2CO 12:19 - Glavda NT Portion

¹⁹ Mbats tlatlam ba wur nǝ uuranm taakiya kǝm ɓa kǝla ndzǝɗamnd kǝ ngǝdla ghǝramnd vakaruwa. Ba Daadamazhigǝl nǝ shiidamnda, kǝm taa ba jiijir ma Tlǝkatǝga. Aandzu kǝm ɓa bau nǝmnda, kuuramǝn ǝn waikur naiya, ɓagamnd kwakyarvad am tlǝkǝna kǝ ndzǝɗa.

2CO 12:19 ပူးပေါင်းရင်းမြစ်များ

1CO 10:14

Mbakyarvad kwaha, kuramǝm ǝn waikur naiyna, aɗuumarsɗug kǝ ɓagar kwatǝnahǝr kǝ ghǝllaha.

1CO 10:33

Ɓagamɓag band kwa ǝn ɓag naiya. Ən ɓa kǝla ndzǝɗar ma ciinguu aandzu ma ba war kǝmtakǝr dǝgitahi ǝn ɓag naiy baɗǝmma, kwakyarvad ghǝrar pal wan ɓag naiy biya,ǝn ɓag kwakyarvad uudah ba dyǝkka, aɗaba maraa tlǝkǝna kǝ katǝgga.

1CO 14:26

Wan nǝ dǝgiti ǝn tagkur naiy zaraabahaara, akwama da dzahamvǝtdzahǝga, kwana ɓǝla ngsa gala Daadamazhigǝla, kwana tsaga dǝgita, taa dǝgitaha, kwana taa ǝlbǝg dǝ kwatlǝr ghaiy shaha, kwana gwiiya ghaiya. Bagamɓag baɗumma mbakyarvad mǝlgaru kǝ dlamakǝlwa lii gatǝga.

2CO 10:8

Aaandzu ba mana tsa kushǝgh dǝ ndzǝɗǝn kwa vǝlakǝmnd nǝ Yaazhǝgǝl kiyava fǝkura ndzǝɗa, kwakyarvad gulkura nǝ uud biya, ǝn da dǝgǝmbi dama zhǝru mbakyarvad tlǝrar biya.

2CO 11:10

Kwakarvad jiira Tlǝkatǝga kwa ma kaiya, maay wa tsǝkwavatsǝg baɗǝm ma haaya Akaya kǝ taaki ɗuuwarɗug kǝ tsa kushǝgh biya.

2CO 11:31

Sǝrgasǝrǝg nǝ Daadamazhigǝl taaki fiidbi wan tag naiya, kwa iin Daadamazhigǝla, dlaɓa Daada Yaazhǝgǝl Yesu Tlǝkatǝga. Aa ndzandzǝg bark tǝghǝr kǝ iina ba tangw damma zǝrazǝra!

2CO 12:15

Ən cǝnngan ǝmtakǝr akwama tsanatsǝg kǝ dǝgit vakar baɗǝmma, baz ghǝrarra kwakyarvad ǝn mǝlkuruwa. Akwamma ǝn zaa ba vuukw dǝ waiya kǝ uurama, mbats am da gulgan kǝ waiyakǝvaru mbakyarvad kaiya?

2CO 13:10

Iin wa viindankura nai kǝ kwana aandzu ban maay ǝmtaɗ dǝ kǝ uuram biya, aɗaba akwama sanǝvsǝga, aa da nal bi kǝ barari kǝskai ǝn da vǝlkur kǝ dlaɗ dǝ mara ndzǝɗǝn kwa vǝlghwa nǝ Yaazhǝgǝla, ndzǝɗa fǝgaraadǝfǝga, dǝga badzǝg dǝ badzǝg biya.

2CO 2:17

Aɗaba kǝmnda kǝm band kyalma uudah biya, kwar taa ǝlbǝg marawa Daadamazhigǝl kiyava tlǝkǝna riibatǝra. Aɗaba aa ɓǝlkǝmdǝt nǝ Daadamazhigǝl kǝskǝmnda, kǝm taa ba jirjir tǝvuukwana, kwakyarvad kǝm lii ɓa tlǝra Tlǝkatǝga.

2CO 3:1

Aitsa, kǝmnda fǝgarzha gwiya dlǝba ghǝramnd ha nǝmnda? Nii kǝm gata wakita shid da vakaruw ha, aandzu ma vakaruwa, band kwa ɓag nǝ kyalmah hi?

2CO 7:1

Takiiyamatǝg tsau nǝ uud kǝ langyiya dǝgitahan baɗǝm zaraabahara, mbakyarvad kwaha aandz ba cuwaɗad nǝ vǝghamiiyama ard ǝrvidmahuɗamiiyam haik ɓa haip kǝskǝmyama. Kiiyam nal dlaɓ ba caccuwanacaccuwana ma gǝdza Daadamazhigǝla.