1CO 1:21 - Glavda NT Portion

²¹ Aɗaba ma tag nǝ dabariya Daadamazhigǝla, uudaha duniya ar sǝrgai kǝ Daadamazhigǝl tǝdvad dabariya biya. Dlakulvakwaha, dzǝghakakadzǝrg nǝ Daadamazhigǝl kǝ lii da katǝg nǝ iin kwa fardǝghǝrtfǝg tǝ iin tǝdvad taa ǝlbǝg marawa kwa ma zharg nǝ uud maay nǝ tlǝrani.

1CO 1:21 ပူးပေါင်းရင်းမြစ်များ

Mata 11:25

Ma sarta kwaha wa tagaa nǝ Yesu taakiya, “Ən tagak uus Daada, Yaazhigǝla ghǝrazhigǝl ard duniya, aɗaba shiɓǝghtǝrvashiɓǝg kǝ dǝgitahaanǝn kǝ lii dǝ dabariya ard lii sǝrgasǝrga, kaa martǝrdamarǝg kǝskǝghǝg kǝ zǝr zarhaha.

1CO 1:18

Əlbǝga hǝrtǝga, ǝlbǝga ghwaɗ nǝ iin vak lii gata duula ǝmtsǝga, aɗaba vaka miyamǝn katakiyamǝtkatǝg nǝ uudna,ǝlbǝga katǝga ndzǝɗa Daadamazhigǝla.

1CO 1:23

Kǝm taa ǝlbǝg marawa tlǝkatǝga kwa ǝmtsan tǝ tlaɓa hǝrtǝga kwa nal kǝ ɗuula mbǝɗǝg kǝ yahudaha, ɗlaba dǝga dlagǝr vak lii ar yahudah biya.

1CO 1:24

Ndzǝɗa ard dabariya Daadamazhigǝl nǝ tlǝkatǝg da vak lii ar yahudaha ard kwa yahudah biya,

1CO 1:25

Adaɓa dǝgiti ma zharga nǝ uud mandki dlagǝr wa ɓaga nǝ Daadamazhigǝla, juujig kǝ dabariya uuda, dǝgiti ma tlatlǝg nǝ uud hǝtsalhǝtsǝg nǝ Daadamazhigǝla juujig nǝ iin kǝ ndzǝɗ uud baɗǝmma,

1CO 1:27

Kǝsghaakakǝsǝg nǝ Daadamazhigǝl kǝ dǝgiti tlatlǝg nǝ uud taakiya dlagǝra, adaba tsǝtǝra kǝ zhirw kǝ lii dǝ dabariya duniya, kǝsghaka kǝsǝg nǝ Daadamazhigǝl kǝ dǝgiti zharg nǝ uudah mandki hǝtsalhǝtsǝg nǝ iina, aɗaba tsǝtǝra ku zhiruw kǝ lii dǝ ndzǝɗa.

1CO 11:32

Akwama Yaazhǝgǝl wa da tǝkiyam sharia, kiyam ndaiya ghǝramiiyama haik vǝlkiyam dlaɗ kǝ uud ǝmtad dǝ uudaha duniya.

1CO 2:14

Daddakwa shidkwa Daadamazhigǝlbi wa ɓa tlǝr dǝvakai biya, maay cauwa dǝgaha shidkwa caccuwanacaccuwana Daadamazhigǝli, adaba ɗlagǝr wahiin vakana, da nǝghǝgaaka biya, adaba nǝghvaka tǝdvad shidkwa Daadamazhigǝl nǝ dǝgitaha,

1CO 4:10

Namdalnǝg kǝ ɗlag mbakyavad tlǝkatǝga, bakǝvakwaha am dǝ dabari nǝ uuram ma tlǝkatǝga! kǝm maay dǝ ndzǝɗ nǝmnd biya kuurama am dǝ ndzǝɗa! fa zhiruw nǝ uud tǝ kuurama, vǝlkǝmnd dlaɗ nǝ uuda!

1CO 6:2

Mbats, am sǝrgabi taakiya yaa daddaha gatǝg nǝ lii da tǝtǝr shari kǝ duni biya? Akwama ba kuuram wada tǝgar shari kǝ duni tsautsa , am tǝgai kǝ shari tǝghǝr kǝ dǝgitahan ǝnkyǝkwahahaan biya?

GAL 1:15

Daadamazhigǝl kwa fakwi mahuɗa baabara, kǝsakutkǝsǝga dlaɓa ɗahakutɗahǝg tǝdvad herǝrraana, cinngucinng kǝ ǝmtakǝrarra

GAL 4:8

Ndzam sǝrgai kǝ Daadamazhigǝl wurwur biya, ndzam ɓagar kwatǝnahǝr kǝ ghǝllaha kwa ɓagaa nǝ uuda.

COL 1:19

Aɗaba cinngucinng nǝ Daadamazhigǝl kǝmtakǝra righǝga dǝgitah baɗǝm ma iina,