1CO 6:9 - Glavda NT Portion

⁹ mbats, am sǝrgai taakiya lii maay ɓa dǝga jirjir biya ar da dǝgaabi dama tlǝkǝsa Daadamazhigǝl biya? Aa valkurdabi nǝ uud biya adaba maay nǝ lii ɓa gǝlla, ard lii ɓagarnǝs kwatǝnahǝr kǝ ghǝlaha, ard lii ɓa gwaragwara, aadzu ghulvahi hǝnna dǝ zǝraabatǝr ghulva,

1CO 6:9 ပူးပေါင်းရင်းမြစ်များ

Mata 19:29

Baɗǝm nǝ dadda kwa ɗugars vǝgyaha, bi zǝraabahaana, bi dughaha babbaana, bi daddaana bi babaana bi uusaana, bi zarhaana ard guhah kwakyarvad kaiya, da tlǝkǝnatlǝg juujig kwah shig dǝrmǝkka, da tlǝkna dlaɓa kǝ shifǝg tangw damma zǝrazǝra.

Mata 25:34

“Tǝkalakwah da tagtǝrtag nǝ tlǝkǝs kǝ lii tǝ dǝvaa kafaanǝn taakiya, ‘Asamasǝg nǝ uuramǝn fakura nǝ Daadar kǝ barkna! Na dlǝghamadlǝghǝg kǝ tlǝksǝrǝn ɓadlakurna Daadamazhigǝl bamma fazha duniya.

1CO 15:33

Aa valkurdai nǝ uud biya, “Aɗaba ndzǝgan dǝ kǝladaha badzǝgaan kǝ uuda jirjira.”

1CO 15:50

Dǝgiti ǝn tagkur naiya wah zaraabaharra, aɗaba ɓagabi kiyam tlǝkǝna kǝ gwiig ma tlǝkǝsa ghǝrazhigǝl dǝ vǝgha miiyam kwa dǝga tluwa ard avz biya, bandkwah dlaɓ nǝ daddakwa da ǝrtsǝga da maay gwiiya daddakwa maay ǝrtsǝg biya.

1CO 3:16

Mbats amm sǝrgai taaki am guda Daadamazhigǝl nǝ uuram biya, dlaba shidkwa Daadamazhigǝl wa ndzǝga makuuram biya?

1CO 5:1

Ciinganaciing taakiya mǝng nǝ lii ɓa gwaragwar makuurama, hulfa kwa maay ɓagav aandzu ma lii sǝrgai kǝ Daadamazhigǝl biya, mǝng nǝ daddakwa nadal uusa daddaan band uusaana.

1CO 5:10

Ən taa kǝ hulfa gwaragwara kwan kǝ duni biya, ma lii ɓa dlǝrmǝga, ma lii ɓa gǝlla, ma lii ɓagarnǝs kwatǝnahǝr ghǝllaha. Akwama bandkwaha barari am sagal ma tlǝra duniya.

1CO 5:11

Ən viindkur kwan nai taakiya haɗambi kǝ ghǝr aandzu kwar kǝ zǝraabi kwa gata Yesu ma ba ɓa gwaragwariya, aandzu dadda dlǝrmǝg biya, ma dadda ɓagar kwatǝnahǝr ghǝlla, ma daddakwa ɗavaɗava, ma dadda huɓa kya , ma dadda ɓa gǝlla, zambi kǝ kaf dǝ hulf kwan kǝ uudah biya.

1CO 6:10

Ma gǝllaha, ma lii dlǝrmǝga, ma lii tsǝtǝr nǝ kya, ma lii ɗavaɗaava, ma lii pǝrɗa dǝguuda, maay aandzu pallatǝr kwa da daadama tsǝkǝsa Daadamazhigǝla.

1CO 6:18

Duwamars ɗuug kǝ ɓa gwaragwara! baɗǝm nǝ haipi ɓag nǝ uuda dzavǝmbi dǝ vǝghanbiya, aɗaba dada gwaragwara ɓagar haip kǝ ghǝraana.

1CO 6:19

Am sǝrga bi taakiya vǝghǝgharuwa guda shidkwa cacuwana cacuwananna kwa makurama , dlaɓa vak Daadamazhigǝl biya? Kuuram bi wam dǝ ndzǝɗ tǝ ghǝraruu biya.

1CO 9:24

Mbats am sǝrgabiya, vaka ɓa dǝrra ɓalla ǝmndǝrga, baɗǝm nǝ lii ɓalla ǝmndǝrga arɓa kǝlla ndzǝɗaatǝra ar jaara kǝ pallatǝra, ba pal miitǝr wada zaa firbiya?

2CO 12:21

Ən gǝdza taakiya akwama da gwiiyanagwiig da vakaruwa, da fǝgwafǝg nǝ Daadamazhǝgǝlar kǝ cinnga zhǝruwa tǝ vuukwaruwa. Ən gǝdza haik badza ǝrvǝdmahuɗ kǝskai mbakyarvad uudah ba dyǝkka kwa ndzar ɓa ba haip wura, lii pǝlarabi kǝ ghǝr vaka ɓa gwaragwar biya, ard ɓa fǝdǝra ard gata duula cǝnga ǝmtakǝra dǝga tsa zhǝruwa.

GAL 6:7

Valamndabi kǝ ghǝraru biya, ɓagabi marvara nǝ ɗyǝmɗyǝmǝr kǝ Daadamazhigǝl biya. Badǝm nǝ dǝgiti aa riiga nǝ uuda, iin wa da ghudǝg nǝ iina.

COL 3:5

Mbakyarvad kwanha, ɗuwamarsɗuug kǝma dǝga duuni ma ǝrviɗmahuɗaruwa, kwa iin tlǝra gwardzǝrra, ard gwaragwara, ard ɓa kǝladǝra, ard shiɓǝlga, kwa iin ndakwani ba ɓagar kwatǝnah kǝ ghǝlaha.