1CO 9:12 - Glavda NT Portion

¹² Akwama tlǝkǝnatlǝg nǝ kyalmah kǝ ndzǝɗa ɓa kwaha, mbats, jamtǝrubi nǝmnd dǝ ɓa kwahiin biya? Bakǝvakwaha, ɓagamnd bi kǝ tlǝr dǝ ndzǝɗǝmǝnd biya, famǝnda fǝg kǝ huɗda ɓagamǝndbi kǝ dǝgiti da tsǝgarva taa ǝlbǝg marawa tlǝkatǝga.

1CO 9:12 ပူးပေါင်းရင်းမြစ်များ

1CO 13:7

Waiyakǝvǝra fǝgara fa ǝrvǝdmahuɗ kǝ uud, ard fadghǝra aandzu tauwa, ard pakka dǝgita, ard ɓǝshgaana aandzu ba ndara.

1CO 6:7

Diiya ghuunja zaraabaha ruwǝn am ɓag nǝ uuram na, abi hǝtsamal hǝtsǝg nǝ uuram ǝndkwahiina, ngulǝm am fak kǝ huɗa zǝkuruu nǝ uud biya, dlaɓa am fa kǝ huuɗa aandzu ma hutsakurvahutsǝg nǝ uud kǝ dǝgahaaru biya?

1CO 9:14

Bandkwah dlaɓa, tagadatag nǝ adzahadzaha Yaazhǝgǝl taakiya lii taa ǝlbǝg marawa ar da tlǝkǝna bavakwahiin kǝ dǝga pǝla puutatǝra

1CO 9:15

Ɓaganbi nai kǝ tlǝr aandzu dǝ pal ma kwanahaan kǝ kwara ghǝr biya, adaba ǝn viinda kwanǝn naiya mbakyavad ɓagwi nǝ band kwah biya, nggulǝm ǝn ǝmtsan nai tǝghǝr kwa da tsǝkwava nǝ uud kǝ tsa kuusghǝg dǝ kwanna.

1CO 9:16

Aandzu ban ɓa tlǝra taa ǝlbǝg marawa , nalbi adabanǝ wan kǝdǝga tsa kushǝg kǝskaiy biya, adaba barari kǝskai ɓatlǝra, dǝga zhuwadaal kǝskai akwam ǝn maay ɓatlǝr taa ǝlbǝg maraw biya.

1CO 9:18

Auci nǝdǝgshigari? Dǝgshigara, iin taa ǝlbǝg marawa, ǝn tagaan ba gyagyaana. Ən maay ɓa tlǝr dǝ kwara ghǝrǝn tlankǝna naiyin ma tlǝra taa ǝlbǝg maraw biya.

1CO 9:2

Akwama ǝn dlakulva gyiya Yesu bi nai vak uudah biya, ǝn dlakulva gyiya Yesu nai vakaruwa adaɓa kuuram nǝ dǝga sǝrga taakiya ŋ dlakulva gyiya Yesu naiya.

2CO 11:12

Ən zaa ba vuuk nai dǝ ɗuuwa kwaɓi kwam da mǝlgwad nǝ uurama, mbakyarvad ǝn tsǝtǝrva kǝ “Dlakulvaha gyiyi Yesu kwa dyǝkdyǝkǝn” kǝ ɗuula tsa kushǝgh taakiya, ar ɓa tlǝr ba kalkal dǝ kǝmnda.

2CO 11:20

Aɗaba ma fakuraafǝg nǝ uud kǝ ɓa kwatǝnahǝra, am ba ɓǝshǝgana, aandzu pǝrkurva dǝga ruuwa, ma markura ndzǝɗa, ma ɓalkura mahǝpǝngw ma hudvǝga.

2CO 2:12

Danal ba nai damma toruwasa da taa ǝlbǝga marawa tǝghǝr kǝ Tlǝkatǝga, wurghuntwurǝg dlaɓ nǝ Yaazhǝgǝl kǝ duula ɓa tlǝr vaakwana,

2CO 6:3

Nǝyamalbi kǝ duula mbǝdǝg aandzu kǝ war biya, aɗaba haika tlǝkǝna duula ghudǝkiiyamas ǝlbǝg tǝghǝr kǝ tlramiiyama.