2CO 11:23 - Glavda NT Portion

²³ Akwama ar lii ɓatlǝra Tlǝkatǝg nǝ iitǝra, jantǝrarajig naiya! ǝn taa ghaiya mandki nanalnǝg kǝ valaaga! abi jantǝrarajig naiy dǝ tlǝr ba vaivaiya, danaghadǝg damma guda bǝrfina, huɓanuhuɓǝg kǝ tsǝgga ba dyǝkdyǝka, shǝg badyǝk kǝskai kǝ ngǝdlǝga tǝ duula ǝmtsǝga.

2CO 11:23 ပူးပေါင်းရင်းမြစ်များ

1CO 15:10

Mbakyarvad herǝrra Daadamazhigǝl wa nanal naiy ǝndkwana, dlaɓa herǝrrǝn ɓagghwi nǝ iina ba gyagyaan biya, aɗaba januujig aandzu kwar kǝ dlakulvaha gyiya Yesu dǝ tlǝrra, bakǝvakwaha mbakyarvad sǝrgasǝrgar biya, mbakyarvad herǝrra Daadamazhǝgǝli kwa ǝmtaɗ dǝ kaiya.

1CO 3:5

War nǝ Afullusini? War nǝ Bulusi? Mbats ba lii ɓa tlǝr kalti biya, kwa famdǝghǝrt nǝ uuram tǝdvad iitǝrya, ma kwaraatǝra bad hulfa tlǝri aa vǝlgar nǝ yaazhigǝlan biya?

1CO 4:1

Da sǝrkǝmnda ka ǝnkwan nǝ uud kǝm lii ɓatlǝra yaazhǝgǝla, kwavǝlatǝr nǝ Daadamazhigǝl kǝ langyi sǝrga jiirahan kwa shiɓashiɓanna,

1CO 4:11

Ndakwana njikǝmnd nǝ waiya ard andǝla, ǝm maay fahaa sǝɗav marawau biya, kalkǝmnd kalǝg nǝ uuda,dlaba kǝm maay dǝ hǝnyah biya.

1CO 4:9

Adaba manzharg naiya, maradamarg nǝ Daadamazhigǝl bat ɓalaɓal taakiya kǝm lii ɓa tlǝra kǝm dǝga halla aandzu ma ƙǝ dǝgita, band lii ghudavtǝrdan sharia ǝmtsǝga, adaba namdalnǝg nǝg nǝmnd kǝ dǝgiti da fǝg nǝ duni kǝ gyi tǝvakai baɗǝm, baz zarha ɓǝlga Daadamazhǝgla ard uudaha.

2CO 10:7

Zharamzharǝg kǝ dǝgit bat ɓalaɓala! akwama tagaatag nǝ uudan taaki dǝga tlǝkatǝg nǝ iina, aa gwiiya dzamǝg nǝ uudanǝn kǝ ghǝra, da nǝghǝgakanǝghǝg nǝ iin taakiya ba kǝmnd ndakwani kǝm dǝga tlǝkatǝga.

2CO 11:5

Manzharg naiya jarkwarabi nǝ lii am tagtǝr nǝ uuram taaki “Ar dlakulva gyiyah Yesu” dǝ dǝgit biya.

2CO 3:6

Iin wa namndal nǝmnd kǝ lii ɓa tlǝra daala langiya kwa viindava tǝdvad adzahadzah biya, viindava tǝdvad shǝdkwa. Adzahadzahǝn kwa viindavana iin wa saa dǝ ǝmtsǝga, shǝdkwa cacuwana iin wa vǝla shifǝga.

2CO 4:11

Ma ba kiiyam ndzǝga bad shifǝg ma duniya, kiiyam ba tǝ duula ǝmtsǝg mbakyarvad Yesu, aɗaba nǝghǝvan nǝ ndzǝgana Yesu tǝ vǝghamiiyam kwa dǝga ǝmtsǝga.

2CO 6:9

Mandki sǝrkǝmnd bi nǝ uud biya, tambar sǝrkǝmndsǝrǝg nǝ uuda ba vaivaiya, Mandki kǝm ba tǝ duula ǝmtsǝga, iin wan kwana kǝm bad shifǝga. Ar vǝlkǝmnd dlaɗa, bakǝvakwaha ciiɓakǝmndabi nǝ uudi,

GAL 6:17

Cigǝt ndakwana da tǝvuuk zaraabahara, aa gwiyabi nǝ uudan kǝ gagyakai dǝ dǝgiti tlǝr biya, aɗaba vavǝrahan tǝ vǝgharna maradamarǝg taakiya ǝn ɛva Yesu naiya.

COL 1:24

Ən dlaig nai ndakwan mbakyarvad dlaɗǝn ǝn huɓǝg nai kwakyarvad kuramna, aɗaba ǝn da righgant tǝdvad dlaɗǝn kǝ dǝgiti tǝmaa kǝ dlaɗa Kǝristi huɓuu nǝ iin kwakyarvad vǝghaana, kwa iin nǝ dlamakǝlawa lii gatǝgaana.

COL 1:29

Mbakyarvad kwah wan ghulvanai kǝ ɓa tlǝr bad halavuwa ndzǝɗar kwa vǝlghwa nǝ Kǝrisri ma kaiya.