2CO 13:5 - Glavda NT Portion

⁵ Sǝramakasǝrǝg ndan kǝ ghǝraruwa mbakyarvad am sǝrakan taakiya am gatǝgaan kǝ Yesu bak jiijiira. Sǝramakasǝrǝg kǝ kǝ ndzǝgana ruuwa. Mbats am sǝrgai taakiya Tlǝkatǝg ba ma kuuram biya? Akwama am sǝrgabiya, nalnǝg mbǝɗamambǝdǝg tǝ duula fǝshiga.

2CO 13:5 ပူးပေါင်းရင်းမြစ်များ

1CO 11:28

Ma ba wara aa sǝrasǝrg kǝ ghǝraana, tǝhalakwaha ka zǝgan kǝ bruudiya ard huɓǝgaan ma zǝrkuwa.

1CO 11:31

Aɗaba akwama sǝryamasǝrg kǝ ghǝramiiyama ba marawa, da maay nǝ uud vǝlkiyam dlaɗ bia.

1CO 3:16

Mbats amm sǝrgai taaki am guda Daadamazhigǝl nǝ uuram biya, dlaba shidkwa Daadamazhigǝl wa ndzǝga makuuram biya?

1CO 6:15

Mbats, am sǝrgabi taakiya vǝghǝghaharuwa uuɓiyaha tlǝkatǝg biya? Ən haigant biya, ǝn kǝsant kǝ uuɓiyaha tlǝkatǝga ǝn nǝdal kuuɓiya karuu biya.

1CO 6:19

Am sǝrga bi taakiya vǝghǝgharuwa guda shidkwa cacuwana cacuwananna kwa makurama , dlaɓa vak Daadamazhigǝl biya? Kuuram bi wam dǝ ndzǝɗ tǝ ghǝraruu biya.

1CO 6:2

Mbats, am sǝrgabi taakiya yaa daddaha gatǝg nǝ lii da tǝtǝr shari kǝ duni biya? Akwama ba kuuram wada tǝgar shari kǝ duni tsautsa , am tǝgai kǝ shari tǝghǝr kǝ dǝgitahan ǝnkyǝkwahahaan biya?

1CO 9:24

Mbats am sǝrgabiya, vaka ɓa dǝrra ɓalla ǝmndǝrga, baɗǝm nǝ lii ɓalla ǝmndǝrga arɓa kǝlla ndzǝɗaatǝra ar jaara kǝ pallatǝra, ba pal miitǝr wada zaa firbiya?

1CO 9:27

Adaba ǝn ndaiya vǝghara, nandalnǝg Evaara, mbakyarvad aa nalbi dlaɓ tǝhala taa ǝlbǝg maraw kǝkai kǝ kyalmaha, kai kata ghǝrarra da tsuwava nǝ uud kǝ tlǝkǝna zaa fiira.

2CO 6:16

Auwa dzǝtǝrǝm vǝgya Daadamazhigǝla ard hǝnyaha ɓa ghǝlli? Kǝm vǝgya Daadamazhigǝl nǝmd kwa dǝ shifǝga. Band kwa tagaa nǝ Daadamazhigǝl taaki,“Ən da ndzǝgan ǝmtaɗ dǝ iitǝra, ǝn gwaiva miitǝra. Ən nal dlaɓa kǝ Daadamazhǝgǝlatǝrra, ar nal dlaɓ nǝ iitǝr kǝ uudahara.

GAL 2:20

Hǝrtakuthǝrtǝg nǝ uud ǝmtaɗ dǝ Kristiya. ndakwana kai bi wa ndzǝgan dǝ ghǝrar biya, Kristi wa ɓa ndzǝgan ma kaiya. Kwan kǝ ndzǝganǝn ɓa naiyna, ndzǝgan tǝdvad fadǝghǝr tǝ Zǝra Daadamazhigǝla, kwa waiyakutwaiga vǝladavǝlǝg kǝ shifǝgan mbakyarvad kaiya.

GAL 4:19

Kuuram zaraabahara, ǝn gwiya huɓa dlaɗa ya kuurama. dlaɓa ǝn za ba vuuk dǝ kwanǝn kǝ dlaɗa bamma ndzandzǝg nǝ hǝnkala Kristi ma ǝrviɗmahuɗaruwa.

GAL 6:4

Aa zharnazharǝg nǝ uudan kǝ tlǝrani ɓag nǝ iin ndana. Akwama ba marawa, lakwti da tiɗa fiɗavǝgh dǝ dǝgiti ɓagaa nǝ iin dǝ ghǝrana, bamma gǝra ghǝran dǝ uudi tlǝrn biya.

COL 1:23

Akwama am zaa ba vuuk dǝ fadghǝraruwa, am ghaca ba tǝ vakaiya, ɗuuwamar bi kǝ fantara kwam dǝvakai nǝ uuram kwa cinngam ma ǝlbǝg marawǝn biya. Kwan kǝ ǝlbǝga maraw kwa tagavtǝr aanji kwar kǝ dǝgitahi vǝrɗyava ma miizhangǝl kǝ ghǝrazhigǝla, kai Bulus wa nanal kǝ dadda ɓa tlǝra.

COL 1:27

Naaga Daadamazhigǝl mara sǝran nǝ uudahan kǝ dyaka hyahǝrǝn ma dǝgan shiɓashiɓan kwa ndanga, kwa fa nǝ iin kiyava lii ar Yahudahǝn biya, dǝgitǝn shiɓashiɓanna, iin Kǝristi kwa dǝ shifǝg ma kǝ uurama, am dǝ fantar ndzǝga ǝmtaɗ dǝ iin ma ndangǝraana.

COL 2:19

Hulfa kwan kǝ uuda, ǝmtsavǝt bi tǝ Kǝristi kwa iin nǝ ghǝr tǝ vǝgh biya. Aɗaba iin wa hǝkya vǝgh baɗǝma kwa matlamatlan dǝ pǝrɗaha, ghubarǝg dlab bandkwa faa nǝ Daadamazhigǝla kiyava ghubarǝga.

COL 2:7

Am ndzan ba maraw ma iina, am faraa kǝ ndzǝɗ kǝ ghǝraruwa, dlaɓa am ghacan ma fadghǝraru bandkwa tsagamndkuru nǝmnda, am tagar uus kǝ Daadamazhigǝl ba kǝlahǝnga.