2CO 2:17 - Glavda NT Portion

¹⁷ Aɗaba kǝmnda kǝm band kyalma uudah biya, kwar taa ǝlbǝg marawa Daadamazhigǝl kiyava tlǝkǝna riibatǝra. Aɗaba aa ɓǝlkǝmdǝt nǝ Daadamazhigǝl kǝskǝmnda, kǝm taa ba jirjir tǝvuukwana, kwakyarvad kǝm lii ɓa tlǝra Tlǝkatǝga.

2CO 2:17 ပူးပေါင်းရင်းမြစ်များ

Mata 24:24

Aɗaba da sagau nǝ Kǝristiya fiidfiida ard tlayanngaha fiidfiida, ar da ɓagaan kǝ dǝgaha sǝrga ard dǝgaha jappǝr baɗyak kiyava vala uudaha, akwama ɓagaaɓaga baz lii dzǝravtǝraakana.

1CO 5:8

Mbakyarvad kwaha ɓagiyamɓag kǝ hwaɗaga haara kǝssamiiyama, dǝ bruudi kwa dǝ ǝnghura yist ma vakai biya, kwa dǝga naiy kǝ uuda ard dǝga ɓa kǝladǝr biya, bamma dǝ bruudi kwal yista kwa iin ɓa jirjira ard haigant haiga.

2CO 1:12

Dǝgiti fǝkiiyama kǝ tsa kusghǝgha, aɗaba dzamaghǝramiiyam wa tagkiyamtag taakiya ɓagiyamɓag kǝ ndzǝgan ba cuwaɗaɗ ma duniya bad ǝrvǝdmahuɗ palla, kyambar ndzǝgani kwa ndzamda nǝmnd dǝ kuurama. Ən tagan taakiya ndzǝmnda bad jiira hulfa dǝga Daadamazhigǝla, tǝdvad herǝrra Daadamazhigǝla, kwakyarvad dyǝmdyǝmǝr kwan kǝ duni biya.

2CO 1:18

Bandkwa maay nǝ ndaudau biya Daadamazhigǝl iin jiira, bandkwah dlab nǝ ǝlbugǝn kǝm tagkur nǝmndna dǝga taaki “Aana” ard “Aˈa biya.”

2CO 11:11

Aujibǝg kǝskai ǝn taa kwani? Mbakyarvad ǝn maay waiyakurami ciya? Sǝrgasǝrg nǝ Daadamazhigǝl taaaki ǝn waikurwaiga.

2CO 12:19

Mbats tlatlam ba wur nǝ uuranm taakiya kǝm ɓa kǝla ndzǝɗamnd kǝ ngǝdla ghǝramnd vakaruwa. Ba Daadamazhigǝl nǝ shiidamnda, kǝm taa ba jiijir ma Tlǝkatǝga. Aandzu kǝm ɓa bau nǝmnda, kuuramǝn ǝn waikur naiya, ɓagamnd kwakyarvad am tlǝkǝna kǝ ndzǝɗa.

2CO 4:2

Maay lambamnd dǝ shǝɓa hulfa dǝga muuniya kwa saa dǝ dǝga tsa zhǝru biya. Maay lambamnd dǝ valuuda ma taa fiid dǝ ǝlbǝga Daadamazhigǝl biya. Kǝm taa ba jiir nǝmnda bat ɓalaɓala. Da ɓag ǝndkwah nǝ uudah kǝ shiida jiirjir kwa ɓagamnda nǝmnd tǝ vuuka Daadamazhigǝl ma ǝrvǝdmauɗaana.

2CO 6:7

Ard ǝlbǝgamnda kwa ba jiijiira, ard ndzǝɗa Daadamazhigǝla. Kǝm mǝng dǝ jiira kwa iin wa band dǝgdǝva kwa kiiyam hǝkyǝg nǝ miiyam ma dǝva kaffa ard dǝva ghyǝɓa.

GAL 1:6

Vǝlghwavǝlǝg nǝ dǝgiti am ɓag nǝ uuram kǝ dǝga jappǝr ba vaivaiya. Bamma sart hǝɗiikǝn am naa ɗuwa daddakwa ɗahakurǝt tǝdvad herǝrra Kristi, am gwiya damma kwatlǝrn kǝ daala ǝlbǝg shah dǝ ǝlbǝg maraw kwa samndkurdǝv nǝmnda.