1CO 6:2 - Glavda NT Portion

² Mbats, am sǝrgabi taakiya yaa daddaha gatǝg nǝ lii da tǝtǝr shari kǝ duni biya? Akwama ba kuuram wada tǝgar shari kǝ duni tsautsa , am tǝgai kǝ shari tǝghǝr kǝ dǝgitahan ǝnkyǝkwahahaan biya?

1CO 6:2 ပူးပေါင်းရင်းမြစ်များ

Mata 19:28

Am Yesu taa kǝ iitra, “Jiir wan tagkur naiya, ma zamanǝn kwa da sagauna, Zǝra Uuda da cihurga tǝ avǝda kwargaan ma tlǝksǝraan kwa ndanga, kuramǝn gatamkwagatǝgna, kuram wam da cihurga tǝ avǝdah kǝlaawa tar buwa, kiyava kwara kuɗigaha yaa Izraila kǝlaawa tar buwa.

1CO 1:20

Aitsa mǝr nǝ lii ɗǝ dabariyǝni? Ar mǝr nǝ lii taakiya ar tsaga adzahadzahi? Ar mǝr nǝ lii taakiya ar sǝrgasǝrg kǝ dǝgitah baɗǝmni? Mbats maradai nǝ Daadamazhigǝl taakiya, dyǝmdyǝma lii dǝ dabariya kwan kǝ duniya ba ɗlagǝr nǝ iina.

1CO 1:21

Aɗaba ma tag nǝ dabariya Daadamazhigǝla, uudaha duniya ar sǝrgai kǝ Daadamazhigǝl tǝdvad dabariya biya. Dlakulvakwaha, dzǝghakakadzǝrg nǝ Daadamazhigǝl kǝ lii da katǝg nǝ iin kwa fardǝghǝrtfǝg tǝ iin tǝdvad taa ǝlbǝg marawa kwa ma zharg nǝ uud maay nǝ tlǝrani.

1CO 6:4

Akwama dzǝghadzǝg nǝ hulfa kwanahaan dǝ kuurama, aujibǝg am lang davak kwa yaa daddaha gatǝn biyi?

2CO 4:18

Kwakyarvad dǝgitahi zharǝg nǝ gyiya wa kǝm fǝg nǝmnd kǝ taaɗ tǝ vakai biya, bamma dǝgitahi kwa nǝghvabiya. Aɗaba dǝgitahi kwa nǝghǝvanǝghǝga da zǝlmabi nǝ zamanan kǝ dagal biya, dǝgitahi kwa nǝghǝvabiya dǝga tangw damma zǝrazǝrra.