1CO 14:2 - Glavda NT Portion

² Aɗaba daddakwa taa ghaiy shahshaha tag dǝ uudah biya, tag dǝ Daadamazhigǝla, aɗaba maay wa nǝghǝgaka nǝghǝg kǝ dǝgitahi tag nǝ iini, mbakyarvad taa dǝgitahi shiɓashiɓana tǝdvad ndzǝɗa shǝdkwa cacuwana cacuwana.

1CO 14:2 ပူးပေါင်းရင်းမြစ်များ

Mata 13:11

Kaa ngutǝraangug kǝ Yesu, amaa, “Haiyakuranthaig nǝ uud am sǝra kǝ dǝgiti shǝɓashǝɓan ma tlǝkǝsǝra Daadamazhigǝla, kiyava iitǝra vǝlavtǝr biya.

Markus 16:17

Wan nǝ dǝgiti da ɓag lii gata kaiya kiyava marra fadǝghǝratǝra. Ar da lagwan kǝ shatanah ma ɗaagara, ar da tagaan dlaɓa kǝ ǝlbǝg dǝ daala ghaiyaha.

Markus 4:11

Aiyama taa kǝ iitǝra, “Hayakuranthaig nǝ uud am sǝra kǝ dǝgiti shǝɓashǝɓan tǝghǝr kǝ tlǝkǝssǝra Daadamazhigǝla. Lii maay makuram biya, aandzu kwar kǝ dǝgita taggǝvtǝr bad garava.

1CO 12:10

Kwatlǝrna vǝlavar nǝ dǝga ɓa tlǝraha jappǝrra, kwatlǝrna dǝga tlayangngǝra, kwatlǝrna dlaɓa dǝga tagwaaka ndzǝgana shǝdkwaha, kwatlǝrna dǝga sǝrga taa ghaiyah shahshaha, kwatlǝrn dlaɓa dǝga gwiiya ghaiyah shahshaha.

1CO 12:28

Ma huɗa dlamakǝlaaa lii gatǝg Yesu, faafǝg nǝ Daadamazhigǝl kǝ lii ɓagar tlǝr kǝ Yesu kǝ dǝga zuungwa, dǝga buwa tlayanngaha, dǝga hǝkǝrɗa lii tsaga dǝgita, ka lii ɓa dǝgaha jappǝra, ka lii vǝlavtǝr vǝlga mbahuudaha, ard lii mǝlgaru kǝ uudaha, ard lii fakyǝmi tǝ tlǝra lii gatǝga, ard lii sǝrga taa ghaiyah shah shaha.

1CO 13:1

Aandzu ba mana sǝrgasǝrg kǝ taa ghaiya uudaha shah shaha ard dǝga zǝrɓǝlgaha Daadamazhigǝla, akwama ǝn maay dǝ wayakǝvǝr biya, nanalnǝg band talenlenga kwa tlaav ba gyaagyanna, aandzu gangga kwa tlaav ba dyǝk dyǝkka,

1CO 13:2

Aandzu ba mana sǝrgasǝrg kǝ taa tlayangǝra, ǝn nǝghaakan kǝ dǝgitah shiɓashiɓan baɗǝmma, dlaɓa ǝn mǝng dǝ dyǝmdyǝma baɗǝmma, ard fadǝghǝr ba vaivaiya, kwan da gantgǝg kǝ aghwa, akwama ǝn maay dǝ wayaikǝvǝr biya, maay nǝ dǝgiti ǝn tuuk vakai naiy biya.

1CO 14:16

Akwama maay ǝndkwah biya, akwama taghartag kǝ́ uus kǝ Daadamazhigǝl ba maghǝragh kaltiya, da tag ndandar nǝ daddakwa cǝnngabi kǝ dǝgiti agha tag nǝng taaki, “Amin” tǝghǝr kǝ taa uusi agha tag nǝng, akwama sǝrgabi kǝ dǝgiti agha tag nǝng biyi?

1CO 14:26

Wan nǝ dǝgiti ǝn tagkur naiy zaraabahaara, akwama da dzahamvǝtdzahǝga, kwana ɓǝla ngsa gala Daadamazhigǝla, kwana tsaga dǝgita, taa dǝgitaha, kwana taa ǝlbǝg dǝ kwatlǝr ghaiy shaha, kwana gwiiya ghaiya. Bagamɓag baɗumma mbakyarvad mǝlgaru kǝ dlamakǝlwa lii gatǝga.

1CO 15:51

Ciinngamciinga, ǝn tagkurtag kǝ dǝgiti shiɓashiɓana! kiyam da baɗǝm ǝmtsǝg biya, aiciya da gwiiyav nǝ garava miiyam baɗǝmma,

1CO 2:10

Marakiyamnda marǝg nǝ Daadamazhigǝl kǝ kwanahaan kǝ dǝgitah tǝdvad shidkwan cacuwana cacuwana, adaba shidkwa cacuwana cacuwanan wa gata shiga dǝgita,baz dǝgaha Daadamazhigǝl kwa ɗǝmɗǝm kǝ nǝghǝgaka nǝghǝga.

1CO 2:7

Kǝm taa ǝlbǝga dabariya Daadamazhigǝl shǝɓashǝɓan, dabaritan kwa ndza shǝɓashǝɓan ba wura, iin dabariya Daadamazhigǝl kwa fa nǝ iin ba wurwura lakwti kǝ fazha duniya adaba fǝkiyamara nǝ uuda.

COL 2:2

Maa tǝ naagara maraa ndzan ma waiyakǝva, dlaɓa ar tlǝkǝna kǝ ndzǝɗ ma ǝrviɗmahuɗaatǝra, kiyava tlǝkǝnatlǝg kǝ iitǝr kǝ sǝrgasǝrǝg ba maraw, ar sǝran kǝ dǝga Daadamazhigǝl shiɓashiɓana, kwa iin Kǝristi bad ghǝraana.