2CO 9:13 - Glavda NT Portion

¹³ Mbakyarvad tlǝrahi kwam ɓag nǝ uurama, ar da galgan nǝ uudah ba dyǝka kǝ Daadamazhigǝl mbakyarvad fǝgarafǝgaruwa kwa gwiiya tǝhala kwa caawamanuuram kǝ ǝlbǝg marawa Tlǝkatǝga, dlaɓa mbakyarvad kwa mǝlamtǝru nǝ uuram kǝ iitǝra ard kyalma uudaha baɗǝmma.

2CO 9:13 ပူးပေါင်းရင်းမြစ်များ

Mata 5:16

Bandkwah dlaɓa, parakaruwa aandz ba pǝripǝri tǝvuukwa uudaha, kiyava nǝghǝganǝghǝg kǝ iitǝr kǝ dǝgitah marawi am ɓag nǝ uurama, ar da fǝgaarafǝg kǝ Daadaruwi ma ghǝrazhigǝla.

Mata 9:8

Nǝghara ba nǝ dzahava dlamakǝlaawa ǝndkwaha, kaa gǝdzǝg kǝ iitǝra, ar gala Daadamazhigǝla kwa vǝlgar hulfa kwan kǝ ndzǝɗ kǝ uudaha.

2CO 10:5

Kǝm zaafir tǝghǝr kǝ lii ɓala gajauwa, kǝm dlagan aandzu kwar kǝ dǝgiti da tsǝgarva sǝrga Daadamazhigǝla, kǝm gwiidan dlaɓ aandzu hulfa kwar kǝ dzamaghǝr da tǝ ɓa kwatǝnahǝra ard fǝgara kǝ Tlǝkatǝga.

2CO 2:12

Danal ba nai damma toruwasa da taa ǝlbǝga marawa tǝghǝr kǝ Tlǝkatǝga, wurghuntwurǝg dlaɓ nǝ Yaazhǝgǝl kǝ duula ɓa tlǝr vaakwana,

2CO 8:4

Ghalarkǝmnd ghalǝga ma kǝma vǝltǝr kǝ duula ɓa tlǝra mǝltǝru kǝ uudaha, aɗaba iitǝr ndakwani mara dǝm damma lii mǝltǝru kǝ lii gatǝga kwar ghyǝba Yahuda.

2CO 9:14

Ar da dzǝkurdzug nǝ iitǝr kǝ zhǝgǝla, dlaɓa ar da dzamkurdzamǝmǝg ma ǝrvǝdmahuɗaatǝr mbakyarvad herǝrr kwa juujig kǝ taga kwa ɓagakura nǝ Daadamazhigǝla.

GAL 1:24

Kaa gala Daadamazhigǝl kǝ iitǝr mbakyarvad dǝgiti ɓaga nǝ iin tǝdvad kaiya.