1CO 8:6 - Glavda NT Portion

⁶ Bakǝvakwaha, ba pal nǝ Daadamazhigǝl kǝskǝmnda. Kwa iin Daadamazhigǝla Daada kwa baɗǝm nǝ dǝgitah dzǝghar ba vakaana, Kwa kiyam ndzǝgan nǝ miyam kwakyarvad iina, Yaazhǝgǝl ba palla, iin yesu tlǝkatǝga, kwa baɗǝm nǝ dǝgitaha dzǝghar tǝdvad iina, dlaɓa kiyam ndzǝgan tǝdvad iina.

1CO 8:6 ပူးပေါင်းရင်းမြစ်များ

Mata 11:27

“Badǝm nǝ dǝgitaha, vǝlghwavǝlǝg nǝ Daadara. Maay wa sǝrgasǝrǝg kǝ Zǝriin biya bamma Daada. Dlaɓa maay wa sǝrgasǝrǝg kǝ Daadiin biya, bamma Zǝriina ard kwa haigant Zǝriin marardana.

Mata 28:18

Kaa saas kǝ Yesu sa tǝvǝgh kǝ iitǝr amaa, “Vǝlghwavǝlǝg nǝ uud kǝ ndzǝɗ baɗǝm ma ghǝrazhigǝla ard duniya.

1CO 1:2

Da vak uudaha Daadamazhigǝl kwar ma kurinti, ard da vak lii ɗahavtǝrant kǝ gata Kǝristi Yesu, ǝmtad ɗǝ lii aandzu ta kwara kwar dzugazhǝgǝla ma ɗaaga yesu tlǝkatǝga yaazhigǝlamiyama, baz yaazhǝgilatǝra ard kǝmyam baɗǝmma.

1CO 12:3

Aɗabad kwaha ǝn naagan am nǝghakan taakiya, maay nǝ daddakwa shǝdkwa Daadamazhigǝl wa ɓatlǝr dǝ iin da taakiya,“Tlafatlafan nǝ Yesu biya,!” dlaɓa maay nǝ wada tagdatag taakiya,“Yesu Yaazhǝgǝl nǝ iin biya,” bamma daddakwa shǝdkwa cacuwana cacuwanan wa ɓa tlǝr dǝ iina.

1CO 6:13

“Tavatǝg nǝ kaffa mbakyarvad huuɗɗa, huuɗ dlaɓa mbakyarvad kaffa,” ba Daadamazhigǝl wa da ghyǝhtǝrghyǝhga ba bǝrkuɗa, ɓagava mbakyarvad gwaragwar nǝ vǝghǝ biya, mbagava mbakyǝ tlǝkatǝga, tlǝkatǝg dlaɓa mbakyarvad vǝghǝgha.

1CO 8:4

Aiciya, tǝghǝr kǝ zaa dǝg zǝgi kwa vǝlvar kǝ ghǝlla, kiyam sǝrgasǝrg taakiya, baɗǝm ma duuniya , maay nǝ dǝgita tuukvakai nǝ ghǝllah biya, dlaɓa kiyam taakiya Daddamazhigǝl ba palla, maay nǝ watlǝrn biya.

COL 1:6

Əlbǝg marawǝn sa dǝ barka, dlaɓa cinngalciing ma duni baɗǝmma, bandkwa ɓagaa nǝ iin makuuram bamma sarta kwa famarzha cinnga ǝlbǝg tǝghǝr herǝra Daadamazhigǝla, ard ɗuuli nǝghamaaka nǝ uurama.