǝratǝr kǝ iitǝra.

1CO 4:6

Aici zaraabahara, ǝlbǝg tǝghǝr kwanahaana nandal kǝ garav tǝ ghǝrarra ard Afullusa mbakyarvad kǝ uurama, kiyava tsagan kǝskuuram kǝ ǝlbǝg taaga taakiya,“Dzǝvamabi kǝ dǝgiti viindaviivdan biya,” haik tsa kusgha kǝ palla ruwa dǝ kwa tsagu n iin tǝghǝr k uudana.

1CO 8:1

Aiciya, tǝghǝr kǝ dǝg zhǝgi kwa vǝlvar kǝ ghǝlla, kǝyim sǝrgasǝrg baɗǝma miiyama kǝyam ba dǝmdǝmma, dǝmdǝmǝr wa fǝgara naa ghǝr kǝ uuda, wayaakǝvǝra fǝgara sǝrgasǝrgǝra.

1CO 9:24

Mbats am sǝrgabiya, vaka ɓa dǝrra ɓalla ǝmndǝrga, baɗǝm nǝ lii ɓalla ǝmndǝrga arɓa kǝlla ndzǝɗaatǝra ar jaara kǝ pallatǝra, ba pal miitǝr wada zaa firbiya?

2CO 11:3

Ən gǝdzǝg naiya aa nalbi band kwa dzǝghaar dǝ Hauwa, da dzaar dǝ kuuram biya. Valadavalǝg nǝ ghavala bad dyǝmdyǝmǝraana ɓagaɓag kǝ haipa. Am band kwah nǝ uurama, nǝgalnǝg nǝ dzamaghǝraru kǝ dǝga jiirǝr biya, tǝdvad kwaha, am vǝldabi kǝ ghǝraru bak jiirjiir kǝ Tlǝkatǝg biya.

2CO 12:20

Ən gǝdzǝga, mbatak sarti ǝn da sagau naiya, ǝn tlǝkuuran band kwan naag nai biya, dlaɓa am tlǝkwa nǝ uuram band kwam naag nǝ uuram biya. Ən gǝdza aa tlanarai kǝ ushava, ard sǝlga, ghwaɗa hǝnkala, ard naa ghǝra ard badza ɗaaga, ard amaaha,ard dǝkdǝka ghǝra, ard ciya hǝnkala.

COL 2:23

Hulfa kwan kǝ adzahadzaha mǝng nǝ ndzǝgana dabariya vaka faa ndzǝɗ ma gatǝga kwa naag nǝ uudaha, ar tsǝgarva ghǝratǝr kǝ cinnga ǝmtakǝr mbakyarvad gata digshiga, ar vǝlga dlaɗ kǝ ghǝratǝra. Bak jiirjiira, hulfa kwan kǝ adzahadzaha maay dǝ ndzǝɗ vaka tsǝgarva dǝgiti naag nǝ vǝgh biya

COL 2:4

Ən tagkur kwa nai haik valkurdavalǝg nǝ uudanna dǝ ǝlbǝga, ɓala gajawa.

COL 2:8

Famfǝg kǝ hyǝmiya, aa viiyǝt bi nǝ uudan kǝ ghǝraru tǝdvad ɗyamɗyama duuni kwa dǝga valuud biya, kwa tag nǝ dǝga daadija uudah tǝdvad ndzǝɗa shiɗkwa duuniya, kwa dǝga Kǝrist biya.