2CO 1:19 - Glavda NT Portion

¹⁹ Mbakyarvad Zǝra Daadamazhigǝla Yesu Tlǝkatǝga, wa tagan naiya ard Sila ard Timoti kǝ ǝlbǝg maraw tǝghǝra, dǝga taaki “Aana”ard “Aa” biya, ba kǝlahǝnga ba “Aana”.

2CO 1:19 ပူးပေါင်းရင်းမြစ်များ

Mata 17:5

Ma sartǝn ba ndzǝgaan taa ghai nǝ Bitrusa, kaa hǝɗtǝrduhǝɗǝg nǝ akummba, kaa cinngvacinng nǝ ghai sagal ma akumb taakiya, “Kwana iin zǝrara, kwan waig naiya, ǝn cinngaan kǝ ǝmtakǝraan ba vaivaiya. Cinngamarnucinnga.”

Mata 24:35

Zhigǝla ard haaya ar da ghyinnga, ǝlbǝgara da maay ghyinng biya.

Mata 27:40

ar taakiya, “Kǝghi tagh taakiya agha dlagnadlag kǝ Vǝgya Daadamazhigǝl agha gwiya ndǝrǝt bamma hǝng hǝkǝrɗa, katǝgci kǝ ghǝragha, akwamma agha ba zǝra Daadamazhigǝla, asǝgci saay tǝ tlaɓa hǝrtǝgǝn ndana!”

Mata 27:54

Ma sartǝn nǝghǝgha nǝ tlauja Roma maamaalǝn ard lii uufa Yesu kǝ gajagava haaya ard dǝgiti dzǝghaardzǝg baɗǝmma, kaa gǝdzǝg kǝ iitǝr ba vaivaiya, aiyam nǝ iitǝra, “Ba pakata, ndza Zǝra Daadamazhigǝla!”

Mata 3:17

Kaa cinngvacinnga nǝ ghai sii ma ghǝrazhigǝl taakiya, “Kwana iin nǝ zǝrara, ǝn waigaana dlaɓa ǝn cinngaan kǝ ǝmtakǝraan ba vaivaiya.”

Mata 4:3

Kaa sagau kǝ Shatanaha, amaa taa kǝ iina, “Magha ba zǝra Daadamazhigǝla, nǝdalnǝg ci kǝ akurǝn kǝ bruudiya.”

Markus 1:1

Kwanǝnna iin nǝ ǝlbǝg maraw tǝghǝr kǝ Yesu Kǝristi, Zǝra Daadamazhigǝla.

2CO 1:1

Bulus kwa nal kǝ dlakulva gyiiya Tlǝkatǝg Yesu dǝ naaga Daadamazhigǝla, ard zǝraabamiiyam Timoti, da vak dlamakǝlaaa lii gata Daadmazhǝgǝl ma Korinti, ǝmtaɗ dǝ yaa daddaha gatǝg baɗǝm ma larda Akaya.