1CO 4:5 - Glavda NT Portion

⁵ Mbakyarvad kwaha ghudamarbi kǝ shari kǝ uud ma ɓagabi nǝ sart biya, pakamant pakǝga bamma sǝghawisǝg nǝ yaazhǝgǝla. Iin wada marda dǝgitahi shǝɓashǝɓan kwa ma gurtla, da tagdan dlaɓ kǝ dǝgiti tlatlǝg nǝ ǝrvǝdmahuɗuudaha, tǝhalakwah wada caug aandzu ma ba war kǝ kalkala dǝgshǝgaan vak Daadamazhigǝla.

1CO 4:5 ပူးပေါင်းရင်းမြစ်များ

Mata 10:26

“Mbakyarvad kwaha, gǝdzamtǝr biya, aɗaba maay nǝ dǝgiti hǝɗahǝdan kwa da maay wurav biya, dlaɓa maay nǝ dǝgiti shiɓashiɓan kwa da sǝrvaaka biya.

Mata 24:30

“Tǝhala kwaha, da nǝghvanǝghǝg nǝ dǝga sǝrga Zǝra Uud tǝ zhigǝla. Baɗǝm nǝ uudaha duniya ar da tuug mbakyarvad dladlawa. Ar da nǝghǝganǝghǝg kǝ Zǝra Uud sii ma akumba dǝ ndzǝɗa ard dǝ ndanngǝr ba vaivaiya.

Mata 24:46

Dǝ bark nǝ kwatnahǝn kwada tlǝgara nǝ dadda hǝnyahaan ɓa tlǝr ma sǝghaasǝga.

Mata 25:21

Am nǝ dadda hǝnyahaan taa kǝ iina, ‘Uusa, kwatnaha jiijiira, kwa fǝvdǝghǝrǝtfǝg tǝ vakaiya. Fǝvdǝghǝrǝtfǝg tsau dǝ kǝgh tǝghǝr kǝ zǝr dǝgit hǝdikǝna, ǝn da vǝlakvǝlǝg kǝ tlǝri juujig kwana. Asǝg sa dlaig ǝmtaɗ dǝ kaiya.’

Mata 25:23

Am nǝ dadda hǝnyahaan taa kǝ iina, ‘Uus, kwatnaha jiijiira, kwa fǝvdǝghǝrǝtfǝg tǝ vakaiya. Fǝvdǝghǝrǝtfǝg tsau dǝ kǝgh tǝghǝr kǝ dǝgit hǝdikǝna, ǝn da vǝlakvǝlǝg kǝ tlǝri juujig kwana. Asǝg sa dlaig ǝmtaɗ dǝ kaiya.’

1CO 1:7

Mbakyarvad kwaha maay nǝ dǝgiti vǝlakurbi nǝ Daadamazhigǝl tǝdvad shǝkwan biya, bandkwam fa gyi nǝ uuram am paka saaya Yaazhigǝlamiyam Yesu Kǝristi.

1CO 11:16

Akwama mǝng nǝ daddakwa haighantbi kǝ kwa nǝ iin ya, kǝm sǝrgabi nǝmnd kwatlǝrn kadzahadzah biya, bandkwah dlab nǝ kyalma zaraabaha lii gatǝga.

1CO 11:26

Ba tuuk sarti am zǝg nǝ uuram kǝ bruuiya, dlaɓa am huɓǝgan ma zǝrkuwa, am ɓǝla tlǝghǝga ǝmtsǝga Yaazhǝgǝl, tangw dama sarti da saay nǝ iina.

1CO 15:23

Da ciiyav aandzu ma ba wara ba tǝdǝv tǝdǝvaana, Tlǝkatǝg nǝ tǝghǝga zuungwa, tǝhalakwaha lii ar da dǝgan daghuvali da saay nǝ iina.

1CO 3:13

Da nǝghǝva nǝghǝga nǝ tlǝra aandzu kwar kǝ dadda ndǝrga, da marazha sagal daghuvalana, adaba da marava dǝ kara aandzu tlǝra wara, dlaɓa kaar wa da sǝra tlǝri ɓaga nǝ uudana.

1CO 3:14

Akwama ngǝrɗǝtbi nǝ ndǝrgǝn favara dat ghǝr kwa favarzhanǝn biya, daddakwa ɓaga kwan kǝ ndǝrga da tlǝkǝnatlǝg kǝ dǝgshigaana.

1CO 3:8

Dadda riiga, ard dadda kwa pǝdghar yuwa ba tlǝraatǝr palla, aɗaba ma kwaratǝra da tlǝkǝnatlǝg kǝ dǝgshiga tlǝraana.

2CO 10:18

Daddakwa dlǝba ghǝran bi wa haivanthaig dǝ iin biya, bamma daddakwa dlǝbgant nǝ Yaazhǝgǝla.

2CO 10:9

Tlatlambi taaki ǝn na vǝlkur tlatlau nai ma wakiitahar biya.

2CO 4:2

Maay lambamnd dǝ shǝɓa hulfa dǝga muuniya kwa saa dǝ dǝga tsa zhǝru biya. Maay lambamnd dǝ valuuda ma taa fiid dǝ ǝlbǝga Daadamazhigǝl biya. Kǝm taa ba jiir nǝmnda bat ɓalaɓala. Da ɓag ǝndkwah nǝ uudah kǝ shiida jiirjir kwa ɓagamnda nǝmnd tǝ vuuka Daadamazhigǝl ma ǝrvǝdmauɗaana.

2CO 5:10

Aɗaba barari kǝskǝmyam kiyam ghachaan tǝvuukwa Tlǝkatǝga baɗǝmma, kiyava tǝkitam kǝ shariya. Ma bawara da caawa dǝgshǝga tlǝraani ɓagaa nǝ iin dǝ vǝgha kwan kǝ duniya, aandzu marawa aandzu marau biya